1Co 1 Mga Taga-Corinto, kabanata Ang Unang Sulat ni Pablo sa mga Taga-Corinto, kabanata 3
Ang Iglesya at mga Lingkod Nito
Mga kapatid, hindi ko kayo makausap noon bilang mga taong ginagabayan ng Espiritu, kundi bilang mga taong makamundo at sanggol pa sa pananampalataya kay Kristo. Eph 4:14Gatas lamang ang ibinigay ko sa inyo, hindi matigas na pagkain, sapagkat hindi pa ninyo ito kaya. Hindi pa kayo handa 1Pe 2:2dahil makamundo pa rin kayo. Nag-iinggitan at nag-aaway-away kayo. Hindi baʼt patunay ito na makamundo pa rin kayo at namumuhay ayon sa laman? Kapag sinasabi ng isa, “Kay Pablo ako,” at ang sinasabi naman ng isa, “Kay Apolos ako,” hindi baʼt para kayong mga taong makamundo?1Co 1:12
Bakit, sino nga ba si Apolos? At sino ba naman si Pablo? Kami ay mga lingkod lamang ng Diyos na ginamit niya upang sumampalataya kayo. At ang bawat isa sa amin ay gumagawa lamang ng gawaing ibinigay sa amin ng Panginoon. Rom 12:6Ako ang nagtanim, at si Apolos ang nagdilig. Ngunit ang Diyos ang siyang nagpalago. Mrk 16:20; Act 19:1Hindi ang nagtanim at ang nagdilig ang mahalaga, kundi ang Diyos na siyang nagpapalago nito. Ang nagtatanim at ang nagdidilig ay kapwa mga lingkod lamang. Ang bawat isa sa kanilaʼy tatanggap ng gantimpala ayon sa kanilang ginawa. Sapagkat kamiʼy nagtutulungang mga kamanggagawa sa paglilingkod sa Diyos. Kayoʼy bukirin ng Diyos at kayo rin ay gusali niya.Isa 5:1; Isa 61:3
At ako naman, bilang mahusay na tagapagtayo ng gusali, ang siyang naglagay ng pundasyon ayon sa kakayahang ipinagkaloob sa akin ng Diyos. Pagkatapos, iba namang manggagawa ang nagpapatuloy sa pagtatayo nito. Ngunit kailangang maging maingat ang bawat nagtatayo dahil wala nang pundasyong maaari pang ilagay maliban sa nailagay na, at itoʼy walang iba kundi si Hesu-Kristo. Isa 28:16; Eph 2:22Kung may magtatayo sa pundasyong ito gamit ang ginto, pilak, mamahaling bato, kahoy, tuyong damo o dayami, makikita kung anong klase ng trabaho ang ginawa niya sa pamamagitan ng apoy sa Araw ng Paghuhukom. Ang apoy ang magpapakita kung ano ang kalidad ng gawa ng bawat isa. Isa 48:10; 1Pe 1:7Kapag ang itinayo ay hindi nasunog, tatanggap ng gantimpala ang nagtayo. Ngunit kapag ito namaʼy nasunog, wala siyang tatanggaping gantimpala. Ganoon pa man, maliligtas siya, ngunit katulad lamang ng isang taong nakaligtas sa apoy.
Hindi ba ninyo alam na kayoʼy templo ng Diyos, at ang Espiritu ng Diyos ay naninirahan sa inyo? Jhn 14:23; Rom 8:9; 1Co 6:19; 2Co 6:16; Gal 4:6; Heb 3:6Ang sinumang wawasak sa Templo ng Diyos ay parurusahan niya, dahil banal ang Templo ng Diyos. At ang templong iyon ay walang iba kundi kayo.
Huwag ninyong dayain ang inyong sarili. Kung mayroon man sa inyong nag-aakala na siyaʼy marunong ayon sa karunungan ng mundong ito, kinakailangang tigilan na niya ang ganyang pag-iisip upang maging marunong siya. Isa 5:21Sapagkat ang karunungan ng mundo ay kamangmangan lamang sa paningin ng Diyos. Ayon nga sa Kasulatan, “Hinuhuli ng Diyos ang marurunong sa kanilang katusuhan,”3:19 Job 5:13. Job 5:13at “Alam ng Panginoon na ang mga pangangatwiran ng marurunong ay walang kabuluhan.”3:20 Salmo 94:11. Psa 94:11Kaya huwag na ninyong ipagmalaki kung sino man ang sinusundan ninyo, sapagkat ang lahat ng bagay ay sa inyo. Maging si Pablo, si Apolos, at si Pedro at pati na rin ang mundo, ang buhay at kamatayan, ang kasalukuyan at hinaharap, ang lahat ng itoʼy sa inyo. At kayo naman ay kay Kristo, at si Kristo naman ay sa Diyos.