Luk Lu-ca, chương Lu-ca, chương 4
Chữ viết khác: церковнославянский
Иису́с же испо́лнь ду́ха свята возврати́ся от иорда́на: и ведя́шеся ду́хом в пусты́ню,Mat 4:1; Mrk 1:12
дний четы́ридесять искуша́емь от диа́вола: и не яст ничесо́же во дни ты́я: и сконча́вшымся им, последи́ взалка́.
И рече́ ему́ диа́вол: а́ще сын еси́ бо́жий, рцы ка́меневи сему́, да бу́дет хлеб.
И отвеща́ иису́с к нему́, глаго́ля: пи́сано есть, я́ко не о хле́бе еди́ном жив бу́дет челове́к, но о вся́ком глаго́ле бо́жии.Deu 8:3; Mat 4:4
И возве́д его́ диа́вол на гору́ высоку́, показа́ ему́ вся ца́рствия вселе́нныя в ча́сечерте́ вре́менне.
И рече́ ему́ диа́вол: тебе́ дам власть сию́ всю и сла́ву их: я́ко мне предана́ есть, и, ему́же а́ще хощу́, дам ю:
ты у́бо а́ще поклони́шися пре́до мно́ю, бу́дут тебе́ вся.
И отвеща́в рече́ ему́ иису́с: иди́ за мно́ю, сатано́ пи́сано есть: поклони́шися го́споду бо́гу твоему́, и тому́ еди́ному послу́жиши.Deu 10:20; Mat 4:10
И веде́ его́ во иерусали́м, и поста́ви его́ на криле́ церко́внем, и рече́ ему́: а́ще сын еси́ бо́жий, ве́рзися отсю́ду до́лу:
пи́сано бо есть, я́ко а́нгелом свои́м запове́сть о тебе́ сохрани́ти тя:Mat 4:6
и на рука́х во́змут тя, да не когда́ преткне́ши о ка́мень но́гу твою́.Psa 90:11
И отвеща́в рече́ ему́ иису́с, я́ко рече́но есть: не иску́сиши го́спода бо́га твоего́.Deu 6:16; Mat 4:7
И сконча́в все искуше́ние диа́вол, оти́де от него́ до вре́мене.
И возврати́ся иису́с в си́ле духо́вней в галиле́ю: и весть изы́де по всей стране́ о нем.Mat 4:12; Mrk 1:14; Jhn 4:43
И той уча́ше на со́нмищих их, сла́вим все́ми.
И прии́де в назаре́т, иде́же бе воспита́н: и вни́де, по обы́чаю своему́, в день суббо́тный в со́нмище, и воста́ чести́.Mat 13:54; Mrk 6:1
И да́ша ему́ кни́гу иса́ии проро́ка: и разгну́в кни́гу, обре́те ме́сто, иде́же бе напи́сано:
дух го́сподень на мне: его́же ра́ди пома́за мя благовести́ти ни́щым, посла́ мя исцели́ти сокруше́нныя се́рдцем, пропове́дати плене́нным отпуще́ние и слепы́м прозре́ние, отпусти́ти сокруше́нныя во отра́ду,
пропове́дати ле́то го́сподне прия́тно.Isa 61:1
И согну́в кни́гу, отда́в слузе́, се́де: и всем в со́нмищи о́чи бе́ху зря́ще нань.
И нача́т глаго́лати к ним, я́ко днесь сбы́стся писа́ние сие́ во у́шию ва́шею.
И вси свиде́телствоваху ему́, и дивля́хуся о словесе́х благода́ти, исходя́щих из уст его́, и глаго́лаху: не сей ли есть сын ио́сифов?
И рече́ к ним: вся́ко рече́те ми при́тчу сию́: врачу́, исцели́ся сам: ели́ка слы́шахом бы́вшая в капернау́ме, сотвори́ и зде во оте́чествии свое́м.
Рече́ же: ами́нь глаго́лю вам, я́ко ни кото́рый проро́к прия́тен есть во оте́чествии свое́м:Mat 13:57; Mrk 6:4; Jhn 4:44
пои́стинне же глаго́лю вам: мно́ги вдови́цы бе́ша во дни илиины́ во изра́или, егда́ заключи́ся не́бо три ле́та и ме́сяц шесть, я́ко бысть глад вели́к по всей земли́:Jas 5:17
и ни ко еди́ной их по́слан бысть илиа́, то́кмо в саре́пту сидо́нскую к жене́ вдови́це.
И мно́зи прокаже́ни бе́ху при елиссе́и проро́це во изра́или: и ни еди́н же от них очи́стися, то́кмо неема́н сириани́н.2Ki 5:14
И испо́лнишася вси я́рости в со́нмищи, слы́шавшии сия́:
и воста́вше изгна́ша его́ вон из гра́да, и ведо́ша его́ до верху́ горы́, на не́йже град их со́здан бя́ше, да бы́ша его́ низри́нули:
он же проше́д посреде́ их, идя́ше.
И сни́де в капернау́м град галиле́йский: и бе учя́ их в суббо́ты.Mat 4:13; Mrk 1:21
И ужаса́хуся о уче́нии его́: я́ко со вла́стию бе сло́во его́.Mat 7:28; Mrk 1:22; Luk 2:47
И в со́нмищи бе челове́к имы́й ду́ха бе́са нечи́ста, и возопи́ гла́сом ве́лиим,Mrk 1:23
глаго́ля: оста́ви, что нам и тебе́, иису́се назаря́нине, прише́л еси́ погуби́ти нас: вем тя, кто еси́, святы́й бо́жий.
И запрети́ ему́ иису́с, глаго́ля: премолчи́ и изы́ди из него́. И пове́рг его́ бес посреде́, изы́де из него́, ника́коже вреди́в его́.
И бысть у́жас на всех, и стяза́хуся, друг ко дру́гу глаго́люще: что сло́во сие́, я́ко вла́стию и си́лою вели́т нечи́стым духово́м, и исхо́дят?
И исхожда́ше глас о нем во вся́ко ме́сто страны́.
Воста́в же из со́нмища, вни́де в дом си́монов: те́ща же си́монова бе одержи́ма огне́м ве́лиим: и моли́ша его́ о ней.Mat 8:14; Mrk 1:29
И став над не́ю, запрети́ огню́, и оста́ви ю: а́бие же воста́вши служа́ше им.
Заходя́щу же со́лнцу, вси, ели́цы име́яху боля́щыя неду́ги разли́чными, привожда́ху их к нему́: он же на еди́наго коего́ждо их ру́це возло́жь, исцеля́ше их.Mat 8:16; Mrk 1:32
Исхожда́ху же и бе́си от мно́гих, вопию́ще и глаго́люще, я́ко ты еси́ христо́с сын бо́жий. И запреща́я не дая́ше им глаго́лати, я́ко ве́дяху христа́ самаго́ су́ща.Mrk 1:34; Mrk 3:12
Бы́вшу же дни, изше́д иде́ в пу́сто ме́сто: и наро́ди иска́ху его́, и приидо́ша к нему́, и удержава́ху его́, да бы не отше́л от них.
Он же рече́ к ним, я́ко и други́м градово́м благовести́ти ми подоба́ет ца́рствие бо́жие: я́ко на се по́слан есмь.Mrk 1:38
И бе пропове́дая на со́нмищих галиле́йских.