1Pe 1 Peter, chapter First Epistle of Peter, chapter 1
Other script: церковнославянский
Петр, апо́стол иису́с христо́в, избра́нным прише́лцем разсе́яния по́нта, галати́и, каппадоки́и, аси́и и вифини́и,1Pe 2:9
по прозре́нию бо́га отца́, во святы́ни ду́ха, в послуша́ние и кропле́ние кро́ве иису́с христо́вы: благода́ть вам и мир да умно́жится.Eph 1:4; Eph 1:7; Heb 12:24
Благослове́н бог и оте́ц го́спода на́шего иису́са христа́, и́же по мно́зей свое́й ми́лости порожде́й нас во упова́ние жи́во воскресе́нием иису́с христо́вым от ме́ртвых,Rom 6:4; Eph 1:3
в насле́дие нетле́нно и нескве́рно и неувяда́емо, соблюде́но на небесе́х вас ра́ди,2Ti 4:8
и́же си́лою бо́жиею соблюда́еми есте́ чрез ве́ру, во спасе́ние гото́вое яви́тися во вре́мя после́днее.Jhn 10:28
О не́мже ра́дуйтеся, ма́ло ны́не, а́ще ле́по есть, приско́рбни бы́вше в разли́чных напа́стех:Mat 5:12; 2Co 4:17
да искуше́ние ва́шея ве́ры многочестне́йше зла́та ги́бнуща, огне́м же искуше́на, обря́щется в похвалу́ и честь и сла́ву, во открове́нии иису́с христо́ве,Job 23:10; Pro 17:3; Zec 13:9
его́же не ви́девше лю́бите, (и) на него́же ны́не не зря́ще, ве́рующе же, ра́дуетеся ра́достию неизглаго́ланною и просла́вленною,Jhn 20:29; 2Co 5:7
прие́млюще кончи́ну ве́ре ва́шей, спасе́ние душа́м:Rom 6:23
о не́мже спасе́нии взыска́ша и испыта́ша проро́цы, и́же о ва́шей благода́ти прореко́ша,Gen 49:10; Dan 2:44; Dan 9:24; Mat 13:17; 2Pe 1:21
испыта́юще, в каково́ или́ в ко́е вре́мя явля́ше в них дух христо́в, пре́жде свиде́телствуя о христо́вых страсте́х, и о сла́вах, я́же по сих:Psa 21:7; Isa 53:3
и́мже откры́ся, я́ко не им саме́м, но нам служа́ху сия́, я́же ны́не возвести́шася вам благовествова́вшими вам ду́хом святы́м по́сланным с небесе́, в ня́же жела́ют а́нгели прини́кнути.Eph 3:10; 1Ti 3:16
Те́мже, (возлю́бленнии,) препоя́савше чре́сла помышле́ния ва́шего, трезвя́щеся, соверше́нне упова́йте на приноси́мую вам благода́ть открове́нием иису́с христо́вым.Luk 12:35
Я́ко ча́да послуша́ния, не преобразу́ющеся пе́рвыми неве́дения ва́шего похоте́нии,Act 17:30
но по зва́вшему вы свято́му, и са́ми святи во всем житии́ бу́дите.Luk 1:75
Зане́ пи́сано есть: святи бу́дите, я́ко аз свят есмь.Lev 19:2; Lev 11:44
И а́ще отца́ называ́ете нелицеме́рно судя́ща кому́ждо по де́лу, со стра́хом жития́ ва́шего вре́мя жи́телствуйте,Deu 10:17
ве́дяще, я́ко не истле́нным сребро́м или́ зла́том изба́вистеся от су́етнаго ва́шего жития́ отцы́ пре́даннаго,
но честно́ю кро́вию я́ко а́гнца непоро́чна и пречиста христа́,1Jn 1:7; 1Co 6:20; Eph 1:7; Heb 9:14; Rev 1:5
предуве́дена у́бо пре́жде сложе́ния ми́ра, я́вльшася же в после́дняя ле́та вас ра́ди,
и́же его́ ра́ди ве́руете в бо́га воздви́гшаго его́ из ме́ртвых и сла́ву ему́ да́вша, я́ко да ве́ра ва́ша и упова́ние бу́дет на бо́га.
Ду́шы ва́шя очи́стивше в послуша́нии и́стины ду́хом, в братолю́бие нелицеме́рно, от чи́ста се́рдца друг дру́га люби́те приле́жно,1Pe 2:17
порожде́ни не от се́мене истле́нна, но неистле́нна, сло́вом жива́го бо́га и пребыва́юща во ве́ки.Jas 1:18
Зане́ вся́ка плоть я́ко трава́, и вся́ка сла́ва челове́ча я́ко цвет тра́вный: и́зсше трава́, и цвет ея́ отпаде́:
глаго́л же го́сподень пребыва́ет во ве́ки. Се же есть глаго́л благовествова́нный в вас.Isa 40:6