Psa Mga Salmo, salmo Ang Libro sa Mga Salmo, salmo 28
Awit ni David.
Ginoo, nga akong salipdanan nga bato,
nagtawag ako kanimo.
Pamatia ang akong pag-ampo!
Kay kon dili ka mamati,
mahisama ako sa mga nangamatay na.Psa 143:7
Pamatia ang akong pagpakiluoy sa pagpangayo
ug tabang kanimo,
samtang nag-atubang ako
sa imong balaan nga Templo
nga gabayaw sa akong mga kamot.Psa 4:1
Ayaw ako siloti uban sa mga daotan.
Nagpakaaron-ingnon sila nga mga higala sila,
apan diay nagplano sila ug daotan.Psa 12:2; Jer 9:8
Balosi sila sumala sa ilang mga binuhatan.
Siloti sila sa ilang daotang gipanghimo.Mat 16:27
Kay gipakawalay-bili nila ang imong gipanghimo, Ginoo,
busa laglagon mo sila sa dayon.Job 34:27; Isa 5:12
Dalaygon ka, Ginoo,
kay gidungog mo ang akong pagpakiluoy kanimo.
Ikaw ang naghatag kanako ug kusog
ug nagpanalipod kanako.28:7 nagpanalipod kanako: sa literal, akong taming.
Nagsalig ako kanimo ug gitabangan mo ako.
Busa nalipay gayod ako ug nag-awit
ug pagpasalamat kanimo.Psa 3:3
Ikaw, Ginoo, ang naghatag ug kusog
sa imong katawhan.
Gipanalipdan mo ug giluwas ang imong pinili28:8 pinili: ang buot ipasabot, hari o katawhan..Psa 27:1
Luwasa ug panalangini
ang katawhan nga imong gipanag-iyahan.
Bantayi sila
sama sa ginabuhat sa usa ka magbalantay
ngadto sa iyang mga karnero;
atimana sila
sa walay kataposan.