Heb Hebrews, chapter Epistle to the Hebrews, chapter 13

Братолю́бие да пребыва́ет:

страннолю́бия не забыва́йте, тем бо не ве́дяще не́цыи странноприя́ша а́нгелы.Gen 18:3; Gen 19:2; Mat 25:35; Rom 12:13

Помина́йте ю́зники, а́ки с ни́ми свя́зани: озлобля́емыя, а́ки и са́ми су́ще в те́ле.

Честна́ жени́тва во всех и ло́же нескве́рно: блуднико́м же и прелюбоде́ем су́дит бог.1Co 6:15

Не сребролю́бцы нра́вом, дово́лни су́щими. Той бо рече́: не и́мам тебе́ оста́вити, ниже́ и́мам от тебе́ отступи́ти:Jos 1:5; Gen 28:15; Mat 6:34

я́ко дерза́ющым нам глаго́лати: госпо́дь мне помо́щник, и не убою́ся: что сотвори́т мне челове́к?Psa 117:6

Помина́йте наста́вники ва́шя, и́же глаго́лаша вам сло́во бо́жие: и́хже взира́юще на сконча́ние жи́телства, подража́йте ве́ре (их).1Th 5:12

Иису́с христо́с вчера́ и днесь то́йже, и во ве́ки.1Co 3:11; Rev 1:4

В науче́ния стра́нна и разли́чна не прилага́йтеся: добро́ бо благода́тию утвержда́ти сердца́, (а) не бра́шны, от ни́хже не прия́ша по́льзы ходи́вшии в них.Jhn 6:27; Eph 4:14

И́мамы (же) олта́рь, от него́же не и́мут вла́сти я́сти служа́щии се́ни.1Co 9:13

И́хже бо кровь живо́тных вно́сится во свята́я за грехи́ первосвяще́нником, сих телеса́ сжига́ются вне ста́на:Lev 16:27

те́мже иису́с, да освяти́т лю́ди свое́ю кро́вию, вне врат пострада́ти изво́лил.Mat 21:39; Mat 27:33; Rev 1:5

Те́мже у́бо да исхо́дим к нему́ вне ста́на, поноше́ние его́ нося́ще:1Pe 4:14; Heb 11:26; Heb 12:2

не и́мамы бо зде пребыва́ющаго гра́да, но гряду́щаго взыску́ем.Php 3:20; Heb 12:22

Тем у́бо прино́сим же́ртву хвале́ния вы́ну бо́гу, си́речь плод усте́н испове́дающихся и́мени его́.Psa 49:14; Psa 50:19; Hos 14:3

Благотворе́ния же и обще́ния не забыва́йте: таковы́ми бо же́ртвами благоугожда́ется бог.2Co 9:12; Php 4:18

Повину́йтеся наста́вником ва́шым и покаря́йтеся: ти́и бо бдят о душа́х ва́ших, я́ко сло́во возда́ти хотя́ще: да с ра́достию сие́ творя́т, а не воздыха́юще, несть бо поле́зно вам сие́.Ezk 33:7; Mat 25:13; Act 20:31; 1Co 4:1

Моли́теся о нас: упова́ем бо, я́ко добру́ со́весть и́мамы, во всех до́бре хотя́ще жи́ти.Act 23:1; Rom 15:30

Ли́шше же молю́, сие́ твори́те, да вско́ре устро́юся вам.

Бог же ми́ра, возведы́й из ме́ртвых па́стыря овца́м вели́каго кро́вию заве́та ве́чнаго, го́спода на́шего иису́са христа́,Isa 40:11; Zec 9:16; Jhn 10:11; Act 2:24; 1Th 1:10

да соверши́т вы во вся́цем де́ле блазе, сотвори́ти во́лю его́, творя́ в вас благоуго́дное пред ним иису́с христо́м: ему́же сла́ва во ве́ки веко́в. Ами́нь.1Pe 5:10; 2Co 3:5; 1Th 5:23

Молю́ же вы, бра́тие, приими́те сло́во утеше́ния: и́бо вма́ле написа́в посла́х вам.

Зна́йте бра́та на́шего отпуще́на тимофе́а, с ни́мже, а́ще скоре́е прии́дет, узрю́ вас.

Целу́йте вся наста́вники ва́шя и вся святы́я. Целу́ют вы и́же от итали́и су́щии.

Благода́ть со все́ми ва́ми. Ами́нь.