Пс Псалтыр, псалом Псалтыр, псалом 100
Псальма Давідава.
Пра міласьць і суд буду сьпяваць: Табе, Госпадзе, буду сьпяваць.Пс 88:2
Думаць буду пра шлях беззаганны: калі прыйдзеш Ты да мяне? Буду хадзіць у беззаганнасьці сэрца майго сярод дома майго.1Цар 18:14; 1Пар 18:14
Не пакладу перад вачыма маімі непатрэбнае рэчы; дзею злачынную я ненавіджу; ня прыстане яна да мяне.Пс 138:21
Сэрца разбэшчанае будзе далёка ад мяне, ліхога я ведаць ня буду.Пс 6:9
Таго, хто таемна паклёпнічае на блізкага свайго, праганю; ганарыстага вачамі і пагардлівага сэрцам не патрываю.
Вочы мае - на верных зямлі, каб яны заставаліся пры мне; хто ходзіць дарогаю беззаганнасьці, той будзе служыць мне.Мк 3:35
Ня жыцьме ў доме маім той, хто ўчыняе падступна; і хто няпраўду гаворыць, ня стане перад вачыма маімі.
З самае раніцы буду зьнішчаць усіх бязбожных зямлі, каб выкарчаваць з горада Гасподняга ўсіх, хто злачынства ўчыняе.