Rom Romans, chapter Epistle to the Romans, chapter 4
Other script: церковнославянский
Что у́бо рече́м авраа́ма отца́ на́шего обрести́ по пло́ти?
А́ще бо авраа́м от дел оправда́ся, и́мать похвалу́, но не у бо́га.Eph 2:8
Что бо писа́ние глаго́лет? ве́рова же авраа́м бо́гови, и вмени́ся ему́ в пра́вду.Gen 15:6; Jas 2:23; Gal 3:6
Де́лающему же мзда не вменя́ется по благода́ти, но по до́лгу:Rom 11:6
а не де́лающему, ве́рующему же во оправда́ющаго нечести́ва, вменя́ется ве́ра его́ в пра́вду.
Я́коже и дави́д глаго́лет блаже́нство челове́ка, ему́же вменя́ет бог пра́вду, без дел зако́на:
блаже́ни, и́хже отпусти́шася беззако́ния и и́хже прикры́шася греси́:
блаже́н муж, ему́же не вмени́т госпо́дь греха́.Psa 31:1
Блаже́нство у́бо сие́ на обре́зание ли, или́ на необре́зание? Глаго́лем бо, я́ко вмени́ся авраа́му ве́ра в пра́вду.
Ка́ко у́бо вмени́ся ему́? во обре́зании ли су́щу, или́ в необре́зании? Не во обре́зании, но в необре́зании.
И зна́мение прия́т обре́зания, печа́ть пра́вды ве́ры, я́же в необре́зании: я́ко бы́ти ему́ отцу́ всех ве́рующих в необре́зании, во е́же вмени́тися и тем в пра́вду,Gen 17:11
и отцу́ обре́зания, не су́щым то́чию от обре́зания, но и ходя́щым в стопа́х ве́ры, я́же (бе) в необре́зании отца́ на́шего авраа́ма.
Не зако́ном бо обетова́ние авраа́му, или́ се́мени его́, е́же бы́ти ему́ насле́днику ми́рови, но пра́вдою ве́ры.Gen 15:6; Gen 17:5
А́ще бо су́щии от зако́на насле́дницы, испраздни́ся ве́ра, и разори́ся обетова́ние:
зако́н бо гнев соде́ловает: иде́же бо несть зако́на, (ту) ни преступле́ния.Rom 3:20; Rom 5:13; Rom 7:8; 1Co 15:56; Gal 3:10
Сего́ ра́ди от ве́ры, да по благода́ти, во е́же бы́ти изве́стну обетова́нию всему́ се́мени, не то́чию су́щему от зако́на, но и су́щему от ве́ры авраа́мовы, и́же есть оте́ц всем нам,
я́коже есть пи́сано: я́ко отца́ мно́гим язы́ком положи́х тя, пря́мо бо́гу, ему́же ве́рова, животворя́щему ме́ртвыя и нарица́ющу не су́щая я́ко су́щая.Gen 17:5; Sir 44:19; Heb 11:12
И́же па́че упова́ния во упова́ние ве́рова, во е́же бы́ти ему́ отцу́ мно́гим язы́ком, по рече́нному: та́ко бу́дет се́мя твое́.Gen 15:5
И не изнемо́г ве́рою, ни усмотри́ своея́ пло́ти уже́ умерщвле́нныя, столе́тен не́где сый, и ме́ртвости ложе́сн са́рриных:
во обетова́нии же бо́жии не усумне́ся неве́рованием, но возмо́же ве́рою, дав сла́ву бо́гови
и изве́стен быв, я́ко, е́же обеща́, си́лен есть и сотвори́ти.Psa 113:11; Luk 1:37
Те́мже и вмени́ся ему́ в пра́вду.
Не пи́сано же бысть за того́ еди́наго то́чию, я́ко вмени́ся ему́,Rom 15:4
но и за ны, и́мже хо́щет вмени́тися, ве́рующым в воскреси́вшаго иису́са христа́ го́спода на́шего из ме́ртвых,
и́же пре́дан бысть за прегреше́ния на́ша и воста́ за оправда́ние на́ше.Isa 53:5; 1Pe 1:21; Rom 5:6; 1Co 15:22