Mrk Mark, chapter The Gospel According to Mark, chapter 15
Other script: церковнославянский
И а́бие нау́трие сове́т сотвори́ша архиере́е со ста́рцы и кни́жники, и весь сонм, связа́вше иису́са ведо́ша и преда́ша (его́) пила́ту.Mat 27:2; Luk 22:66
И вопроси́ его́ пила́т: ты ли еси́ царь иуде́йский? Он же отвеща́в рече́ ему́: ты глаго́леши.Mat 27:11; Luk 23:3; Jhn 18:33; 1Ti 6:13
И глаго́лаху на него́ архиере́е мно́го.
Пила́т же па́ки вопроси́ его́, глаго́ля: не отвещава́еши ли ничто́же? виждь, коли́ка на тя свиде́телствуют.
Иису́с же ктому́ ничто́же отвеща́, я́ко диви́тися пила́ту.
На (всяк) же пра́здник отпуща́ше им еди́наго свя́зня, его́же проша́ху.
Бе же нарица́емый вара́вва со ско́вники свои́ми свя́зан, и́же в ко́ве уби́йство сотвори́ша.
И возопи́в наро́д нача́ проси́ти, я́коже всегда́ творя́ше им.
Пила́т же отвеща́ им, глаго́ля: хо́щете ли, пущу́ вам царя́ иуде́йска?
Ве́дяше бо, я́ко за́висти ра́ди преда́ша его́ архиере́е.
Архиере́е же поману́ша наро́ду, да па́че вара́вву пу́стит им.Mat 27:20; Luk 23:18; Jhn 18:40; Act 3:14
Пила́т же отвеща́в па́ки рече́ им: что у́бо хо́щете сотворю́, его́же глаго́лете царя́ иуде́йска?
Они́ же па́ки возопи́ша (глаго́люще): пропни́ его́.
Пила́т же глаго́лаше им: что бо зло сотвори́? Они́ же и́злиха вопия́ху: пропни́ его́.
Пила́т же хотя́ наро́ду хоте́ние сотвори́ти, пусти́ им вара́вву: и предаде́ иису́са, бив, да про́пнут его́.Mat 27:26; Jhn 19:1
Во́ини же ведо́ша его́ внутрь двора́, е́же есть прето́р: и созва́ша всю спи́ру,
и облеко́ша его́ в препря́ду, и возложи́ша на него́ спле́тше терно́в вене́ц,
и нача́ша целова́ти его́ (и глаго́лати): ра́дуйся, царю́ иуде́йский.
И бия́ху его́ по главе́ тро́стию, и плюва́ху на него́, и прегиба́юще коле́на покланя́хуся ему́.
И егда́ поруга́шася ему́, совлеко́ша с него́ препря́ду и облеко́ша его́ в ри́зы своя́: и изведо́ша его́, да про́пнут его́.
И заде́ша мимоходя́щу не́коему си́мону кирине́ю, гряду́щу с села́, отцу́ алекса́ндрову и ру́фову, да во́змет крест его́.Mat 27:32; Luk 23:26
И приведо́ша его́ на голго́фу ме́сто, е́же есть сказа́емо ло́бное ме́сто.Mat 27:33; Luk 23:33; Jhn 19:17; Heb 13:12
И дая́ху ему́ пи́ти есмирнисме́но вино́: он же не прия́т.Psa 68:22
И распе́ншии его́ раздели́ша ри́зы его́, мета́юще жре́бий о них, кто что во́змет.Psa 21:19; Jhn 19:24
Бе же час тре́тий, и распя́ша его́.
И бе написа́ние вины́ его́ напи́сано: царь иуде́йск.Mat 27:37
И с ним распя́ша два разбо́йника, еди́наго о десну́ю и еди́наго ошу́юю его́.
И сбы́стся писа́ние, е́же глаго́лет: и со беззако́нными вмени́ся.Isa 53:12
И мимоходя́щии ху́ляху его́, покива́юще глава́ми свои́ми и глаго́люще: уа́, разоря́яй це́рковь и треми́ де́нми созида́яй,Psa 68:21; Mat 26:61; Mat 27:40; Mrk 14:58; Luk 22:37; Jhn 2:19
спаси́ся сам и сни́ди со креста́.
Та́кожде и архиере́е руга́ющеся, друг ко дру́гу с кни́жники глаго́лаху: и́ны спасе́, себе́ ли не мо́жет спасти́?
христо́с, царь изра́илев, да сни́дет ны́не со креста́, да ви́дим и ве́ру и́мем ему́. И распя́тая с ним поноша́ста ему́.
Бы́вшу же часу́ шесто́му, тма бысть по всей земли́ до часа́ девя́таго.
И в час девя́тый возопи́ иису́с гла́сом ве́лиим, глаго́ля: елои́, елои́, лама́ савахфани́? е́же есть сказа́емо: бо́же мой, бо́же мой, почто́ мя оста́вил еси́?Psa 21:2; Mat 27:46
И не́цыи от предстоя́щих слы́шавше, глаго́лаху: се, илию́ гласи́т.
Тек же еди́н, и напо́лнив гу́бу о́цта, и возло́жь на трость, напая́ше его́, глаго́ля: оста́вите, да ви́дим, а́ще прии́дет илиа́ сня́ти его́.Psa 68:22; Mat 27:48
Иису́с же пущь глас ве́лий, и́здше.
И заве́са церко́вная раздра́ся на дво́е, свы́ше до ни́зу.
Ви́дев же со́тник стоя́й пря́мо ему́, я́ко та́ко возопи́в и́здше, рече́: вои́стинну челове́к сей сын бе бо́жий.
Бя́ху же и жены́ издале́ча зря́щя, в ни́хже бе мари́а магдали́на, и мари́а иа́кова ма́лаго и иоси́и ма́ти, и саломи́а,
я́же, и егда́ бе в галиле́и, хожда́ху по нем и служа́ху ему́: и и́ны мно́гия, я́же взыдо́ша с ним во иерусали́м.
И уже́ по́зде бы́вшу, поне́же бе пято́к, е́же есть к суббо́те,Mat 27:57
прии́де ио́сиф, и́же от аримафе́а, благообра́зен сове́тник, и́же и той бе ча́я ца́рствия бо́жия, дерзну́в вни́де к пила́ту, и проси́ телесе́ иису́сова.Luk 23:50; Jhn 19:38
Пила́т же диви́ся, а́ще уже́ у́мре: и призва́в со́тника, вопроси́ его́: а́ще уже́ у́мре?
И уве́дев от со́тника, даде́ те́ло ио́сифови.
И купи́в плащани́цу и снемь его́, обви́т плащани́цею: и положи́ его́ во гроб, и́же бе изсе́чен от ка́мене: и привали́ ка́мень над две́ри гро́ба.
Мари́а же магдали́на и мари́а иоси́ева зря́сте, где его́ полага́ху.Mat 27:61