Ёў Ёў, раздзел Кніга Ёва, раздзел 36
І гаварыў далей Эліуй і сказаў:
пачакай мяне крыху, і я пакажу табе, што я маю яшчэ што сказаць за Бога.
Пачну мае разважаньні здалёку і аддам справядлівасьць Садзецелю майму,Пс 50:6
бо словы мае сапраўды не мана: перад табою - дасканалы ў пазнаньні.2Кар 2:17
Вось, Бог магутны і не пагарджае моцнага сілаю сэрца;
Ён не падтрымлівае бязбожных і аддае належнае прыгнечаным;
Ён не адварочвае вачэй Сваіх ад праведнікаў, а з царамі назаўсёды садзіць іх на троне, і яны ўзвышаюцца.Пс 32:18; Пс 112:7
Калі ж яны закаваныя ў ланцугі і трымаюцца ў аковах гароты,Пс 106:10
дык Ён паказвае ім на дзеі іхнія і на беззаконьні іхнія, бо яны памножыліся,
і адчыняе ім вуха дзеля настаўленьня на розум і кажа ім, каб яны адхінуліся ад бязбожнасьці.Ёў 33:16
Калі паслухаюцца і будуць служыць Яму, дык правядуць дні свае ў дабрадзенстве і гады свае ў радасьці;2Пар 33:13
калі ж не паслухаюцца, дык загінуць ад стралы і памруць у неразумстве.Лк 19:42
А крывадушнікі пестуюць у сэрцы гнеў і не заклікаюць Яго, калі Ён замыкае іх у ковы;Мц 23:27
таму і душа іхняя памірае ў маладосьці і жыцьцё іхняе з блуднікамі.
Ён ратуе беднага ад бяды ягонай і ва ўціску адчыняе вуха яму.Пс 34:10; Іс 66:2
І цябе вывеў бы Ён зь цясноцьця на прастору, дзе няма сьціску, і тое, што пастаўляецца на стол твой, было б напоўнена тлушчам;2Пар 18:31; Пс 17:20
але ты перапоўнены думкамі бязбожных: меркаваньні іх і асуда - блізкія.
Хай не пакарае цябе гнеў Божы караю! Вялікі выкуп ня выратуе цябе.1Цар 12:3; Выс 11:4
Ці дасьць Ён якую цану твайму багацьцю? Не, - ні золату і ніякаму скарбу.
Не жадай той ночы, калі народы вынішчаюцца на месцы сваім.
Сьцеражыся, ня схіляйся да бязбожнасьці, якую ты паставіў над пакутаю.Габр 6:11
Бог высокі магутнасьцю Сваёю, і хто такі, як Ён, настаўнік?1Цар 3:18
Хто пакажа Яму шлях Ягоны: хто можа сказаць: Ты робіш несправядліва?
Памятай пра тое, каб узвышаць дзеі Ягоныя, якія людзі бачаць.
Усе людзі могуць бачыць іх, чалавек можа бачыць іх здалёк.
Вось, Бог вялікі, і мы ня можам спазнаць Яго; лік гадоў Ягоных недасьледны.1Цім 6:16; Пс 101:28; Дан 6:26
Ён забірае кроплі вады; яны ў мностве выліваюцца дажджом:
з хмараў капаюць і выліваюцца зьлівай на людзей.
Хто можа таксама спасьцігнуць прыцягненьне воблакаў, трэск намёта Ягонага?Пс 103:2; Выс 8:28
Вось, Ён распасьцірае над ім сьвятло Сваё і пакрывае дно мора.
Адтуль Ён судзіць народы, дае багата ежы.
Ён трымае ў далонях Сваіх маланку і загадвае ёй, каго біць.
Трэск яе дае знак пра яе; жывёлы таксама адчуваюць, што адбываецца.