1Co 1 Corinthians, chapter First Epistle to the Corinthians, chapter 5

Other script: церковнославянский

Translations Compare

Отню́д слы́шится в вас блуже́ние, и таково́ блуже́ние, яково́же ни во язы́цех имену́ется, я́ко не́коему име́ти жену́ о́тчую.Lev 18:8

И вы разгорде́сте, и не па́че пла́касте, да и́змется от среды́ вас соде́явый де́ло сие́.

Зане́ аз у́бо а́ще не у вас сый те́лом, ту же живы́й ду́хом, уже́ суди́х, я́ко та́мо сый: соде́явшаго си́це сие́,Col 2:5

о и́мени го́спода на́шего иису́са христа́ собра́вшымся вам и моему́ ду́ху, с си́лою го́спода на́шего иису́са христа́,

преда́ти такова́го сатане́ во изможде́ние пло́ти, да дух спасе́тся в день го́спода на́шего иису́са христа́.Psa 108:6; 1Ti 1:20

Не добра́ похвала́ ва́ша. Не ве́сте ли, я́ко мал квас все смеше́ние ква́сит?1Co 15:33; Gal 5:9; 2Ti 2:17

Очи́стите у́бо ве́тхий квас, да бу́дете но́во смеше́ние, я́коже есте́ безква́сни: и́бо па́сха на́ша за ны пожре́н бысть христо́с.Isa 53:7

Те́мже да пра́зднуем не в ква́се ве́тсе, ни в ква́се зло́бы и лука́вства, но в безква́сиих чистоты́ и и́стины.

Писа́х вам в посла́нии не примеша́тися блуднико́м:

и не вся́ко блуднико́м ми́ра сего́, или́ лихои́мцем, или́ хи́щником, или́ идолослужи́телем, поне́же у́бо до́лжни бы есте́ бы́ли от ми́ра (сего́) изы́ти:

ны́не же писа́х вам не примеша́тися, а́ще не́кий, брат имену́емь, бу́дет блудни́к, или́ лихои́мец, или́ идолослужи́тель, или́ досади́тель, или́ пия́ница, или́ хи́щник: с таковы́м ниже́ я́сти.Mat 18:17; Rom 16:17; 2Th 3:14

Что бо ми и вне́шних суди́ти? Не вну́тренних ли вы су́дите?

Вне́шних же бог су́дит. И изми́те зла́го от вас саме́х.