Zec Zacarias, kapitulo Ang Libro ni Zacarias, kapitulo 4
Ang Bulawan nga Butanganan ug Suga ug sa Duha ka Kahoyng Olibo
Mibalik ang anghel nga nakigsulti kanako ug gipukaw niya ako kay daw sa nakatulog ako. Zec 1:9Nangutana siya kanako, “Unsa ang imong nakita?”
Mitubag ako, “Nakita ko ang usa ka bulawan nga butanganan ug suga. Sa ibabaw niini adunay yahong nga butanganan ug lana nga adunay pito ka tubo alang sa pabilo sa mga suga. Exo 25:31Adunay duha ka kahoyng olibo sa matag kilid niini; ang usa sa tuo sa yahong ug ang usa sa wala.”Rev 11:4
Nangutana ako sa anghel nga nakigsulti kanako, “Unsay buot ipasabot niini, sir?”
Mitubag siya, “Wala ka ba masayod kon unsay buot ipasabot niini?”
Mitubag ako, “Wala, sir.”
Unya miingon siya kanako, “Sa dili ko pa tubagon ang imong pangutana, pamatia kining mensahe sa Ginoo nga Makagagahom ngadto kang Zerubabel:4:6 Zerubabel: gobernador sa Juda sa panahon nga gipadayon ang pagpatukod pag-usab sa templo.
“Zerubabel, mahuman mo ang pagpatukod sa templo dili pinaagi sa kusog o katakos sa tawo kondili pinaagi sa akong Espiritu.4:6 Espiritu: o espiritu; o gahom. Isa 34:16; Luk 4:18; Jhn 2:15Bisan sama kadako sa bukid ang mga babag nga imong atubangon, mapatag kana. Mahuman gayod ang templo. Ug samtang gibutang ang kataposang bato niini, mosinggit ang mga tawo, ‘Ginoo, bendisyoni kining templo!’4:7 Ginoo, bendisyoni kining templo: o Pagkatahom gayod.”Ezr 5:2; Isa 49:11; Mrk 11:9
Busa pinaagi sa anghel, miingon ang Ginoo kanako nga mahuman ang templo ubos sa pagdumala ni Zerubabel, sa samang paagi nga natukod ang pundasyon niini pinaagi usab sa iyang pagdumala. Ug kon mahitabo na kini mahibaloan ninyo nga ang Ginoo nga Makagagahom mao ang nagpadala kanako diha kaninyo. Ezr 5:2; Hag 2:19Adunay mga tawong nanaway tungod kay gamay pa lang ang nahimo sa pagtukod sa templo. Apan maglipay ra unya sila inigkakita nila nga ibutang na ni Zerubabel ang kataposan ug pinili nga bato sa templo.
Unya miingon kanako ang anghel, “Kanang pito ka suga nagrepresentar sa mata sa Ginoo nga nagtan-aw sa tibuok kalibotan.”Zec 1:16; Rev 5:6; Ezr 5:5
Nangutana ako sa anghel, “Unsa ang buot ipasabot nianang duha ka kahoyng olibo sa tuo ug sa wala nga bahin sa butanganan ug suga?Rev 11:4
“Ug unsay buot ipasabot nianang duha ka sanga sa kahoyng olibo sa isigka-kilid sa duha ka bulawan nga tubo alang sa pabilo?”
Mitubag siya, “Wala ka mahibalo kon unsa ang buot ipasabot niana?”
Mitubag ako, “Wala, sir.”
Busa miingon siya, “Nagkahulogan kana sa duha ka tawo4:14 duha ka tawo: si Josue ug si Zerubabel. nga gipili aron sa pag-alagad sa Ginoo nga naggahom sa tibuok kalibotan.”Rev 11:4; Zec 6:5; Dan 7:10