Mat Matthew, chapter The Gospel According to Matthew, chapter 28
Other script: церковнославянский
В ве́чер же суббо́тныйпо ве́чери же суббо́тнем, свита́ющи во еди́ну от суббо́т, прии́де мари́а магдали́на, и друга́я мари́а, ви́дети гроб.Mrk 16:1; Luk 24:1; Jhn 20:1
И се трус бысть ве́лий: а́нгел бо го́сподень сшед с небесе́, присту́пль отвали́ ка́мень от две́рий гро́ба, и седя́ше на нем.
Бе же зрак его́ я́ко мо́лния, и одея́ние его́ бело́ я́ко снег.
От стра́ха же его́ сотрясо́шася стрегу́щии, и бы́ша я́ко ме́ртви.
Отвеща́в же а́нгел рече́ жена́м: не бо́йтеся вы, вем бо я́ко иису́са распя́таго и́щете.Mrk 16:6
Несть зде, воста́ бо, я́коже рече́: прииди́те, ви́дите ме́сто, иде́же лежа́ госпо́дь.Mat 12:40; Mat 16:21; Mat 17:23
И ско́ро ше́дше рцы́те ученико́м его́, я́ко воста́ от ме́ртвых. и се варя́ет вы в галиле́и: та́мо его́ у́зрите. се рех вам.Mat 26:32; Mrk 14:28; Jhn 21:1; Act 1:3; Act 10:41; 1Co 15:5
И изше́дше ско́ро от гро́ба, со стра́хом и ра́достию ве́лиею теко́сте возвести́ти ученико́м его́. я́коже идя́сте возвести́ти ученико́м его́,
И се иису́с сре́те я, глаго́ля: ра́дуйтеся. оне́ же присту́пльше, я́стеся за но́зе его́, и поклони́стеся ему́.Mrk 16:9; Jhn 20:14
Тогда́ глаго́ла и́ма иису́с: не бо́йтеся, иди́те, возвести́те бра́тии мое́й, да и́дут в галиле́ю, и ту мя ви́дят.Jhn 20:17; Heb 2:11
Иду́щема же и́ма, се не́цыи от кусто́диа прише́дше во град, возвести́ша архиере́ом вся бы́вшая.
И собра́вшеся со ста́рцы сове́т сотвори́ша, сре́бреники дово́льны да́ша во́ином,
глаго́люще: рцы́те, я́ко ученицы́ его́ но́щию прише́дше украдо́ша его́, нам спя́щым.
И а́ще сие́ услы́шано бу́дет у иге́мона, мы утоли́м его́, и вас безпеча́льны сотвори́м.
Они́ же прие́мше сре́бреники, сотвори́ша, я́коже науче́ни бы́ша: и промче́ся сло́во сие́ во иуде́ех, да́же до сего́ дне.
Еди́нии же на́десяте ученицы́ идо́ша в галиле́ю, в го́ру, а́може повеле́ им иису́с:
И ви́девше его́ поклони́шася ему́: о́ви же усумне́шася.
И присту́пль иису́с рече́ им, глаго́ля: даде́ся ми вся́ка власть на небеси́ и на земли́.Mat 11:27; Luk 1:32; Jhn 3:35; Jhn 13:3; Jhn 17:2; 1Pe 3:22; Rom 14:9; Eph 1:10; Php 2:9; Col 1:16; Heb 2:8; Rev 19:16
Ше́дше у́бо научи́те вся язы́ки, крестя́ще их во и́мя отца́, и сы́на, и свята́го ду́ха:
Уча́ще их блюсти́ вся, ели́ка запове́дах вам. и се аз с ва́ми есмь во вся дни, до сконча́ния ве́ка, ами́нь.