Mat Matthew, chapter The Gospel According to Matthew, chapter 12

В то вре́мя и́де иису́с в суббо́ты сквозе́ се́яния: ученицы́ же его́ взалка́шася, и нача́ша востерза́ти кла́сы, и я́сти.Deu 23:25; Mrk 2:23; Luk 6:1

Фарисе́е же ви́девше, ре́ша ему́: се ученицы́ твои́ творя́т, его́же не досто́ит твори́ти в суббо́ту.

Он же рече́ им: не́сте ли чли, что сотвори́ дави́д, егда́ взалка́ сам и су́щии с ним?

Ка́ко вни́де в храм бо́жий, и хле́бы предложе́ния снеде́, и́хже не досто́йно бе ему́ я́сти, ни су́щым с ним, то́кмо иере́ем еди́ным?Exo 29:32; 1Sa 21:6; Mrk 2:26; Luk 6:4

Или́ не́сте чли в зако́не, я́ко в суббо́ты свяще́нницы в це́ркви суббо́ты скверня́т, и непови́нни суть?Lev 8:31; Lev 24:9

Глаго́лю же вам, я́ко це́ркве бо́ле есть зде.

А́ще ли бы́сте ве́дали что есть, ми́лости хощу́, а не же́ртвы: николи́же у́бо бы́сте осужда́ли непови́нных.Hos 6:6; Mat 9:13

Госпо́дь бо есть и суббо́ты сын челове́ческий.

И преше́д отту́ду, прии́де на со́нмище их.Mrk 3:1; Luk 6:6

И се челове́к бе ту, ру́ку имы́й су́ху, и вопроси́ша его́ глаго́люще: а́ще досто́ит в суббо́ты цели́ти? да на него́ возглаго́лют.

Он же рече́ им: кто есть от вас челове́к, и́же и́мать овча́ еди́но, и а́ще впаде́тся в суббо́ты в я́му, не и́мет ли е, и и́змет?

Кольми́ у́бо лу́чше есть челове́к овча́те? те́мже досто́ит в суббо́ты добро́ твори́ти.

Тогда́ глаго́ла челове́ку, простри́ ру́ку твою́. и простре́: и утверди́ся цела́ я́ко друга́я.

Фарисе́е же ше́дше, сове́т сотвори́ша на него́, ка́ко да его́ погубя́т: иису́с же разуме́в оти́де отту́ду.

И по нем идо́ша наро́ди мно́зи: и исцели́ их всех.

И запрети́ им, да не я́ве его́ творя́т.

Я́ко да сбу́дется рече́нное иса́ием проро́ком, глаго́лющим:

Се о́трок мой, его́же изво́лих: возлю́бленный мой, нань же благоволи́ душа́ моя́: положу́ дух мой на нем, и суд язы́ком возвести́т.

Не пререче́т, ни возопие́т, ниже́ услы́шит кто на распу́тиих гла́са его́.

Тро́сти сокруше́нны не прело́мит, и ле́на вне́мшася не угаси́т, до́ндеже изведе́т в побе́ду суд.

И на и́мя его́ язы́цы упова́ют.Isa 42:1

Тогда́ приведо́ша к нему́ бесну́ющася, сле́па и не́ма: и исцели́ его́ я́ко слепо́му и немо́му глаго́лати и гля́дати.Luk 11:14

И дивля́хуся вси наро́ди глаго́люще: еда́ сей есть христо́с, сын дави́дов?

Фарисе́е же слы́шавше, ре́ша: сей не изго́нит бе́сы, то́кмо о веельзеву́ле кня́зе бесо́встем.Mat 9:34; Mrk 3:22; Luk 11:15

Ве́дый же иису́с мы́сли их, рече́ им: вся́кое ца́рство, разде́льшееся на ся, запусте́ет: и всяк град или́ дом, раздели́выйся на ся, не ста́нет.Mrk 3:24; Luk 11:17

И а́ще сатана́ сатану́ изго́нит, на ся раздели́лся есть, ка́ко у́бо ста́нет ца́рство его́?

И а́ще аз о веельзеву́ле изгоню́ бе́сы, сы́нове ва́ши о ком изго́нят? сего́ ра́ди ти́и вам бу́дут судии́.

А́ще ли же аз о дусе бо́жии изгоню́ бе́сы, у́бо пости́же на вас ца́рствие бо́жие.

Или́ ка́ко мо́жет кто вни́ти в дом кре́пкаго, и сосу́ды его́ расхи́тити, а́ще не пе́рвее свя́жет кре́пкаго, и тогда́ дом его́ расхи́тит?

И́же несть со мно́ю, на мя есть: и и́же не собира́ет со мно́ю, расточа́ет.

Сего́ ра́ди глаго́лю вам, всяк грех и хула́ отпу́стится челове́ком: а я́же на ду́ха хула́, не отпу́стится челове́ком.Mrk 3:28; Luk 12:10; 1Jn 5:16

И и́же а́ще рече́т сло́во на сы́на челове́ческаго, отпу́стится ему́: а и́же рече́т на ду́ха свята́го, не отпу́стится ему́, ни в сий век, ни в бу́дущий.

Или́ сотворите́ дре́во добро́ и плод его́ добр: или́ сотворите́ дре́во зло, и плод его́ зол: от плода́ бо дре́во позна́но бу́дет.

Порожде́ния ехи́днова, ка́ко мо́жете добро́ глаго́лати, зли су́ще? от избы́тка бо се́рдца уста́ глаго́лют.Luk 6:45

Благи́й челове́к, от блага́го сокро́вища, изно́сит блага́я: и лука́вый челове́к, от лука́ваго сокро́вища, изно́сит лука́вая.

Глаго́лю же вам, я́ко вся́ко сло́во пра́здное, е́же а́ще реку́т челове́цы, воздадя́т о нем сло́во в день су́дный.

От слове́с бо свои́х оправди́шися, и от слове́с свои́х осу́дишися.Luk 19:22

Тогда́ отвеща́ша не́цыи от кни́жник и фарисе́й, глаго́люще: учи́телю, хо́щем от тебе́ зна́мение ви́дети.Mat 16:1; 1Co 1:22

Он же отвеща́в рече́ им: род лука́в и прелюбоде́й зна́мения и́щет, и зна́мение не да́стся ему́, то́кмо зна́мение ио́ны проро́ка.Luk 11:29

Я́коже бо бе ио́на во чре́ве ки́тове три дни и три но́щи: та́ко бу́дет и сын челове́ческий в се́рдцы земли́, три дни и три но́щи.Jon 2:1

Му́жие ниневи́тстии воста́нут на суд с ро́дом сим, и осу́дят и: я́ко пока́яшася про́поведию ио́ниною, и се бо́ле ио́ны зде.Jon 3:5; Luk 11:32

Цари́ца ю́жская воста́нет на суд с ро́дом сим, и осу́дит и: я́ко прии́де от коне́ц земли́ слы́шати прему́дрость соломо́нову, и се бо́ле соломо́на зде.1Ki 10:1; 2Ch 9:1; Luk 11:31

Егда́ же нечи́стый дух изы́дет от челове́ка, прехо́дит сквозе́ безво́дная ме́ста, ищя́ поко́я, и не обрета́ет.Luk 11:24

Тогда́ рече́т: возвращу́ся в дом мой, отню́дуже изыдо́х: и прише́д обря́щет пра́зден, помете́н и укра́шен.

Тогда́ и́дет, и по́ймет с собо́ю седмь ины́х духо́в люте́йших себе́, и вше́дше живу́т ту: и бу́дут после́дняя челове́ку тому́ го́рша пе́рвых. та́ко бу́дет и ро́ду сему́ лука́вому.2Pe 2:20; Heb 6:4

Еще́ же ему́ глаго́лющу к наро́дом, се ма́ти его́, и бра́тия его́ стоя́ху вне, и́щуще глаго́лати ему́.Mrk 3:31; Luk 8:19

Рече́ же не́кий ему́: се ма́ти твоя́, и бра́тия твоя́ вне стоя́т, хотя́ще глаго́лати тебе́.

Он же отвеща́в рече́ ко глаго́лющему ему́: кто есть ма́ти моя́? и кто суть бра́тия моя́?

И просте́р ру́ку свою́ на ученики́ своя́, рече́: се ма́ти моя́, и бра́тия моя́: и́же бо а́ще сотвори́т во́лю отца́ моего́, и́же есть на небесе́х, той брат мой, и сестра́, и ма́ти ми есть.Jhn 15:14