2Цар2Sa 2 Царстваў2. Samuel, раздзелbölüm Другая кніга Царстваў2. Samuel Kitabı, раздзелbölüm 23

Çeviriler Karşılaştır

Гэта апошнія словы Давіда: «Сказаў Давід, сын Есэя, сказаў чалавек, які высока пастаўлены, памазанец Бога Якубавага, сьпявак псальмаў Ізраіля.2Цар 7:12; Кал 3:16

Дух ГОСПАДА гаворыць праз мяне, і слова Ягонае — на языку маім.Дзеі 1:16; Мк 12:36

Сказаў Бог Ізраіля, гаварыў мне Скала Ізраіля: “Той праведна пануе над людзьмі, які пануе ў страху Божым.Вых 17:5

Ён — як сьвятло заранкі пры ўзыходзе сонца, як раніца без хмурынак, як яснасьць пасьля дажджу, і як трава, што [расьце] з зямлі”.Ян 1:4; Пс 110:3; Выс 4:18

Ці не такі дом мой перад Богам? Бо заключыў Ён са мною запавет вечны, устаноўлены і пэўны. Ад Яго збаўленьне маё і ўсё жаданьне маё.2Цар 7:15

[Сыны] Бэліяла будуць выкінутыя, як церні, якіх не бяруць рукою.Пс 58:10; Габр 6:8

А калі хто будзе дакранацца іх, няхай узброіцца жалезам або цаўём дзіды, і паліць іх агнём дашчэнту».Іс 1:31

Вось імёны волатаў Давіда: Ёшэб-Башшэбэт з Тахкемону, начальнік між трох; ён падняў на дзіду сваю васемсот чалавек, забітых адным разам.1Пар 11:11

Пасьля яго Элеазар, сын Дадо, сына Ахоха, між трох волатаў. Быў ён з Давідам, калі [Ізраільцяне] сабраліся на бітву, а Філістынцы зьневажалі іх. І пабеглі Ізраільцяне,1Пар 11:12; 1Пар 27:4

і ён адзін стаяў і біў Філістынцаў, ажно самлела рука ягоная, і прыліпла рука ягоная да мяча. І ГОСПАД даў вялікую перамогу ў той дзень, і народ вярнуўся, каб рабаваць забітых.1Цар 11:13; 1Цар 14:45

Пасьля яго Шамма, сын Агэ з Арару. І сабраліся Філістынцы ў Лехі, і быў там палетак, поўны сачэвіцы. І людзі ўцяклі перад Філістынцамі,

і ён стаў адзін сярод палетка, і выратаваў іх, а Філістынцаў пабіў. І ГОСПАД даў вялікую перамогу.

Гэтыя трое спасярод трыццаці галоўных [у часе] жніва зыйшлі і прыйшлі да Давіда ў пячору Адулям, а дружына Філістынцаў разлажылася табарам у лагчыне Рэфаім.1Пар 11:15

Давід быў у крэпасьці, а дружына Філістынцаў — у Бэтлееме.1Пар 11:16

І захацеў Давід піць, і сказаў: «Хто дасьць мне напіцца вады са студні, якая ў Бэтлееме каля брамы!»1Пар 11:17

І трое гэтых волатаў напалі на табар Філістынцаў, і набралі вады ў Бэтлееме са студні, якая каля брамы, і прынесьлі, і прыйшлі да Давіда, але ён не захацеў піць [яе] і выліў [ваду] для ГОСПАДА,

і сказаў: «Няхай адда­ліць мяне ГОСПАД, каб зрабіць гэта. Ці ж буду я піць кроў гэтых людзей, якія пайшлі, [рызыкуючы] душамі сваімі». І не захацеў піць [ваду]. Вось гэта зрабілі тры волаты.1Пар 11:19

І Абішай, брат Ёава, сын Цэруі, [быў] начальнікам трыццаці. Ён падняў на дзіду сваю трыста [ворагаў], і забіў [іх]. І ён меў імя сярод тых трох.1Пар 11:20; 2Цар 21:17

Сярод трыццаці ён быў найвыдатнейшы, і быў князем іхнім, але тым тром не дараўняўся.

І Бэная, сын Егаяды з Кабцээлю, сын мужа адважнага, [слаўны] шматлікімі справамі. Ён перамог двух ільвоў Мааву, і ён зыйшоў, і забіў ільва ў яме ў дзень завеі.1Пар 11:22; 1Пар 27:5; Нав 15:21

І ён забіў Эгіпцяніна, чалавека вялізнага. У руцэ Эгіпцяніна [была] дзіда, а ён пайшоў на яго з кіем, і вырваў з рукі Эгіпцяніна дзіду, і забіў яго дзідаю ягонай.

Гэта зрабіў Бэная, сын Егаяды, і ён меў імя між трох волатаў.

Быў ён паважаны сярод трыццаці, але тым тром не дараўняўся. І Давід паставіў яго над вартаю сваёй.

[А тых трыццаць]: Асаэль, брат Ёава, Эльханан, сын Дадо з Бэтлеему,1Пар 11:26; 1Пар 27:7

Шамма з Хароду і Эліка з Хароду,

Хэлец з Пэлету і Іра, сын Іккеша з Тэкоа,

Абіезэр з Анатоту і Мэбунай з Хушы,

Цальмон з Ахоху і Магарай з Нэтофы,

Хэлеў, сын Бааны, з Нэтофы, і Іттай, сын Рыбая з Гівы сыноў Бэн’яміна,1Пар 27:15

Бэная з Піратону і Гіддай з Нахале-Гаашу,1Пар 11:31; 1Пар 27:14

Абі-Альбон з Арабы і Азмавэт з Бахурыму,

Эліяхба з Шаальвону і сыны Яшэна, Ёнатан,

Шамма з Арару, Ахіям, сын Шарара з Арару,

Эліфэлет, сын Ахасбая, сына Маахі, і Эліям, сын Ахітафэля з Гіло,

Хецарай з Кармэлю і Паарай з Арабы,

Ігаль, сын Натана з Цовы, і Бані з Гаду,

Цэлек з Амона, і Нахарай з Бээроту, збраяносец Ёава, сына Цэруі,

Іра з Ітра, Гарэб з Ітра,

і Урыя Хет; усіх — трыццаць сем.2Цар 11:3; 2Цар 11:6