1Co 1 Corinthians, chapter First Epistle to the Corinthians, chapter 1
Other script: церковнославянский
Па́вел, зван апо́стол иису́с христо́в во́лею бо́жиею, и сосфе́н брат,Act 18:17; Rom 1:1
це́ркви бо́жией су́щей в кори́нфе, освяще́нным о христе́ иису́се, зва́нным святы́м, со все́ми призыва́ющими и́мя го́спода на́шего иису́са христа́, во вся́цем ме́сте, тех же и на́шем:Jhn 17:19; Act 15:9; 1Th 4:7; 2Ti 2:19
благода́ть вам и мир от бо́га отца́ на́шего и го́спода иису́са христа́.1Pe 1:2
Благодарю́ бо́га моего́ всегда́ о вас, о благода́ти бо́жией да́нней вам о христе́ иису́се,2Th 1:3
я́ко во всем обогати́стеся о нем, во вся́цем сло́ве и вся́цем ра́зуме,Col 1:9
я́коже свиде́телство христо́во извести́ся в вас:1Co 2:2
я́ко вам не лиши́тися ни во еди́нем дарова́нии, ча́ющым открове́ния го́спода на́шего иису́са христа́,1Co 12:11; Php 3:20; Tit 2:13
и́же и утверди́т вас да́же до конца́ непови́нных в день го́спода на́шего иису́са христа́.1Th 3:13
Ве́рен бог, и́мже зва́ни бы́сте во обще́ние сы́на его́ иису́са христа́, го́спода на́шего.1Th 5:24
Молю́ же вы, бра́тие, и́менем го́спода на́шего иису́са христа́, да то́жде глаго́лете вси, и да не бу́дут в вас ра́спри, да бу́дете же утвержде́ни в то́мже разуме́нии и в то́йже мы́сли.Rom 15:5; Php 2:2
Возвести́ся бо ми о вас, бра́тие моя́, (по́сланным) от (дома́шних) хло́иса, я́ко рве́ния в вас суть.
Глаго́лю же се, я́ко ки́йждо вас глаго́лет: аз у́бо есмь па́влов, аз же аполло́сов, аз же ки́фин, аз же христо́в.Act 18:24
Еда́ раздели́ся христо́с, еда́ па́вел распя́тся по вас? или́ во и́мя па́влово крести́стеся?Eph 4:5
Благодарю́ бо́га, я́ко ни еди́наго от вас крести́х, то́чию кри́спа и га́иа,Act 18:8
да не кто рече́т, я́ко в мое́ и́мя крести́х.
Крести́х же и стефани́нов дом: про́чее не вем, а́ще кого́ ино́го крести́х.
Не посла́ бо мене́ христо́с крести́ти, но благовести́ти, не в прему́дрости сло́ва, да не испраздни́тся крест христо́в.2Pe 1:16; 1Co 2:13
Сло́во бо крестное погиба́ющым у́бо юро́дство есть, а спаса́емым нам си́ла бо́жия есть.Act 17:18; Rom 1:16
Пи́сано бо есть: погублю́ прему́дрость прему́дрых, и ра́зум разу́мных отве́ргу.Isa 29:14
Где прему́др? где кни́жник? где совопро́сник ве́ка сего́? Не обуи́ ли бог прему́дрость ми́ра сего́?Isa 33:18; Isa 44:25
Поне́же бо в прему́дрости бо́жией не разуме́ мир прему́дростию бо́га, благоизво́лил бог бу́йством про́поведи спасти́ ве́рующих.Mat 11:25
Поне́же и иуде́е зна́мения про́сят, и е́ллини прему́дрости и́щут:Mat 12:38; Mat 16:1
мы же пропове́дуем христа́ ра́спята, иуде́ем у́бо собла́зн, е́ллином же безу́мие,Isa 8:14; Act 17:18; Rom 9:32
саме́м же зва́нным иуде́ем же и е́ллином христа́, бо́жию си́лу и бо́жию прему́дрость:Rom 1:16; Col 2:3
зане́ бу́ее бо́жие прему́дрее челове́к есть, и немощно́е бо́жие крепча́е челове́к есть.
Ви́дите бо зва́ние ва́ше, бра́тие, я́ко не мно́зи прему́дри по пло́ти, не мно́зи си́льни, не мно́зи благоро́дни:Jhn 7:48; Jas 2:5
но бу́яя ми́ра избра́ бог, да прему́дрыя посрами́т, и не́мощная ми́ра избра́ бог, да посрами́т кре́пкая:2Co 10:5
и худоро́дная ми́ра и уничиже́нная избра́ бог, и не су́щая, да су́щая упраздни́т,
я́ко да не похва́лится вся́ка плоть пред бо́гом.Rom 3:27; Eph 2:9
Из него́же вы есте́ о христе́ иису́се, и́же бысть нам прему́дрость от бо́га, пра́вда же и освяще́ние и избавле́ние,Jer 23:5; Jhn 17:19; 1Pe 1:18; Col 2:3
да, я́коже пи́шется: хваля́йся, о го́споде да хва́лится.Jer 9:24; 2Co 10:17