1Pe 1 Peter, chapter First Epistle of Peter, chapter 2

Other script: церковнославянский

Translations Compare

Отло́жше у́бо вся́ку зло́бу и вся́ку лесть и лицеме́рие и за́висть и вся клеветы́,Col 3:8; Heb 12:1

я́ко новорожде́ни младе́нцы, слове́сное и неле́стное мле́ко возлюби́те, я́ко да о нем возрасте́те во спасе́ние:Mat 18:3; Mrk 10:14

поне́же вкуси́сте, я́ко благ госпо́дь.Psa 33:9

К нему́же приходя́ще, ка́мени жи́ву, от челове́к у́бо уничиже́ну, от бо́га же избра́ну, честну,Mat 16:18; Mat 21:42

и са́ми я́ко ка́мение жи́во зижди́теся во храм духо́вен, святи́телство свято, возноси́ти же́ртвы духо́вны, благоприя́тны бо́гови иису́с христо́м.Mal 1:11; Rev 1:6

Зане́ пи́сано есть в писа́нии: се полага́ю в сио́не ка́мень краеуго́лен, избра́н, честен: и ве́руяй вонь не постыди́тся.Isa 28:16; Rom 9:33

Вам у́бо честь ве́рующым, а проти́вящымся ка́мень, его́же небрего́ша зи́ждущии, сей бысть во главу́ у́гла, и ка́мень претыка́ния и ка́мень собла́зна:Psa 117:22; Isa 8:14; Mat 21:42

о не́мже и претыка́ются сло́ву противля́ющиися, на не́же и положе́ни бы́ша.

Вы же род избра́н, ца́рское свяще́ние, язы́к свят, лю́дие обновле́ния, я́ко да доброде́тели возвестите́ из тмы вас призва́вшаго в чу́дный свой свет:Exo 19:6; Isa 61:6; Act 26:18

и́же иногда́ не лю́дие, ны́не же лю́дие бо́жии: и́же не поми́ловани, ны́не же поми́ловани бы́сте.Hos 2:23; Hos 1:10; Rom 9:25

Возлю́бленнии, молю́ я́ко прише́лцев и стра́нников, огреба́тися от плотски́х похоте́й, я́же вою́ют на ду́шу,Psa 38:13; Rom 13:13; Gal 5:16

житие́ ва́ше иму́ще добро́ во язы́цех, да о не́мже клеве́щут вас а́ки злоде́ев, от до́брых дел ви́девше, просла́вят бо́га в день посеще́ния.Mat 5:16

Повини́теся у́бо вся́кому челове́чу созда́ниюнача́лству го́спода ра́ди: а́ще царю́, я́ко преоблада́ющу:Rom 13:1; Tit 3:1

а́ще ли же князе́м, я́ко от него́ по́сланным, во отмще́ние у́бо злоде́ем, в похвалу́ же благотво́рцем.

Я́ко та́ко есть во́ля бо́жия, благотворя́щым обуздова́ти безу́мных челове́к неве́жство:

я́ко свобо́дни, а не я́ко прикрове́ние иму́ще зло́бы свобо́ду, но я́ко раби́ бо́жии.Gal 5:13

Всех почита́йте, бра́тство возлюби́те, бо́га бо́йтеся, царя́ чти́те.1Pe 1:22; Rom 12:10

Раби́, повину́йтеся во вся́цем стра́се влады́кам, не то́кмо благи́м и кро́тким, но и стропти́вым.

Се бо есть уго́дно пред бо́гом, а́ще со́вести ра́ди бо́жия терпи́т кто ско́рби, стражда́ без пра́вды.Mat 5:10

Ка́я бо похвала́, а́ще согреша́юще му́чими терпите́? Но а́ще добро́ творя́ще и стра́ждуще терпите́, сие́ уго́дно пред бо́гом,1Pe 3:14; 1Pe 4:14

на сие́ бо и зва́ни бы́сте: зане́ и христо́с пострада́ по нас, нам оста́вль о́браз, да после́дуем стопа́м его́:Mat 16:24; Php 2:5

и́же греха́ не сотвори́, ни обре́теся лесть во усте́х его́:Isa 53:9; 1Jn 3:5

и́же укаря́емь проти́ву не укаря́ше, стражда́ не преща́ше, предая́ше же судя́щему пра́ведно:Isa 50:6; Isa 53:7

и́же грехи́ нашя́ сам вознесе́ на те́ле свое́м на дре́во, да от грех избы́вше, пра́вдою поживе́м: его́же я́звою исцеле́сте.Mat 8:17; Rom 6:2

Бе́сте бо я́ко о́вцы заблу́ждшыя (не иму́щя па́стыря): но возврати́стеся ны́не к па́стырю и посети́телю душ ва́ших.Isa 53:4; Ezk 34:5; Ezk 34:23; Jhn 10:11