Ёў Ёў, раздзел Кніга Ёва, раздзел 20
І адказваў Сатар Нааміцянін і сказаў:Ёў 11:1
развагі мае змушаюць мяне адказаць, і я сьпяшаюся выказаць іх.
Дакор ганебны мне выслухаў я, і дух разуменьня майго адкажа за мяне.
Хіба ня ведаеш ты, што спрадвеку, - з таго часу, як пастаўлены чалавек на зямлі,
весялосьць беззаконных кароткая ў часе, і радасьць крывадушнікаў імгненная?Габр 11:25
Хоць бы вырасла да нябёсаў веліч ягоная, і галава ягоная дастала да воблакаў, -
як памёт ягоны, навекі прападае ён; тыя, што бачылі яго, скажуць, дзе ён?1Фес 5:3; Пс 36:36
Як сон, адляціць, і ня знойдуць яго; і, як начны відзеж, зьнікне.Пс 72:19; Іс 29:7
Вока, якое бачыла яго, больш не пабачыць яго, і ўжо ня ўгледзіць яго месца ягонае.Пс 36:10; Пс 102:16
Сыны яго будуць шукаць ласкі ў жабракоў, і рукі ягоныя вернуць украдзенае ім.Ёў 21:19; Ёў 27:14
Косткі яго напоўнены грахамі маладосьці ягонай, і зь ім лягуць яны ў пыл.
Калі салодкае ў роце яго зло і ён тоіць яго пад языком сваім,Пс 54:22
беражэ і ня кідае яго, а трымае яго ў вуснах, -
дык гэтая ежа ягоная ў нутробе ягонай ператворыцца ў жоўць аспідаў усярэдзіне ў яго.
Маёмасьць, якую ён глытаў, выблюе: Бог вырве яго з чэрава ягонага.
Зьмяіны яд ён смокча; усьмерціць яго язык зьмяіны.
Ня бачыць яму ручаёў, рэк, якія плывуць мёдам і малаком!
Нажытае працай верне, не праглыне; у меру маёмасьці ягонай будзе і адплата ягоная, а ён не парадуецца.Ер 12:13
Бо ён прыгнятаў, адсылаў бедных, захопліваў дамы, якіх не будаваў;Іс 5:8
ня ведаў сытасьці ў чэраве сваім і ў прагнасьці сваёй не шкадаваў нічога.Выс 10:2; Выс 11:4; Езк 7:19
Нішто не ўратавалася ад ненаеднасьці ягонай, затое ня вытрывае шчасьце ягонае.
У поўніцы багацьця будзе цесна яму; рука кожнага пакрыўджанага падымецца на яго.
Калі будзе чым напоўніць нутробу ягоную, Ён пашле на яго лютасьць гневу Свайго і здожджыць на яго хваробы ў плоці ягонай.Лік 11:33
Як уцячэ ён ад зброі жалезнай, - пратне яго лук медны;Іс 24:18; Ер 48:44
пачне вымаць стралу, - і яна выйдзе зь цела, выйдзе, зьзяючы праз жоўць ягоную; жахі сьмерці прыйдуць на яго!Пс 7:13; Езк 21:10
Усё змрочнае схавана ўсярэдзіне ў яго; будзе пажыраць яго агонь, нікім не разьдзіманы; ліха напаткае і ўсё, што засталося ў намёце ягоным.Дрз 32:22; Ер 15:14; Ер 17:4
Неба адкрые беззаконьне ягонае, і зямля паўстане супроць яго.
Зьнікне сьцягнутае з дома ягонага; усё расплывецца ў дзень гневу Яго.
Вось доля чалавеку беззаконнаму ад Бога і спадчына, вызначаная яму Ўсеўладным!Ёў 18:21; Ёў 27:13