Mrk Mark, chapter The Gospel According to Mark, chapter 16
Other script: церковнославянский
И мину́вшей суббо́те, мари́а магдали́на и мари́а иа́ковля и саломи́а купи́ша арома́ты, да прише́дшя пома́жут иису́са.Mat 28:1; Luk 24:1; Jhn 20:1
И зело́ зау́тра во еди́ну от суббо́т приидо́ша на гроб, возсия́вшу со́лнцу,
и глаго́лаху к себе́: кто отвали́т нам ка́мень от две́рий гро́ба?
И воззре́вшя ви́деша, я́ко отвале́н бе ка́мень: бе бо ве́лий зело́.
И вше́дшя во гроб, ви́деша ю́ношу седя́ща в десны́х, оде́яна во оде́жду белу́: и ужасо́шася.Jhn 20:12
Он же глаго́ла им: не ужаса́йтеся: иису́са и́щете назаряни́на распя́таго: воста́, несть зде: се, ме́сто, иде́же положи́ша его́:
но иди́те, рцы́те ученико́м его́ и петро́ви, я́ко варя́ет вы в галиле́и: та́мо его́ ви́дите, я́коже рече́ вам.Mat 26:32; Mrk 14:28
И изше́дшя бежа́ша от гро́ба: имя́шеодержа́ше же их тре́пет и у́жас: и ни кому́же ничто́же ре́ша: боя́хубося.
Воскрес же (иису́с) зау́тра в пе́рвую суббо́ту, яви́ся пре́жде мари́и магдали́ни, из нея́же изгна́ седмь бесо́в.Mat 28:9; Luk 8:2; Jhn 20:14
Она́ (же) ше́дши возвести́ с ним бы́вшым, пла́чущымся и рыда́ющым:
и они́ слы́шавше, я́ко жив есть и ви́ден бысть от нея́, не я́ша ве́ры.
По сих же двема́ от них гряду́щема яви́ся ине́м о́бразом, иду́щема на село́.Luk 24:13
И та ше́дша возвести́ста про́чым: и ни те́ма ве́ры я́ша.
Последи́ (же) возлежа́щым им единомуна́десяте яви́ся, и поноси́ неве́рствию их и жестосе́рдию, я́ко ви́девшым его́ воста́вша не я́ша ве́ры.Luk 24:36; Jhn 20:19; 1Co 15:5; 1Co 15:7
И рече́ им: ше́дше в мир весь, пропове́дите ева́нгелие всей тва́ри.Isa 2:3; Isa 52:10; Mat 28:19; Jhn 15:16
И́же ве́ру и́мет и крести́тся, спасе́н бу́дет: а и́же не и́мет ве́ры, осужде́н бу́дет.Jhn 12:48
Зна́мения же ве́ровавшым сия́ после́дуют: и́менем мои́м бе́сы иждену́т: язы́ки возглаго́лют но́вы:Act 2:4; 1Co 12:10
змия́ во́змут: а́ще и что сме́ртно испию́т, не вреди́т их: на неду́жыя ру́ки возложа́т, и здра́ви бу́дут.Luk 10:19; Act 28:8; Jas 5:14
Госпо́дь же у́бо, по глаго́лании (его́) к ним, вознесе́ся на не́бо и се́де о десну́ю бо́га.Psa 109:1; Luk 24:51; Act 1:9
Они́ же изше́дше пропове́даша всю́ду, го́споду поспе́шствующу и сло́во утвержда́ющу после́дствующими зна́меньми. Ами́нь.Act 14:3; 1Co 3:6; 1Co 15:10; Heb 2:4