Пс Псалтыр, псалом Псалтыр, псалом 63
Кіроўцу хору. Псальма Давідава.
Пачуй, Божа, голас мой у малітве маёй; ад страху ворага душу маю аслані.
Ахавай мяне ад намыслаў падступных, ад бунту злыдняў,
якія язык свой навастрылі, як меч; напнулі лук свой - слова зьедлівае,Пс 54:22; Пс 58:8; Ер 9:3
каб употай страляць у беззаганнага; яны зьнянацку страляюць па ім, і не баяцца.
Яны ўмацавалі сябе ў намеры ў ліхім; змовіліся таемна сеткі паставіць; казалі: хто іх убачыць?Ёў 22:13; Ёў 24:15
Яны крыўды шукаюць, віжуюць і сочаць і падкопваюцца да нутра чалавечага і да глыбіняў сэрца.Ер 17:9
Але Бог паб'е іх стралою: зьнянацку будуць яны пацэлены.
Языком сваім яны заб'юць самі сябе; усе, хто іх бачыць, адыдуць ад іх.Пс 7:16
І збаяцца ўсе людзі, і абвесьцяць дзею Божую, і зразумеюць, што гэта дзея Яго.Вых 8:19; Эст 8:17
А праведны ўзьвесяліцца ў Богу і на Яго спадзявацца будзе; і пахвалены будуць усе справядлівыя сэрцам!Пс 31:11