Gal Galacia, kapitulo Ang Sulat ni Pablo sa mga Taga-Galacia, kapitulo 4

Глаго́лю же: в ели́ко вре́мя насле́дник млад есть, ничи́мже лу́чший есть раба́, госпо́дь сый всех:

но под повели́тели и приста́вники есть да́же до наро́ка о́тча.

Та́кожде и мы, егда́ бе́хом мла́ди, под стихи́ами бе́хом ми́ра порабоще́ни:Gal 5:1; Col 2:20

Егда́ же прии́де кончи́на ле́та, посла́ бог сы́на своего́ единоро́днаго, ражда́емаго от жены́, быва́ема под зако́ном,Isa 7:14; Luk 1:31

да подзако́нныя иску́пит, да всыновле́ние восприи́мем.Rom 8:15

И поне́же есте́ сы́нове, посла́ бог ду́ха сы́на своего́ в сердца́ ва́ша, вопию́ща: а́вва о́тче.

Те́мже уже́ не́си раб, но сын: а́ще ли же сын, и насле́дник бо́жий иису́с христо́м.Gal 3:29

Но тогда́ у́бо не ве́дуще бо́га, служи́сте не по естеству́ су́щым бо́гом:Eph 2:12

ны́не же, позна́вше бо́га, па́че же позна́ни бы́вше от бо́га, ка́ко возвраща́етеся па́ки на немощны́я и худы́я стихи́и, и́мже па́ки свы́ше(a)вспять служи́ти хо́щете?1Co 13:12; Heb 7:18; Heb 10:1

дни смотря́ете, и ме́сяцы, и времена́, и ле́та.Col 2:16

Бою́ся о вас, еда́ ка́ко всу́е труди́хся в вас.

Бу́дите я́коже аз, зане́ и аз, я́коже вы: бра́тие, молю́ вы. Ничи́мже мене́ оби́десте:

ве́сте же, я́ко за не́мощь пло́ти благовести́х вам пе́рвее:

и искуше́ния моего́, е́же во пло́ти мое́й, не уничижи́сте, ни оплева́сте, но я́коже а́нгела бо́жия прия́сте мя, я́ко христа́ иису́са.

Ко́е у́бо бя́ше блаже́нство ва́ше? Свиде́телствую бо вам, я́ко, а́ще бы бы́ло мо́щно, очеса́ ва́ша изверте́вше да́ли бы́сте ми.

Те́мже враг вам бых, и́стину вам глаго́ля?

Ревну́ют по вас не до́бре, но отлучи́ти вас хотя́т, да им ревну́ете.

Добро́ же, е́же ревнова́ти всегда́ в до́брем, и не то́чию внегда́ приходи́ти ми к вам.

Ча́дца моя́, и́миже па́ки боле́зную, до́ндеже вообрази́тся христо́с в вас:

хоте́л же бых приити́ к вам ны́не и измени́ти глас мой, я́ко не домышля́юся о вас.

Глаго́лите ми, и́же под зако́ном хо́щете бы́ти: зако́на ли не слу́шаете?

Пи́сано бо есть, я́ко авраа́м два сы́на име́: еди́наго от рабы́, а друга́го от свобо́дныя.Gen 16:15; Gen 21:2

Но и́же от рабы́, по пло́ти роди́ся: а и́же от свобо́дныя, по обетова́нию.Rom 9:8

Я́же суть иносказа́ема: сия́ бо еста́ два заве́та: еди́н у́бо от горы́ сина́йския, в рабо́ту ражда́яй, и́же есть ага́рь:Rom 8:15

ага́рь бо, сина́ гора́ есть во арави́и, прилага́ется же ны́нешнему иерусали́му, рабо́тает же с ча́ды свои́ми:

а вы́шний иерусали́м свобо́дь есть, и́же есть ма́ти всем нам.Isa 60:1; Heb 12:22; Rev 21:2

Пи́сано бо есть: возвесели́ся, непло́ды, не ражда́ющая: расто́ргни и возопи́, неболя́щая: я́ко мно́га ча́да пусты́я па́че, не́жели иму́щия му́жа.Isa 54:1

Мы же, бра́тие, по исаа́ку обетова́ния ча́да есмы́.Rom 9:8

Но я́коже тогда́ по пло́ти роди́выйся гоня́ше духо́внаго, та́ко и ны́не.Gen 21:9

Но что глаго́лет писа́ние? Изжени́ рабу́ и сы́на ея́, не и́мать бо насле́довати сын рабы́нин с сы́ном свобо́дныя.Gen 21:10

Те́мже, бра́тие, не́смы рабы́нина ча́да, но свобо́дныя.Gal 3:29