Rom Romans, chapter Epistle to the Romans, chapter 1

Other script: церковнославянский

Translations Compare

Па́вел, раб иису́с христо́в, зван апо́стол, избра́н в благове́стие бо́жие,Act 9:15

е́же пре́жде обеща́ проро́ки свои́ми в писа́ниих святы́х,Isa 52:7; Nam 1:15; Luk 1:70; Jhn 1:45

о сы́не свое́м, бы́вшем от се́мене дави́дова по плоти,Mat 1:1; Luk 2:4

нарече́ннем сы́не бо́жии в си́ле, по ду́ху святы́ни, из воскресе́ния от ме́ртвых, иису́са христа́ го́спода на́шего,2Sa 7:12

и́мже прия́хом благода́ть и апо́столство в послуша́ние ве́ры во всех язы́цех, о и́мени его́,Act 2:22; 2Co 10:5

в ни́хже есте́ и вы, зва́ни иису́су христу́:

всем су́щым в ри́ме возлю́бленным бо́гу, зва́нным святы́м: благода́ть вам и мир от бо́га отца́ на́шего, и го́спода иису́са христа́.1Co 1:2; Eph 1:1

Пе́рвое у́бо благодарю́ бо́га моего́ иису́сом христо́м о всех вас, я́ко ве́ра ва́ша возвеща́ется во всем ми́ре:

свиде́тель бо ми есть бог, ему́же служу́ ду́хом мои́м во благовествова́нии сы́на его́, я́ко безпреста́ни па́мять о вас творю́,Jhn 4:23; Act 24:14

всегда́ в моли́твах мои́х моля́ся, а́ще у́бо когда́ поспе́шен бу́ду во́лею бо́жиею приити́ к вам:

жела́ю бо ви́дети вас, да не́кое пода́м вам дарова́ние духо́вное, ко утвержде́нию ва́шему:Rom 15:29; 1Th 3:10

сие́ же есть, соуте́шитися в вас ве́рою о́бщею, ва́шею же и мое́ю.

Не хощу́ же не ве́дети вам, бра́тие, я́ко мно́жицею восхоте́х приити́ к вам, и возбране́н бых досе́ле, да не́кий плод име́ю и в вас, я́коже и в про́чих язы́цех.

Е́ллином же и ва́рвавом, му́дрым же и неразу́мным до́лжен есмь:Act 9:15; 1Co 9:16

та́ко есть, е́же по моему́ усе́рдию и вам су́щым в ри́ме благовести́ти.

Не стыжу́ся бо благовествова́нием христо́вым: си́ла бо бо́жия есть во спасе́ние вся́кому ве́рующему, иуде́ови же пре́жде и е́ллину.Mrk 8:38; 1Co 1:24; 1Co 15:2; 2Ti 1:8

Пра́вда бо бо́жия в нем явля́ется от ве́ры в ве́ру, я́коже есть пи́сано: пра́ведный же от ве́ры жив бу́дет.Hab 2:4; Rom 3:21

Открыва́ется бо гнев бо́жий с небесе́ на вся́кое нече́стие и непра́вду челове́ков, содержа́щих и́стину в непра́вде:

зане́ разу́мное бо́жиее́же возмо́жно разуме́ти о бо́зе я́ве есть в них, бог бо яви́л есть им:

неви́димая бо его́, от созда́ния ми́ра творе́ньми помышля́ема, ви́дима суть, и присносу́щная си́ла его́ и божество́, во е́же бы́ти им безотве́тным.Psa 18:2

Зане́же разуме́вше бо́га, не я́ко бо́га просла́виша или́ благодари́ша, но осуети́шася помышле́нии сво́ими, и омрачи́ся неразу́мное их се́рдце:Deu 28:29; Job 5:14; Isa 59:10; Eph 4:18

глаго́лющеся бы́ти му́дри, объюроде́ша,

и измени́ша сла́ву нетле́ннаго бо́га в подо́бие о́браза тле́нна челове́ка и птиц и четвероно́г и гад:Exo 32:4; Wis 12:24; Jer 2:27

те́мже и предаде́ их бог в по́хотех серде́ц их в нечистоту́, во е́же скверни́тися телесе́м их в себе́ саме́х:

и́же премени́ша и́стину бо́жию во лжу, и почто́ша и послужи́ша тва́ри па́че творца́, и́же есть благослове́н во ве́ки, ами́нь.

Сего́ ра́ди предаде́ их бог в стра́сти безче́стия: и жены́ бо их измени́ша есте́ственную подо́бу в презъесте́ственную:Lev 18:23; Lev 20:16

та́кожде и му́жие, оста́вльше есте́ственную подо́бу же́нска по́ла, разжего́шася по́хотию свое́ю друг на дру́га, му́жи на муже́х студ содева́юще, и возме́здие, е́же подоба́ше пре́лести их, в себе́ восприе́млюще.

И я́коже не искуси́ша име́ти бо́га в ра́зуме, (сего́ ра́ди) предаде́ их бог в неиску́сен ум, твори́ти неподо́бная,Psa 80:13; Jer 7:15; Hos 9:10; 2Th 2:11

испо́лненых вся́кия непра́вды, блуже́ния, лука́вства, лихоима́ния, зло́бы: испо́лненых за́висти, уби́йства, рве́ния, льсти, злонра́вия:

шепотники́, клеветники́, богоме́рзки, досади́тели, велича́вы, го́рды, обрета́тели злых, роди́телем непокори́вы,

неразу́мны, непримири́телны, нелюбо́вны, неклятвохрани́телны, неми́лостивны.

Не́цыи же и оправда́ние бо́жие разуме́вше, я́ко такова́я творя́щии досто́йни сме́рти суть, не то́чию са́ми творя́т, но и соизволя́ют творя́щым.