Пс Псалтыр, псалом Псалтыр, псалом 36
Псальма Давідава.
Ня гневайся на злачынцаў, не зайздросьці несправядлівым,Выс 23:17; Выс 24:1
бо яны, як трава, неўзабаве скошаны будуць, і як былінка зялёная, завянуць.Пс 128:6; Іс 37:27
Спадзявайся на Госпада і рабі дабро; жыві на зямлі і праўды трымайся.
Суцяшайся Госпадам, і Ён спраўдзіць жаданьні сэрца твайго.
Госпаду перадай дарогу тваю, і на яго спадзявайся, і Ён зробіць,Пс 54:23
і выведзе, як сьвятло, праўду тваю, і справядлівасьць тваю, як полудзень.Іс 58:8
Скарыся Госпаду і на Яго спадзявайся. Не зайздросьці таму, каму шчасьціць у дарозе ягонай, чалавеку хітрамыснаму.
Перастань гневацца і пакінь запальчывасьць; ня імкніся рабіць благое,Эф 4:26
бо хто робіць благое, будзе зьнішчаны, а хто спадзяецца на Госпада, зямлю ўспадкуе.Іс 34:17
Яшчэ трохі, і злачынца ня стане; паглядзіш на месца ягонае, і няма яго.
А пакорныя зямлю ўспадкуюць, і ўраскошуюцца спакоем вялікім.Мц 5:5
Бязбожны зло намышляе супроць праведніка і скрыгоча на яго зубамі сваімі;
а Гасподзь пасьміхаецца зь яго; бо бачыць, што прыходзіць дзень ягоны.
Бязбожныя вымаюць меч і напінаюць лук свой, каб паваліць беднага і ўбогага, каб зваліць тых, у каго дарога простая:
меч іхні ўвойдзе ў іхняе сэрца, і лукі іхнія паламаюцца.
Лепш - малое ў праведніка, чым багацьце - у многіх бязбожнікаў,Мк 8:8
бо зламаюцца плечы ў бязбожных, а праведных сіліць Гасподзь!Ер 48:25
Гасподзь ведае дні беззаганных і дастатак іхні застаецца навечна.
Ня будуць яны пасаромлены ў люты час, і ў дні голаду сытыя будуць;Ёў 5:20; Пс 32:19
а бязбожныя загінуць, і ворагі Гасподнія, як авечы лой, зьнікнуць, у дыме зьнікнуць.Пс 67:3
Пазычае бязбожны - і не аддае, а праведны ўмілажальваецца і дае,
бо ўміласлаўленыя Ім - зямлю ўспадкуюць, а праклятыя Ім - будуць вынішчаны.Пс 24:13; Выс 2:21
Ад Госпада крокі чалавека пабожнага ставяцца моцна, і Ён дабраволіць дарозе ягонай:
калі ён будзе падаць, не ўпадзе, бо Гасподзь падтрымлівае яго за руку.Пс 144:14; Выс 24:16
Я быў малады і састарыўся, а ня бачыў праведніка пакінутага, і нашчадкаў яго, каб хлеба прасілі:
ён кожны дзень шкадуе і пазычае, і нашчадкам ягоным - дабраславеньне будзе.Пс 111:5
Ухіляйся ад благога, і рабі дабро, і жыць будзеш вечна:Пс 33:15; Іс 1:16
бо і Гасподзь любіць праўду, і не пакідае богабаязных Сваіх; навек ацалёныя будуць яны; а насеньне бязбожных вынішчыцца.3Цар 8:57
Праведныя ўспадкуюць зямлю, і будуць жыць на ёй вечна.Мц 5:5
Вусны праведніка мудрасьць маўляюць, і язык ягоны вымаўляе праўду.Выс 10:31; Мц 12:35
Закон Божы ў сэрцы ў яго; не пахіснуцца ногі ягоныя.Іс 51:7
Бязбожны падглядвае праведніка і спрабуе забіць яго;Пс 11:9; Мк 3:2
але Гасподзь не аддасьць яго ў рукі ягоныя, і ня дасьць зьвінаваціць яго, калі яго будуць судзіць.
Спадзявайся на Госпада, і трымайся дарогі Ягонай: і Ён падыме цябе, каб ты зямлю ўспадкаваў; і калі будуць зьнішчаць бязбожных, ты ўбачыш.
Бачыў я бязбожніка грознага, які разгаліноўваўся, нібы самарослае расахатае дрэва;Пс 72:6; Езк 31:3
але ён прайшоў, і вось, няма яго; шукаю яго і не знаходжу.Ёў 4:20; Ёў 5:3; Ёў 20:7
Назірай за беспахібным і дзівіся на праведнага; бо чалавеку міралюбнаму - будучыня;Быц 39:8; Лк 16:25; Рым 2:10
а беззаконьнікі ўсе вынішчацца; будучыня беззаконьнікаў зьнікне.
Ад Госпада выратаваньне праведнікам, Ён - абарона ім у часіны жальбы:Эст 8:16; Пс 45:2
і дапаможа ім Гасподзь і вызваліць іх; выбавіць іх ад бязбожных і ўратуе іх, бо яны на Яго надзею кладуць.Дан 6:23