Luk Luke, chapter The Gospel According to Luke, chapter 3
Other script: церковнославянский
В пя́тое же на́десяте ле́то влады́чества тиве́риа ке́саря, облада́ющу понти́йскому пила́ту иуде́ею, и четвертовла́ствующу галиле́ею и́роду, фили́ппу же бра́ту его́ четвертовла́ствующу итуре́ею и трахони́тскою страно́ю, и лиса́нию авилини́ею четвертовла́ствующу,
при архиере́и а́нне и каиа́фе, бысть глаго́л бо́жий ко иоа́нну заха́риину сы́ну в пусты́ни.
И прии́де во всю страну́ иорда́нскую, пропове́дая креще́ние покая́ния во оставле́ние грехо́в:Mat 3:1; Mrk 1:4
я́коже есть пи́сано в кни́зе слове́с иса́ии проро́ка, глаго́люща: глас вопию́щаго в пусты́ни: угото́вайте путь го́сподень: пра́вы твори́те стези́ его́:Mat 3:3; Mrk 1:3; Jhn 1:23
вся́ка дебрь испо́лнится, и вся́ка гора́ и холм смири́тся: и бу́дут стро́потная в пра́вая, и о́стрии в пути́ гла́дки:
и у́зрит вся́ка плоть спасе́ние бо́жие.Isa 40:3
Глаго́лаше же исходя́щым наро́дом крести́тися от него́: порожде́ния ехи́днова, кто сказа́ вам бежа́ти от гряду́щаго гне́ва?Mat 3:7
Сотвори́те у́бо плоды́ досто́ины покая́ния: и не начина́йте глаго́лати в себе́: отца́ и́мамы авраа́ма: глаго́лю бо вам, я́ко мо́жет бог от ка́мения сего́ воздви́гнути ча́да авраа́му.Mat 3:9; Mat 8:11; Jhn 8:39
Уже́ бо и секи́ра при ко́рени дре́ва лежи́т: вся́ко у́бо дре́во, не творя́щее плода́ добра́, посека́ется и во огнь вмета́ется.Mat 3:10; Mat 7:19; Jhn 15:6
И вопроша́ху его́ наро́ди, глаго́люще: что у́бо сотвори́м?
Отвеща́в же глаго́ла им: име́яй две ри́зе, да пода́ст не иму́щему: и име́яй бра́шна, та́кожде да твори́т.Jas 2:15; 1Jn 3:17; 2Co 8:14
Приидо́ша же и мы́тари крести́тися от него́, и ре́ша к нему́: учи́телю, что сотвори́м?Mat 21:32
Он же рече́ к ним: ничто́же бо́лее от повеле́ннаго вам твори́те.
Вопроша́ху же его́ и во́ини, глаго́люще: и мы что сотвори́м? И рече́ к ним: ни кого́же оби́дите, ни оклеветава́йте: и дово́лни бу́дите обро́ки ва́шими.
Ча́ющым же лю́дем, и помышля́ющым всем в сердца́х свои́х о иоа́нне, еда́ той есть христо́с,
отвещава́ше иоа́нн всем, глаго́ля: аз у́бо водо́ю креща́ю вы: гряде́т же кре́плий мене́, ему́же несмь досто́ин отреши́ти реме́нь сапогу́ его́: той вы крести́т ду́хом святы́м и огне́м:Mat 3:11; Mrk 1:7; Jhn 1:15; Act 1:5
ему́же лопа́та в руку́ его́, и отреби́т гумно́ свое́, и собере́т пшени́цу в жи́тницу свою́, пле́вы же сожже́т огне́м негаса́ющим.Mat 3:12
Мно́га же у́бо и и́на, утеша́я благовествова́ше лю́дем.
И́род же четвертовла́стник, облича́ем от него́ о иродиа́де жене́ бра́та своего́, и о всех, я́же сотвори́ зла́я и́род,Mat 14:3; Mrk 6:17
приложи́ и сие́ над все́ми, и затвори́ иоа́нна в темни́це.
Бысть же егда́ крести́шася вси лю́дие, и иису́су крещшуся и моля́щуся, отве́рзеся не́бо,Mat 3:16; Mrk 1:10; Jhn 1:32
и сни́де дух святы́й теле́сным о́бразом, я́ко го́лубь, нань: и глас с небесе́ бысть, глаго́ля: ты еси́ сын мой возлю́бленный, о тебе́ благоволи́х.
И той бе иису́с я́ко лет три́десять начина́я, сый, я́ко мнимь, сын ио́сифов, или́ев,Mat 13:55; Mrk 6:3; Luk 4:22; Jhn 6:42
матфа́тов, леви́ин, мелхи́ин, ианна́ев, ио́сифов,
маттафи́ев, амо́сов, нау́мов, если́мов, нагге́ов,
маа́фов, маттафи́ев, семеи́ев, ио́сифов, иу́дин,
иоа́ннанов, риса́ев, зорова́велев, салафии́лев, нири́ев,
мелхи́ев, адди́ев, коса́мов, елмода́мов, и́ров,
иоси́ев, елиезе́ров, иори́мов, матфа́тов, леви́ин,
симео́нов, иу́дин, ио́сифов, иона́нов, елиаки́мов,
мелеа́ев, маина́нов, маттафа́ев, нафа́нов, дави́дов,
иессе́ов, ови́дов, воо́зов, салмо́нов, наассо́нов,
аминада́вов, ара́мов, есро́мов, фаре́сов, иу́дин,
иа́ковль, исаа́ков, авраа́мов, фа́рин, нахо́ров,Gen 11:24
серу́хов, рага́вов, фале́ков, еве́ров, сала́нов,Gen 11:20
каина́нов, арфакса́дов, си́мов, но́ев, ла́мехов,Gen 5:28; Gen 6:10; Gen 11:10
мафуса́лев, ено́хов, иа́редов, малелеи́лов, каина́нов,Gen 5:12
ено́сов, си́фов, ада́мов, бо́жий.Gen 5:3