Act Acts, chapter Acts of the Apostles, chapter 6

Other script: церковнославянский

Translations Compare

Во днех же сих, умно́жившымся ученико́м, бысть ропта́ние е́ллинов ко евре́ом, я́ко презира́емы быва́ху во вседне́внем служе́нии вдови́цы их.

Призва́вше же двана́десять мно́жество учени́к, ре́ша: не уго́дно есть нам, оста́вльшым сло́во бо́жие, служи́ти трапе́зам:

усмотри́те у́бо, бра́тие, му́жы от вас свиде́телствованы седмь, испо́лнены ду́ха свята и прему́дрости, и́хже поста́вим над слу́жбою се́ю:

мы же в моли́тве и служе́нии сло́ва пребу́дем.

И уго́дно бысть сло́во сие́ пред всем наро́дом: и избра́ша стефа́на, му́жа испо́лнена ве́ры и ду́ха свята, и фили́ппа, и про́хора и никано́ра, и ти́мона и парме́на, и никола́а прише́лца антиохи́йскаго,Act 21:8

и́хже поста́виша пред апо́столы: и помоли́вшеся возложи́ша на ня ру́це.Act 13:3; 1Ti 4:14

И сло́во бо́жие растя́ше, и мно́жашеся число́ учени́к во иерусали́ме зело́: мног же наро́д свяще́нников послу́шаху ве́ры.

Стефа́н же испо́лнь ве́ры и си́лы творя́ше зна́мения и чудеса́ ве́лия в лю́дех.

Воста́ша же не́цыи от со́нма глаго́лемаго ливерти́нска и кирине́йска и алекса́ндрска, и и́же от килики́и и аси́и, стяза́ющеся со стефа́ном:

и не можа́ху противуста́ти прему́дрости и ду́ху, и́мже глаго́лаше.Luk 21:15

Тогда́ подусти́ша му́жы глаго́лющыя, я́ко слы́шахом его́ глаго́люща глаго́лы ху́лныя на моисе́а и на бо́га.

Сподвиго́ша же лю́ди и ста́рцы и кни́жники, и напа́дше восхи́тиша его́ и приведо́ша на со́нмище,

поста́виша же свиде́тели ло́жны глаго́лющыя, я́ко челове́к сей не престае́т глаго́лы ху́лныя глаго́ля на ме́сто свято́е сие́ и зако́н:

слы́шахом бо его́ глаго́люща, я́ко иису́с назоре́й сей разори́т ме́сто сие́ и измени́т обы́чаи, я́же предаде́ нам моисе́й.Dan 9:26

И воззре́вше нань вси седя́щии в со́нмищи, ви́деша лице́ его́ я́ко лице́ а́нгела.