Ёў Ёў, раздзел Кніга Ёва, раздзел 11
І адказваў Сатар Нааміцянін і сказаў:Ёў 2:11; Ёў 20:1
хіба на мноства слоў нельга даць адказу, і хіба чалавек шматслоўны мае рацыю?Выс 10:14
Пустаслоўе тваё ці ж прымусіць маўчаць мужоў, каб ты глуміўся, і ня было каму прысароміць цябе?
Ты сказаў: меркаваньне маё правільнае, і чысты я ў вачах Тваіх.
Але калі б Бог загаварыў і растуліў вусны Свае дзеля цябе
і адкрыў табе таямніцы мудрасьці, што табе ўдвая больш належала перацерпець! Дык вось ведай, што Бог дзеля цябе некаторыя з тваіх беззаконьняў аддаў забыцьцю.Пс 50:8
Ці можаш ты дасьледаваньнем знайсьці Бога? Ці можаш цалкам спасьцігнуць Усеўладнага?Рым 11:33; 1Кар 2:11
Ён вышэйшы за нябёсы, - што можаш зрабіць? глыбейшы за апраметную, - што можаш даведацца?Пс 138:8; Ер 23:24
Даўжэйшая за зямлю мера Ягоная і шырэйшая за мора.
Калі Ён прыйдзе і замкне каго-небудзь у кайданы і паставіць на суд, дык хто адхіліць Яго?
Бо Ён ведае людзей манлівых і бачыць беззаконьне, і ці ж пакіне яго без увагі?Пс 93:9
Але пусты чалавек мудруе, хоць чалавек нараджаецца падобна дзікаму асьляняці.
Калі ты ўправіш сэрца сваё і працягнеш да Яго рукі твае,
і калі ёсьць загана ў руцэ тваёй, а ты выдаліш яе і не дасі беззаконьню жыць у намётах тваіх,Іс 1:16
дык падымеш незаплямлены твар твой і будзеш цьвёрды і ня будзеш баяцца.1Ян 3:21
Тады забудзеш гора: як пра ваду, што працякла, будзеш успамінаць пра яго.Ер 12:11
І ясьней за полудзень пойдзе жыцьцё тваё; прасьветлішся, як раніца.Пс 36:6; Іс 58:8
І будзеш спакойны, бо ёсьць надзея; ты аслонены і можаш спаць у бясьпецы.
Будзеш ляжаць, і ня будзе застрашніка, і многія будуць ласьціцца да цябе.Ляв 26:5
І вочы беззаконьнікаў растануць, і прыстанішча прападзе ў іх, і надзея іхняя шчэзьне.Ёў 8:13; Ёў 14:19