Psa Mga Salmo, salmo Ang Libro sa Mga Salmo, salmo 128
Ang awit samtang gatungas.
Bulahan kamong tanan nga nagtahod sa Ginoo,
ug nagkinabuhi subay sa iyang mga pamaagi.Psa 112:1
Mapahimuslan ninyo ang inyong hinagoan;
magmalipayon kamo ug magmauswagon.Gen 3:19
Ang inyong asawa
mahisama sa usa ka mabungahong ubas
diha sa inyong panimalay,
ug ang inyong mga anak magtigom libot sa inyong mga lamisa
nga daw mga saha sa kahoyng olibo.Psa 144:12
Ingon niini ang panalangin nga madawat sa mga tawo nga nagtahod sa Ginoo.Deu 28:2
Hinaut pa nga panalanginan kamo sa Ginoo
gikan sa Zion.128:5 Zion: sa Hebreo mao ang laing ngalan sa Jerusalem.
Hinaut pa nga makita ninyo
ang pag-uswag sa Jerusalem sa tibuok ninyong kinabuhi,Num 6:24
ug hinaut nga makita pa ninyo ang inyong mga apo.
Hinaut pa nga makasinati sa maayo nga kahimtang ang Israel.Psa 125:5