Rom Romans, chapter Epistle to the Romans, chapter 12

Other script: церковнославянский

Translations Compare

Молю́ у́бо вас, бра́тие, щедро́тами бо́жиими, предста́вите телеса́ ва́ша же́ртву жи́ву, святу, благоуго́дну бо́гови, слове́сное служе́ние ва́ше,1Co 3:17

и не сообразу́йтеся ве́ку сему́, но преобразу́йтеся обновле́нием ума́ ва́шего, во е́же искуша́ти вам, что есть во́ля бо́жия блага́я и уго́дная и соверше́нная.Eph 1:18; Eph 5:10; Eph 5:17

Глаго́лю бо благода́тию да́вшеюся мне, вся́кому су́щему в вас не му́дрствовати па́че, е́же подоба́ет му́дрствовати: но му́дрствовати в целому́дрии, коему́ждо я́коже бог раздели́л есть ме́ру ве́ры.Eph 4:7

Я́коже бо во еди́нем телеси́ мно́ги у́ды и́мамы, у́ды же вси не то́жде и́мут де́лание,1Co 12:12

та́кожде мно́зи еди́но те́ло е́смы о христе́, а по еди́ному друг дру́гу у́ди.

Иму́ще же дарова́ния по благода́ти да́нней нам разли́чна: а́ще проро́чество, по ме́ре ве́ры:Mat 25:15; 1Pe 4:10; 1Co 12:4

а́ще ли служе́ние, в служе́нии: а́ще учя́й, во уче́нии:

а́ще утеша́яй, во утеше́нии: подава́яй, в простоте́: предстоя́йнача́лствуяй, со тща́нием: ми́луяй, с до́брым изволе́нием.Mat 6:2

Любы́ нелицеме́рна: ненави́дяще зла́го, прилепля́йтеся благо́му:Psa 96:10; Amo 5:15

братолю́бием друг ко дру́гу любе́зни: че́стию друг дру́га бо́лша творя́ще:1Pe 2:17; Eph 4:2

тща́нием не лени́ви, ду́хом горя́ще, го́сподеви рабо́тающе:

упова́нием ра́дующеся, ско́рби терпя́ще, в моли́тве пребыва́юще:Luk 18:1

тре́бованием святы́х приобща́ющеся, страннолю́бия держа́щеся:1Co 16:1; Heb 13:2

благословля́йте гоня́щыя вы: благослови́те, а не клени́те.Mat 5:44

Ра́доватися с ра́дующимися, и пла́кати с пла́чущими.1Co 12:26

То́жде друг ко дру́гу му́дрствующе: не высо́кая му́дрствующе, но смире́нными веду́щеся: не быва́йте му́дри о себе́:Pro 3:7; Isa 5:21; Jhn 17:11

ни еди́ному же зла за зло воздаю́ще, промышля́юще до́брая пред все́ми челове́ки.Pro 20:22; 2Co 8:21

А́ще возмо́жно, е́же от вас, со все́ми челове́ки мир име́йте.Heb 12:14

Не себе́ отмща́юще, возлю́блении, но дади́те ме́сто гне́ву. Пи́сано бо есть: мне отмще́ние, аз возда́м, глаго́лет госпо́дь.Deu 32:35; Mat 5:39; Luk 6:28; 1Co 6:7

А́ще у́бо а́лчет враг твой, ухле́би его́: а́ще ли жа́ждет, напо́й его́: си́е бо творя́, у́глие о́гнено собира́еши на главу́ его́.

Не побежде́н быва́й от зла, но побежда́й благи́м зло́е.