2 คร 2 โครินธ์, บทที่ 2 โครินธ์, บทที่ 6
อักษรอื่น: церковнославянский
Споспе́шествующе же и мо́лим, не вотще́ благода́ть бо́жию прия́ти вам.
Глаго́лет бо: во вре́мя прия́тно послу́шах тебе́, и в день спасе́ния помого́х ти. Се ны́не вре́мя благоприя́тно, се ны́не день спасе́ния.อสย 49:8; ลก 4:19; ฮบ 3:7
Ни еди́но ни в че́мже даю́ще претыка́ние, да служе́ние безпоро́чно бу́дет,
но во всем представля́юще себе́ я́коже бо́жия слуги́, в терпе́нии мно́зе, в ско́рбех, в беда́х, в теснота́х,1 คร 4:1; 2 คร 12:10
в ра́нах, в темни́цах, в нестрое́ниих, в труде́х, во бде́ниих, в поще́ниих,
во очище́нии, в ра́зуме, в долготерпе́нии, в благости, в дусе святе, в любви́ нелицеме́рне,
в словеси́ и́стины, в си́ле бо́жией, ору́жии пра́вды десны́ми и шу́ими,
сла́вою и безче́стием, гажде́нием и благохвале́нием: я́ко лестцы́, и и́стинни:
я́ко незна́еми, и познава́еми: я́ко умира́юще, и се жи́ви есмы́: я́ко наказу́еми, а не умерщвля́еми:
я́ко скорбя́ще, при́сно же ра́дующеся: я́ко ни́щи, а мно́ги богатя́ще: я́ко ничто́же иму́ще, а вся содержа́ще.สภษ 13:7
Уста́ на́ша отверзо́шася к вам, кори́нфяне, се́рдце на́ше распространи́ся.
Не те́сно вмеща́етеся в нас, утесня́етеся же во утро́бах ва́ших.
То́жде же возме́здие, я́коже ча́дом глаго́лю, распространи́теся и вы.
Не быва́йте (удо́бь) прело́жни ко ино́му ярму́ я́коже неве́рнииневе́рных. Ко́е бо прича́стие пра́вде к беззако́нию? Или́ ко́е обще́ние све́ту ко тме?
Ко́е же согла́сие христо́ви с велиа́ром? Или́ ка́я часть ве́рну с неве́рным?1 พกษ 18:21; บสร 13:21
Или́ ко́е сложе́ние це́ркви бо́жией со и́долы? Вы бо есте́ це́ркви бо́га жи́ва, я́коже рече́ бог: я́ко вселю́ся в них и похожду́, и бу́ду им бог, и ти́и бу́дут мне лю́дие.ลนต 26:12; ยรม 31:1; 1 คร 3:16; 1 คร 6:19
Те́мже изыди́те от среды́ их и отлучи́теся, глаго́лет госпо́дь, и нечистоте́ не прикаса́йтеся, и аз прииму́ вы:อสย 52:11; ยรม 50:8; วว 18:4
и бу́ду вам во отца́, и вы бу́дете мне в сы́ны и дще́ри, глаго́лет госпо́дь вседержи́тель.ยรม 3:19; ฮชย 1:10