Luk Luke, chapter The Gospel According to Luke, chapter 17

Other script: церковнославянский

Translations Compare

Рече́ же ко ученико́м свои́м: не возмо́жно есть не приити́ собла́зном, го́ре же, его́же ра́ди прихо́дят:Mat 18:6; Mrk 9:42

у́нее ему́ бы́ло бы, а́ще жерно́в осе́лский облежа́л бы о вы́и его́, и вве́ржен в мо́ре, не́же да соблазни́т от ма́лых сих еди́наго.

Внемли́те себе́. А́ще согреши́т к тебе́ брат твой, запрети́ ему́: и а́ще пока́ется, оста́ви ему́:Lev 19:17; Mat 18:15; Jas 5:19

и а́ще седми́щи на день согреши́т к тебе́, и седми́щи на день обрати́тся, глаго́ля: ка́юся: оста́ви ему́.

И реко́ша апо́столи го́сподеви: приложи́ нам ве́ру.

Рече́ же госпо́дь: а́ще бы́сте име́ли ве́ру я́ко зерно́ гору́шно, глаго́лали бы́сте у́бо я́годичине сей: восто́ргнися и всади́ся в мо́ре: и послу́шала бы вас.Mat 17:20; Mat 21:21; Mrk 11:23

Кото́рый же от вас раба́ име́я орю́ща или́ пасу́ща, и́же прише́дшу ему́ с села́ рече́т: а́бие мину́вприше́д возля́зи?

Но не рече́т ли ему́: угото́вай, что вечеря́ю, и препоя́сався служи́ ми, до́ндеже ям и пию́: и пото́м я́си и пие́ши ты?

Еда́ и́мать хвалу́благодари́т рабу́ тому́, я́ко сотвори́ повеле́нная? не мню.

Та́ко и вы, егда́ сотворите́ вся повеле́нная вам, глаго́лите, я́ко раби́ неключи́ми есмы́: я́ко, е́же до́лжни бе́хом сотвори́ти, сотвори́хом.Job 22:3; Job 35:7; 1Co 9:16

И бысть иду́щу ему́ во иерусали́м, и той прохожда́ше между́ сама́риею и галиле́ею.Jhn 4:4

Входя́щу же ему́ в не́кую весь, срето́ша его́ де́сять прокаже́нных муже́й, и́же ста́ша издале́ча:Lev 13:46

и ти́и вознесо́ша глас, глаго́люще: иису́се наста́вниче, поми́луй ны.

И ви́дев рече́ им: ше́дше покажи́теся свяще́нником. И бысть иду́щым им, очи́стишася.Mat 8:4; Mrk 1:44; Luk 5:14

Еди́н же от них, ви́дев, я́ко исцеле́, возврати́ся, со гла́сом ве́лиим сла́вя бо́га,

и паде́ ниц при ногу́ его́, хвалу́ ему́ воздая́: и той бе самаряни́н.

Отвеща́в же иису́с рече́: не де́сять ли очи́стишася? да де́вять где?

ка́ко не обрето́шася возвра́щшеся да́ти сла́ву бо́гу, то́кмо иноплеме́нник сей?

И рече́ ему́: воста́в иди́: ве́ра твоя́ спасе́ тя.

Вопроше́н же быв от фарисе́й, когда́ прии́дет ца́рствие бо́жие, отвеща́в им рече́: не прии́дет ца́рствие бо́жие с соблюде́ниемсо усмотре́нием:

ниже́ реку́т: се зде, или́: о́нде. Се бо ца́рствие бо́жие внутрь вас есть.

Рече́ же ко ученико́м (свои́м): прии́дут дни́е, егда́ вожделе́ете еди́наго дне сы́на челове́ческаго ви́дети, и не у́зрите.

И реку́т вам: се зде, или́: се, о́нде: не изы́дите, ни пожени́те.Mat 24:23; Mrk 13:21

Я́ко бо мо́лния блиста́ющися от поднебе́сныя на поднебе́сней све́тится: та́ко бу́дет сын челове́ческий в день свой.

Пре́жде же подоба́ет ему́ мно́го пострада́ти и искуше́нуотве́ржену бы́ти от ро́да сего́.Mat 16:21; Mat 17:22; Mat 20:18; Mrk 8:31

И я́коже бысть во дни но́евы, та́ко бу́дет и во дни сы́на челове́ческа:Gen 7:7; Mat 24:37; 1Pe 3:20

ядя́ху, пия́ху, женя́хуся, посяга́ху, до него́же дне вни́де но́е в ковче́г: и прии́де пото́п, и погуби́ вся.

Та́кожде и я́коже бысть во дни ло́товы: ядя́ху, пия́ху, купова́ху, продая́ху, сажда́ху, зда́ху:Gen 19:14; Gen 19:24

во́ньже день изы́де лот от содо́млян, одожди́ ка́мык горя́щь и огнь с небесе́, и погуби́ вся.

По тому́же бу́дет и в день, во́ньже сын челове́ческий яви́тся.

В той день, и́же бу́дет на кро́ве, и сосу́ди его́ в дому́, да не сла́зит взя́ти их: и и́же на селе́, та́кожде да не возврати́тся вспять:

помина́йте жену́ ло́тову.Gen 19:26; Wis 10:7

И́же а́ще взы́щет ду́шу свою́ спасти́, погуби́т ю: и и́же а́ще погуби́т ю, живи́т ю.Mat 10:39; Mrk 8:35; Luk 9:24; Jhn 12:25

Глаго́лю вам: в ту нощь бу́дета два на одре́ еди́ном: еди́н пое́млется, а други́й оставля́ется.

Бу́дете две вку́пе ме́люще: еди́на пое́млется, а друга́я оставля́ется.Mat 24:41

Два бу́дета на селе́: еди́н пое́млется, а други́й оставля́ется.

И отвеща́вше глаго́лаша ему́: где, го́споди? Он же рече́ им: иде́же те́ло, та́мо соберу́тся и орли́.Mat 24:28