2Co 2 Korintus, pasal Surat Paulus Yang Kedua Kepada Gereja Di Korintus, pasal 3

Aksara lain: церковнославянский

Terjemahan Bandingkan

Зачина́ем ли па́ки нас саме́х извещава́ти вам? Или́ тре́буем, я́коже не́цыи, извещава́телных посла́ний к вам, или́ от вас извести́телных?2Co 1:12

Посла́ние (бо) на́ше вы есте́, напи́саное в сердца́х на́ших, зна́емое и прочита́емое от всех челове́к:1Co 9:2

явля́еми, я́ко есте́ посла́ние христо́во слу́женое на́ми, напи́сано не черни́лом, но ду́хом бо́га жи́ва, не на скрижа́лех ка́менных, но на скрижа́лех се́рдца пло́тяных.Ezk 11:19; Heb 8:10

Наде́яние же таково́ и́мамы христо́м к бо́гу,

не я́ко дово́лни есмы́ от себе́ помы́слити что, я́ко от себе́, но дово́лство на́ше от бо́га:Jhn 15:5; 1Co 15:10

и́же и удово́ли нас служи́тели бы́ти но́ву заве́ту, не пи́смени, но ду́ху: писмя́ бо убива́ет, а дух животвори́т.Jer 31:33; Jhn 6:63

А́ще ли служе́ние сме́рти писмены́, образова́но в ка́менех, бысть в сла́ву, я́ко не мощи́ взира́ти сыно́м изра́илевым на лице́ моисе́ово, сла́вы ра́ди лица́ его́ престаю́щия:Exo 34:30

ка́ко не мно́жае па́че служе́ние ду́ха бу́дет в сла́ве?

А́ще бо служе́ние осужде́ния, сла́ва, мно́го па́че избы́точествует служе́ние пра́вды в сла́ве.

И́бо не просла́вися просла́вленное в ча́сти сей, за превосходя́щую сла́ву.

А́ще бо престаю́щее, сла́вою: мно́го па́че пребыва́ющее, в сла́ве.

Иму́ще у́бо таково́ упова́ние, мно́гим дерзнове́нием де́йствуем,

и не я́коже моисе́й полага́ше покрыва́ло на лицы́ свое́м, за е́же не мощи́ взира́ти сыно́м изра́илевым на коне́ц престаю́щаго.Rom 10:4

Но ослепи́шася помышле́ния их: да́же бо до сего́ дне то́жде покрыва́ло во чте́нии ве́тхаго заве́та пребыва́ет не открове́но, зане́ о христе́ престае́т.Isa 6:10; 1Co 2:8

Но да́же до днесь, внегда́ чте́тся моисе́й, покрыва́ло на се́рдце их лежи́т:

внегда́ же обратя́тся ко го́споду, взима́ется покрыва́ло.Exo 34:34

Госпо́дь же дух есть: а иде́же дух го́сподень, ту свобо́да.Jhn 4:24

Мы же вси открове́нным лице́м сла́ву го́сподню взира́юще, в то́йже о́браз преобразу́емся от сла́вы в сла́ву, я́коже от го́сподня ду́ха.1Co 15:49; 2Co 4:6