Col Colossians, chapter Epistle to the Colossians, chapter 3
Other script: церковнославянский
А́ще у́бо воскресну́сте со христо́м, вы́шних ищи́те, иде́же есть христо́с о десну́ю бо́га седя́:Mrk 16:19; Rom 8:34
го́рняя му́дрствуйте, (а) не земна́я.Php 3:20
Умро́сте бо, и живо́т ваш сокрове́н есть со христо́м в бо́зе:Rom 8:24; Gal 2:20
егда́ (же) христо́с яви́тся, живо́т ваш, тогда́ и вы с ним явите́ся в сла́ве.1Jn 3:2; Php 3:21
Умертви́те у́бо у́ды ва́шя, я́же на земли́: блуд, нечистоту́, страсть, по́хоть злу́ю и лихоима́ние, е́же есть идолослуже́ние,Eph 5:3
и́хже ра́ди гряде́т гнев бо́жий на сы́ны противле́ния,1Co 6:9
в ни́хже и вы иногда́ ходи́сте, егда́ живя́сте в них.
Ны́не же отложи́те и вы та вся: гнев, я́рость, зло́бу, хуле́ние, срамосло́вие от уст ва́ших:Rom 6:4; Eph 4:22; Heb 12:1
не лжи́те друг на дру́га, совле́кшеся ве́тхаго челове́ка с дея́ньми его́Lev 19:11; Eph 4:25
и обле́кшеся в но́ваго, обновля́емаго в ра́зум по о́бразу созда́вшаго его́,Gen 1:27; Gen 5:1; Gen 9:6; Eph 4:24
иде́же несть е́ллин, ни иуде́й, обре́зание и необре́зание, ва́рвар и скиф, раб и свобо́дь, но вся́ческая и во всех христо́с.Gal 6:15
Облецы́теся у́бо я́коже избра́ннии бо́жии, святи и возлю́бленни, во утро́бы щедро́т, благость, смиреному́дрие, кро́тость и долготерпе́ние,Eph 4:32
прие́млюще друг дру́га и проща́юще себе́, а́ще кто на кого́ и́мать порече́ние: я́коже и христо́с прости́л есть вам, та́ко и вы.Mat 6:14; Rom 13:8; Rom 15:1
Над все́ми же си́ми (стяжи́те) любо́вь, я́же есть соу́з соверше́нства:
и мир бо́жий да водворя́ется в сердца́х ва́ших, в о́ньже и зва́ни бы́сте во еди́ном те́ле: и благода́рни быва́йте.Eph 4:3; Php 4:7
Сло́во христо́во да вселя́ется в вас бога́тно, во вся́кой прему́дрости: уча́ще и вразумля́юще себе́ саме́х во псалме́х и пе́ниих и пе́снех духо́вных, во благода́ти пою́ще в сердца́х ва́ших го́сподеви.Eph 5:19
И все, е́же а́ще что творите́ сло́вом или́ де́лом, вся во и́мя го́спода иису́са христа́, благодаря́ще бо́га и отца́ тем.Heb 13:15
Жены́, повину́йтеся свои́м му́жем, я́коже подоба́ет о го́споде.Eph 5:22
Му́жие, люби́те жены́ ва́шя, и не огорча́йтеся к ним.1Pe 3:7
Ча́да, послу́шайте роди́телей (свои́х) во всем: сие́ бо уго́дно есть го́сподеви.Eph 6:1
Отцы́, не раздра́жайте чад ва́ших, да не уныва́ют.
Раби́, послу́шайте по всему́ плотски́х госпо́дий (ва́ших), не пред очи́ма то́чию рабо́тающе а́ки человекоуго́дницы, но в простоте́ се́рдца, боя́щеся бо́га.1Pe 2:18; Eph 6:5; Tit 2:9
И вся́ко, е́же а́ще что творите́, от души́ де́лайте, я́коже го́споду, а не челове́ком,
ве́дяще, я́ко от го́спода прии́мете воздая́ние достоя́ния: го́споду бо христу́ рабо́таете.
А оби́дяй восприи́мет, е́же оби́де: и несть лица́ обинове́ния.Act 10:34; Eph 6:9