Пс Псалтыр, псалом Псалтыр, псалом 143
Давідава супроць Галіяфа.
Дабраславёны Гасподзь, цьвярдыня мая, які навучае рукі мае да бою і пальцы мае - да вайны,2Цар 22:35
літасьць мая і аслона мая, сховішча маё і Збаўца мой, шчыт мой, - і я на Яго спадзяюся; Ён мой народ мне паддае.2Цар 22:47
Госпадзе! што ёсьць чалавек, што пра яго Ты ведаеш, і сын чалавечы, як на яго зважаеш?Ёў 7:17; Пс 8:5; Габр 2:6
Чалавек падобны да дыханьня; дні ягоныя - як цень мінушчы.Ёў 8:9; Ёў 14:2
Госпадзе! Нахілі нябёсы Твае, і сыдзі; дакраніся да гор, і задымяцца;2Цар 22:10
блісьні маланкаю, і расьсей іх; пусьці стрэлы Твае, і разладзь іх.
Працягні з вышыні руку Тваю, збаві мяне і ўратуй ад водаў вялікіх, ад рукі сыноў чужынскіх,Пс 123:4
чые вусны маўляюць марнае, і чыя правіца - правіца маны.
Божа! новую песьню Табе засьпяваю, на дзесяціструннай псалтыры Табе засьпяваю,Пс 32:2; Іс 5:1; Адкр 5:9
даравальніку перамогі царам і збаўцу Давіда, раба Твайго, ад лютага меча.Выс 21:31
Збаві мяне і ўратуй мяне ад рукі сыноў чужынскіх, чые вусны маўляюць марнае, і чыя правіца - правіца маны.
Хай будуць сыны нашыя, як расьліны збуялыя ў іх маладосьці; дочкі нашыя - як слупы на акрасу разьбёныя ў харомах.Езк 24:25
Хай будуць засекі нашыя поўныя, поўныя ўсякім збожжам, хай плодзяцца авечкі нашыя тысячамі і цьмамі на палетках нашых;Лк 12:16
хай будуць валы нашыя сытыя; хай ня будзе ні крадзяжу, ні пропадзі, ні енку на вуліцах нашых.Лк 14:19
Дабрашчасны народ, які гэта мае. Дабрашчасны народ, у якога Гасподзь ёсьць Бог.Пс 32:12