1 Jn. 1 Juan, capítulo Primera carta de Juan, capítulo 4
Otra escritura: церковнославянский
Возлю́бленнии, не вся́кому ду́ху ве́руйте, но искуша́йте ду́хи, а́ще от бо́га суть: я́ко мно́зи лжепроро́цы изыдо́ша в мир.Mt. 7:15; Ap. 2:2
О сем познава́йте ду́ха бо́жия и ду́ха ле́стча: всяк дух, и́же испове́дует иису́са христа́ во плоти прише́дша, от бо́га есть:
и всяк дух, и́же не испове́дует иису́са христа́ во плоти прише́дша, от бо́га несть: и сей есть анти́христов, его́же слы́шасте, я́ко гряде́т, и ны́не в ми́ре есть уже́.1 Jn. 2:22; 1 Co. 12:3
Вы от бо́га есте́, ча́дца, и победи́сте тех: я́ко бо́лий есть и́же в вас, не́жели и́же в ми́ре.2 Cr. 32:7
Они́ от ми́ра суть: сего́ ра́ди от ми́ра глаго́лют, и мир тех послу́шает.Jn. 15:19
Мы от бо́га есмы́: и́же зна́ет бо́га, послу́шает нас, и и́же несть от бо́га, не послу́шает нас. О сем познава́ем ду́ха и́стины и ду́ха ле́стча.Jn. 8:47
Возлю́бленнии, возлю́бим друг дру́га, я́ко любы́ от бо́га есть, и всяк любя́й от бо́га рожде́н есть, и зна́ет бо́га:
а не любя́й не позна́ бо́га, я́ко бог любы́ есть.
О сем яви́ся любы́ бо́жия в нас, я́ко сы́на своего́ единоро́днаго посла́ бог в мир, да жи́ви бу́дем им.Is. 9:6; Jn. 3:16; 2 Co. 5:19
О сем есть любы́, не я́ко мы возлюби́хом бо́га, но я́ко той возлюби́ нас, и посла́ сы́на своего́ очище́ние о гресе́х на́ших.1 Jn. 2:2; Ro. 5:8
Возлю́бленнии, а́ще си́це возлюби́л есть нас бог, и мы до́лжни есмы́ друг дру́га люби́ти.Mt. 18:33; Jn. 15:12
Бо́га никто́же нигде́же ви́де. А́ще друг дру́га лю́бим, бог в нас пребыва́ет, и любы́ его́ соверше́нна есть в нас.Ex. 33:20; Jn. 1:18; 1 Ti. 6:16
О сем разуме́ем, я́ко в нем пребыва́ем, и той в нас, я́ко от ду́ха своего́ дал есть нам.1 Jn. 3:24
И мы ви́дехом и свиде́телствуем, я́ко оте́ц посла́ сы́на спаси́теля ми́ру.
И́же а́ще испове́сть, я́ко иису́с есть сын бо́жий, бог в нем пребыва́ет, и той в бо́зе.1 Jn. 5:5; Ro. 10:9
И мы позна́хом и ве́ровахом любо́вь, ю́же и́мать бог к нам. Бог любы́ есть, и пребыва́яй в любви́ в бо́зе пребыва́ет, и бог в нем пребыва́ет.1 Jn. 3:24
О сем соверша́ется любы́ с на́ми, да дерзнове́ние и́мамы в день су́дный, зане́, я́коже он есть, и мы есмы́ в ми́ре сем.
Стра́ха несть в любви́, но соверше́нна любы́ вон изгоня́ет страх, я́ко страх му́ку и́мать: боя́йся же не соверши́ся в любви́.
Мы лю́бим его́, я́ко той пе́рвее возлюби́л есть нас.
А́ще кто рече́т, я́ко люблю́ бо́га, а бра́та своего́ ненави́дит, ложь есть: и́бо не любя́й бра́та своего́, его́же ви́де, бо́га, его́же не ви́де, ка́ко мо́жет люби́ти?1 Jn. 2:4; 1 Jn. 3:17
И сию́ за́поведь и́мамы от него́, да любя́й бо́га лю́бит и бра́та своего́.Mt. 22:37; Mt. 22:39; Jn. 13:34; 1 Jn. 3:11