Іс Ісая, раздзел Кніга прарока Ісаі, раздзел 12
І скажаш у той дзень: слаўлю Цябе, Госпадзе; Ты гневаўся на мяне, але адвёў гнеў Твой і суцешыў мяне.
Вось, Бог - ратунак мой: спадзяюся на Яго, і не баюся; бо Гасподзь - сіла мая, і песьня мая - Гасподзь; і Ён быў мне збавеньнем.Вых 15:2; Пс 117:14
І ў радасьці будзеце чэрпаць ваду з крыніц збавеньня,Ян 4:14; Ян 7:38
і скажаце ў той дзень: слаўце Госпада, заклікайце імя Яго; абвяшчайце ў народах дзеі Яго; нагадвайце, што вялікае імя Яго;1Пар 16:8
сьпявайце Госпаду, бо Ён учыніў вялікае, - хай ведаюць гэта на ўсёй зямлі.Пс 46:7; Іс 24:14
Весяліся і радуйся, жыхарка Сіёна, бо вялікі сярод цябе Сьвяты Ізраілеў.Іс 54:1; Пс 70:22