Ёў Ёў, раздзел Кніга Ёва, раздзел 34
І гаварыў далей Эліуй і сказаў:
выслухайце, мудрыя, слова маё, і прыхілеце да мяне вуха, разважлівыя!
Бо вуха разьбірае словы, як гартань адрозьнівае смак у ежы.Ёў 12:11
Пастановім паміж сабою развагу і распазнаем, што добра.
Вось, Ёў сказаў: «праўда мая, але Бог пазбавіў мяне суду.Ёў 13:18; Ёў 23:10; Ёў 35:2
Ці павінен я маніць на праўду маю? Мая рана нявылечная бязь віны».Ёў 6:4
Ці ёсьць такі чалавек, як Ёў, які п'е глум, як ваду,Ёў 15:16
уступае ў супольнасьць з тымі, якія чыняць беззаконьне, і ходзіць зь людзьмі бязбожнымі?
Бо ён сказаў: няма карысьці чалавеку ў добрым дагодніцтве Богу.Ёў 9:22; Мал 3:14
Дык вось паслухайце мяне, мужы мудрыя. Ня можа быць у Бога няпраўды, альбо ва Ўсеўладнага неправасуддзя,Ёў 8:3; Ёў 36:23
бо Ён паводле ўчынкаў чалавека робіць зь ім і паводле шляхоў мужа адплачвае яму.Выс 24:12; Рым 2:6
Праўда, Бог ня робіць няпраўды, і Ўсеўладны не перакручвае суд.
Хто апрача Яго думае пра зямлю? І хто кіруе ўсім сусьветам?Ёў 38:4
Калі б Ён павярнуў сэрца Сваё да Сябе і ўзяў да Сябе дух яе і дыханьне яе, -Пс 103:29
раптам загінула б усякая плоць, і чалавек вярнуўся б у пыл.Быц 3:19
Дык вось, калі ты маеш розум, дык слухай гэта і ўважай словам маім.
Той, хто ненавідзіць праўду, ці можа валадарыць? І ці можаш ты зьвінаваціць Найсправядлівейшага?
Ці можна сказаць цару: ты - бязбожнік, і князям: вы - беззаконьнікі?
Але ён не зважае на асобы князёў і не выдзяляе багатага ад беднага, бо ўсе яны дзея рук Ягоных.Дрз 10:17; 2Пар 19:7; Дзеі 10:34; 1Пётр 1:17; Рым 2:11; Гал 2:6; Эф 6:9
Нечакана яны паміраюць; сярод ночы народ узбурыцца, і яны зьнікаюць; і моцных выганяюць ня сілаю.
Бо вочы Ягоныя над шляхамі чалавека, і Ён бачыць увесь поступ яго.
Няма цемры, ні ценю сьмяротнага, дзе маглі б схавацца беззаконьнікі.
Таму Ён ужо не патрабуе ад чалавека, каб ішоў на суд з Богам.
Ён ламае дужых не разьбіраючы, і пастаўляе іншых на іх месцы,Выс 5:21
бо ён робіць вядомымі дзеі іхнія і скідае іх уначы, і яны зьнішчаюцца.Ёў 27:20
Ён пабівае іх, як беззаконных людзей, на вачах у іншых,
за тое, што яны адвярнуліся ад Яго і не зразумелі ўсіх шляхоў Ягоных,Пс 27:5
так што дайшоў да Яго лямант бедных, і Ён пачуў стогны прыгнечаных.Пс 9:13
Ці даруе ён цішыню, хто можа парушыць? ці хавае Ён аблічча Сваё, хто можа ўбачыць Яго? Ці будзе гэта для народу, альбо для аднаго чалавека,Ян 14:27; Рым 8:34
каб не цараваў крывадушнік на спакусу народу.Ас 13:11
Богу трэба гаварыць: «я пацярпеў, больш ня буду грашыць.
А чаго я ня ведаю, Ты навучыш мяне; і калі я ўчыніў беззаконьне, больш ня буду».
Ці паводле тваёй развагі Ён павінен даваць? І што ты адкідаеш, тое табе належыць выбіраць, а ня мне; кажы, што ведаеш.
Людзі разумныя скажуць мне, і муж мудры, які слухае мяне:
Ёў неразумна гаворыць, і словы ягоныя бяз сэнсу.
Я хацеў бы, каб Ёў быў выпрабаваны, паводле адказаў ягоных, уласьцівых людзям бязбожным.
Інакш ён да грэху свайго дадасьць адступленьне, будзе пляскаць у ладкі сярод нас і яшчэ болей нагаворыць супроць Бога.