Выс Выслоўі, раздзел Кніга выслоўяў Саламонавых, раздзел 11
Агіда для ГОСПАДА — шалі падманлівыя, а вагі дакладныя даспадобы Яму.Дрз 25:13
Прыходзіць пыхлівасьць, прыходзіць і ганьба, а ў пакорлівых — мудрасьць.
Беззаганнасьць правых вядзе іх, а крывадушнасьць здрадлівых загубіць іх.
Не дапаможа багацьце ў дзень гневу, а праведнасьць ратуе ад сьмерці.Выс 10:2; Езк 7:19; Саф 1:18
Праведнасьць беззаганнага раўняе шлях ягоны, а бязбожнік падае праз бязбожнасьць сваю.
Праведнасьць правых ратуе іх, а ліхадзеі будуць злоўленыя злачынствам сваім.
Калі памірае чалавек бязбожны, гіне надзея [яго], і спадзяваньне злачынцаў прападае.
Праведнік ратуецца ад бяды, а бязбожнік прыходзіць на месца яго.Эст 7:9; Пс 34:20
Крывадушнік вуснамі забівае бліжняга свайго, а праведнік ратуецца праз веданьне.
Калі добра ідзе праведным, радуецца горад, і калі гінуць бязбожнікі, [горад] сьвяткуе.Выс 28:12
Дабраславенствам правых узвышаецца горад, а вуснамі бязбожнікаў руйнуецца.Быц 18:32
Той, хто пазбаўлены розуму, пагарджае бліжнім сваім, а чалавек разумны захоўвае мір.
Хто ходзіць з абмовамі, адкрывае таямніцу, а той, хто верны духам, захоўвае слова.Выс 20:19
Дзе няма добрай рады, народ прападае, а пры мностве дарадцаў — выратаваньне.Выс 15:22
Шкодзіць сабе той, хто паручаецца за чужога, а хто ненавідзіць даваць руку, той бясьпечны.
Дабрадзейная жанчына здабывае славу, і моцныя здабываюць багацьце.
Чалавек міласэрны робіць дабро душы сваёй, а бязьлітасны нішчыць цела сваё.
Падманлівы набытак здабудзе бязбожнік, а таму, хто сее праведнасьць, будзе пэўная нагарода.Гал 6:8
Праведнасьць [вядзе] да жыцьця, а хто імкнецца да зла, [імкнецца] да сьмерці.
Агіда для ГОСПАДА крывадушныя сэрцам, але тыя, хто ходзяць беззаганна, даспадобы Яму.Пс 5:7; Пс 119:1
Можна паручыцца, зло не пазьбегне пакараньня, а насеньне праведных будзе збаўленае.Выс 16:5
Як залатое колца ў лычы сьвіньні, так прыгожая жанчына, але бяз розуму.
Прагненьне праведнікаў — толькі дабро, а чаканьне бязбожнікаў — гнеў.Пс 112:10
Адзін сыпе [шчодра], і дадаецца яму, а другі лішне ашчадны, і бяднее.2Кар 9:6
Дабрадзейная душа будзе насычана, і хто поіць [другіх], сам напоены будзе.
Хто затрымлівае збожжа, таго праклінае народ, але дабраславенства на галаве таго, хто продае.
Хто імкнецца да дабра, той шукае зычлівасьці, а хто шукае зла, да таго яно прыйдзе.
Хто спадзяецца на багацьце сваё, упадзе, а праведнікі, як лісьце, зелянеюць.Ёў 31:25; Мц 19:23; 1Цім 6:17
Хто руйнуе дом свой, атрымае ў спадчыну вецер, і неразумны будзе слугою мудрага сэрцам.
Плод праведнага — дрэва жыцьця, і мудры здабывае душы.Выс 3:18
Вось, праведнік будзе мець адплату на зямлі, пагатоў бязбожнік і грэшнік.1Пётр 4:18