Isa Isaias, kapitulo Ang Libro ni Isaias, kapitulo 25
Awit sa Pagdayeg sa Ginoo
Ginoo, ikaw ang akong Dios!
Dayegon ug pasidunggan ka nako
kay katingalahan gayod ang imong gipanghimo.
Tungod sa imong pagkamatinumanon
gituman mo gayod ang mga plano
nga gihimo mo niadtong unang panahon.Exo 15:2; Isa 28:29
Giguba mo ang pinarilan nga mga lungsod sa mga langyaw.
Gibungkag mo ang lig-on nga mga bahin sa ilang lungsod,
ug dili na kini mapatindog pag-usab.2Ki 19:25; Isa 26:5
Busa pasidunggan ka sa gamhanang mga katawhan,
ug tahoron sa mapintas nga mga kanasoran.Job 12:14
Ikaw ang dalangpanan sa mga kabos panahon
sa ilang kalisod ug pagpanginahanglan.
Silonganan ka panahon sa bagyo ug ting-init.
Kay ang pagsulong sa mapintas nga mga tawo
sama sa bagyo nga mohapak sa paril,Isa 4:6; Jer 16:19
ug sama sa kainit sa disyerto.
Apan gipahilom mo ang kaguliyang sa mga langyaw.
Gipahunong mo ang pagkanta sa mapintas nga mga tawo,
sama sa init nga nawala kay gitabonan sa panganod.Isa 18:4
Dinhi sa Bukid sa Zion, mangandam ang Ginoo nga Makagagahom
ug usa ka kombira alang sa tanang katawhan.
Mga lamiang pagkaon ug labing maayong ilimnon ang iyang andamon.Mat 22:2; Luk 14:16
Ug dinhi usab sa maong bukid, kuhaon niya ang kasubo25:7 kasubo: sa literal, tabon, nga gisul-ob sa mga tawo sa unang panahon sa panahon sa pagsubo.
sa mga katawhan sa tanang nasod.
Wad-on sa Ginoong Dios ang gahom sa kamatayon
ug pahiran niya ang mga luha sa tanang katawhan.
Kuhaon niya ang pagkatinamay sa iyang katawhan sa tibuok kalibotan.
Mao kini ang giingon sa Ginoo.1Co 15:54; Rev 7:17; Rev 21:4
Kon mahitabo na kini, moingon ang mga katawhan:
“Siya ang atong Dios!
Misalig kita kaniya, ug giluwas niya kita.
Siya ang Ginoo nga atong gisaligan.
Maglipay kita ug magsadya kay giluwas niya kita.”Hos 13:14; Jhn 3:36; Heb 2:14
Sa pagkatinuod, tabangan sa Ginoo kining Bukid sa Zion,
apan silotan niya ang Moab.
Tunob-tunoban niya kini sama sa dagami
nga gitunob-tunoban diha sa taehan.Isa 41:15; Zec 10:5
Maningkamot sila nga makalingkawas nianang kahimtanga
sama sa pagkapay-kapay sa tawo nga naglangoy diha sa tubig.
Apan bisan pag maayo silang molangoy,
lumsan gihapon sila sa Ginoo.
Ipaubos niya sila sa ilang pagkagarboso.
Lumpagon niya ang ilang habog ug lig-ong mga paril
hangtod nga magkatag kini sa yuta.