Luk Luke, chapter The Gospel According to Luke, chapter 24

Other script: церковнославянский

Translations Compare

Во еди́ну же от суббо́т зело́ ра́но приидо́ша на гроб, нося́щя я́же угото́ваша арома́ты: и други́я с ни́ми:Mat 28:1; Mrk 16:1; Jhn 20:1

обрето́ша же ка́мень отвале́н от гро́ба,

и вше́дшя не обрето́ша телесе́ го́спода иису́са.

И бысть не домышля́ющымся им о сем, и се му́жа два ста́ста пред ни́ми в ри́зах блеща́щихся.

Пристра́шным же бы́вшым им и покло́ншым ли́ца на зе́млю, реко́ста к ним: что и́щете жива́го с ме́ртвыми?

несть зде, но воста́: помяни́те, я́коже глаго́ла вам, еще́ сый в галиле́и,Mat 17:22

глаго́ля, я́ко подоба́ет сы́ну челове́ческому пре́дану бы́ти в ру́це челове́к гре́шник, и пропя́ту бы́ти, и в тре́тий день воскре́снути.Mrk 9:31; Luk 9:22

И помяну́ша глаго́лы его́:

и возвра́щшяся от гро́ба, возвести́ша вся сия́ единомуна́десяте и всем про́чым.

Бя́ше же магдали́на мари́а и иоа́нна и мари́а иа́ковля, и про́чыя с ни́ми, я́же глаго́лаху ко апо́столом сия́.

И яви́шася пред ни́ми я́ко лжа глаго́лы их, и не ве́роваху им.

Петр же воста́в тече́ ко гро́бу, и прини́к ви́де ри́зы еди́ны лежа́щя: и оти́де, в себе́ дивя́ся бы́вшему.Jhn 20:6

И се два от них бе́ста иду́ща в то́йже день в весь, отстоя́щу ста́дий шестьдеся́т от иерусали́ма, е́йже и́мя еммау́с:Mrk 16:12

и та бесе́доваста к себе́ о всех сих приклю́чшихся.

И бысть бесе́дующема и́ма и совопроша́ющемася, и сам иису́с прибли́жився идя́ше с ни́ма:

о́чи же ею́ держа́стеся, да его́ не позна́ета.

Рече́ же к ни́ма: что суть словеса́ сия́, о ни́хже стяза́етася к себе́ иду́ща, и еста́ дря́хла?

Отвеща́в же еди́н, ему́же и́мя клео́па, рече́ к нему́: ты ли еди́н пришле́ц еси́ во иерусали́м, и не уве́дел еси́ бы́вших в нем во дни сия́?

И рече́ и́ма: ки́их? О́на же ре́ста ему́: я́же о иису́се назаряни́не, и́же бысть муж проро́к, си́лен де́лом и сло́вом пред бо́гом и все́ми людьми́:Mat 21:11; Luk 7:16; Jhn 3:2; Jhn 6:14; Act 2:22

ка́ко преда́ша его́ архиере́и и кня́зи на́ши на осужде́ние сме́рти, и распя́ша его́:

мы же наде́яхомся, я́ко сей есть хотя́ изба́вити изра́иля: но и над все́ми си́ми, тре́тий сей день есть днесь, отне́лиже сия́ бы́ша.Luk 2:25; Act 26:6

Но и жены́ не́кия от нас ужаси́ша ны, бы́вшыя ра́но у гро́ба:

и не обре́тшя телесе́ его́, приидо́ша, глаго́лющя, я́ко и явле́ние а́нгел ви́деша, и́же глаго́лют его́ жи́ва.

И идо́ша не́цыи от нас ко гро́бу, и обрето́ша та́ко, я́коже и жены́ ре́ша: самаго́ же не ви́деша.

И той рече́ к ни́ма: о несмы́сленная и ко́сная се́рдцем, е́же ве́ровати о всех, я́же глаго́лаша проро́цы:Gen 3:15; Gen 22:18; Gen 49:10; Num 21:9; Psa 21:7; Psa 68:10; Psa 21:27; Isa 50:6; Isa 53:3

не сия́ ли подоба́ше пострада́ти христу́ и вни́ти в сла́ву свою́?Psa 15:8; Isa 40:10; Jer 23:5; Jer 33:15; Ezk 34:23; Ezk 37:24; Dan 9:24; Mic 7:20

И наче́н от моисе́а и от всех проро́к, сказа́ше и́ма от всех писа́ний я́же о нем.

И прибли́жишася в весь, в ню́же идя́ста: и той творя́шеся далеча́йше ити́.

И ну́ждаста его́, глаго́люща: обля́зи с на́ма, я́ко к ве́черу есть, и приклони́лся есть день. И вни́де с ни́ма облещи́.

И бысть я́ко возлеже́ с ни́ма, и прии́м хлеб благослови́, и преломи́в дая́ше и́ма:

о́нема же отверзо́стеся о́чи, и позна́ста его́: и той неви́димь бысть и́ма.

И реко́ста к себе́: не се́рдце ли на́ю горя́ бе в на́ю, егда́ глаго́лаше на́ма на пути́ и егда́ ска́зоваше на́ма писа́ния?

И воста́вша в той час, возврати́стася во иерусали́м, и обрето́ста совоку́пленных единона́десяте и и́же бя́ху с ни́ми,

глаго́лющих, я́ко вои́стинну воста́ госпо́дь и яви́ся си́мону.

И та пове́даста, я́же бы́ша на пути́, и я́ко позна́ся и́ма в преломле́нии хле́ба.

Сия́ же им глаго́лющым, (и) сам иису́с ста посреде́ их, и глаго́ла им: мир вам.Mrk 16:14; Jhn 20:19; Act 13:31; 1Co 15:5

Убоя́вшеся же и пристра́шни бы́вше, мня́ху дух ви́дети:

и рече́ им: что смуще́ни есте́? и почто́ помышле́ния вхо́дят в сердца́ ва́ша?

ви́дите ру́це мои́ и но́зе мои́, я́ко сам аз есмь: осяжи́те мя и ви́дите: я́ко дух пло́ти и ко́сти не и́мать, я́коже мене́ ви́дите иму́ща.

И сие́ рек, показа́ им ру́це и но́зе.

Еще́ же неве́рующым им от ра́дости и чудя́щымся, рече́ им: и́мате ли что сне́дно зде?

Они́ же да́ша ему́ ры́бы пече́ны часть и от пчел сот.

И взем пред ни́ми яде́,

рече́ же им: сия́ суть словеса́, я́же глаго́лах к вам еще́ сый с ва́ми, я́ко подоба́ет сконча́тися всем напи́санным в зако́не моисе́ове и проро́цех и псалме́х о мне.Mat 16:21

Тогда́ отве́рзе им ум разуме́ти писа́нияJhn 5:39

и рече́ им, я́ко та́ко пи́сано есть, и та́ко подоба́ше пострада́ти христу́ и воскреснути от ме́ртвых в тре́тий день,Isa 53:4; Luk 24:27

и пропове́датися во и́мя его́ покая́нию и отпуще́нию грехо́в во всех язы́цех, наче́нше от иерусали́ма:

вы же есте́ свиде́телие сим:

и се, аз послю́ обетова́ние отца́ моего́ на вы: вы же седи́те во гра́де иерусали́мсте, до́ндеже облече́теся си́лою свы́ше.Jhn 14:16; Jhn 15:26; Act 1:4; Act 1:8

Изве́д же их вон до вифа́нии и воздви́г ру́це свои́, (и) благослови́ их.

И бысть егда́ благословля́ше их, отступи́ от них и возноша́шеся на не́бо.Mrk 16:19; Act 1:9

И ти́и поклони́шася ему́ и возврати́шася во иерусали́м с ра́достию вели́кою:

и бя́ху вы́ну в це́ркви, хва́ляще и благословя́ще бо́га. Ами́нь.