1Pe 1 Peter, chapter First Epistle of Peter, chapter 4

Other script: церковнославянский

Translations Compare

Христу́ у́бо пострада́вшу за ны плотию, и вы в ту же мысль вооружи́теся: зане́ пострада́вый пло́тию, преста́ от греха́,1Pe 2:21

во е́же не ктому́ челове́ческим по́хотем, но во́ли бо́жией про́чее во пло́ти жи́ти вре́мя.2Co 5:15; Gal 2:20

Довле́ет бо вам мимоше́дшее вре́мя жития́, во́лю язы́ческую твори́вшым, хо́ждшым в нечистота́х, в по́хотех, (в мужело́жстве, в скотоло́жстве, в по́мыслех,) в пия́нстве, в козлогласова́ниих, в лихоима́нии и богоме́рзких идолослуже́ниих:Eph 4:17

о не́мже дивя́тся, не сходя́щымся вам в то́же блуда́ разлия́ние, ху́ляще:1Pe 2:12

и́же воздадя́т сло́во гото́ву су́щему суди́ти живы́м и ме́ртвым.2Ti 4:1

На се бо и ме́ртвым благовести́ся, да суд у́бо прии́мут по челове́ку пло́тию, поживу́т же по бо́зе ду́хом.

Всем же кончи́на прибли́жися. Уцелому́дритеся у́бо и трезви́теся в моли́твах.Luk 21:34; Jas 5:8

Пре́жде же всех друг ко дру́гу любо́вь приле́жну име́йте, зане́ любо́вь покрыва́ет мно́жество грехо́в.Pro 10:12

Страннолю́бцы друг ко дру́гу, без ропта́нии.Rom 12:13; Php 2:14; Heb 13:2

Ки́йждо я́коже прия́т дарова́ние, между́ себе́ сим служа́ще, я́ко до́брии строи́телие разли́чныя благода́ти бо́жия.Rom 12:6

А́ще кто глаго́лет, я́ко словеса́ бо́жия: а́ще кто слу́жит, я́ко от кре́пости, ю́же подае́т бог: да о всем сла́вится бог иису́с христо́м, ему́же есть сла́ва и держа́ва во ве́ки веко́в. Ами́нь.Mat 5:16

Возлю́бленнии, не диви́теся е́же в вас раждеже́нию ко искуше́нию вам быва́ему, я́ко чу́жду вам случа́ющуся:1Pe 1:7

но поне́же приобща́етеся христо́вым страсте́м, ра́дуйтеся, я́ко да и в явле́ние сла́вы его́ возра́дуетеся веселя́щеся.2Co 4:10; Php 3:10

А́ще укоря́еми быва́ете о и́мени христо́ве, блаже́ни есте́ я́ко сла́вы и бо́жий дух на вас почива́ет: о́неми у́бо ху́лится, а ва́ми прославля́ется.Mat 5:11

Да не кто у́бо от вас постра́ждет я́ко уби́йца, или́ я́ко тать, или́ я́ко злоде́й, или́ я́ко чуждопосети́тель:1Pe 2:19; 1Pe 3:17

а́ще ли же я́ко христиа́нин, да не стыди́тся, да прославля́ет же бо́га в ча́сти сей.

Я́ко вре́мя нача́ти суд от до́му бо́жия: а́ще же пре́жде от вас, ка́я кончи́на проти́вящымся бо́жию ева́нгелию?Jer 25:29; Ezk 9:6; Luk 23:31

И а́ще пра́ведник едва́ спасе́тся, нечести́вый и гре́шный где яви́тся?Pro 11:31

Те́мже и стра́ждущии по во́ли бо́жией, я́ко ве́рну зижди́телю да предадя́т ду́шы своя́ во благотворе́нии.