Pro Mga Panultihon, kapitulo Ang Libro sa Mga Panultihon, kapitulo 14
Ang maalamon nga asawa
mopalig-on sa iyang panimalay,
apan ang buang-buang nga asawa
moguba sa iyang panimalay.Pro 12:4; Pro 24:3
Ang tawo nga nagkinabuhi nga matarong nagtahod sa Ginoo,
apan kadtong wala nagkinabuhi nga matarong nagtamay kaniya.Job 12:24
Ang mga pulong sa tawong buang-buang
magpasakit kaniya,
apan ang mga pulong sa tawong maalamon
magtipig kaniya.Jas 3:5; Pro 12:6
Kon wala kay mananap nga igdadaro wala kay maani,
apan kon aduna kay mananap, ug kusgan pa,
daghan kag maani.
Ang masaligan nga saksi nagsulti sa tinuod,
apan ang bakakon dili masaligan.Exo 23:1; Pro 12:17
Ang tawong bugal-bugalon dili gayod makaangkon
ug kaalam bisan unsaon ug paningkamot,
apan ang tawo nga adunay pagsabot dali rang makakat-on.
Likayi ang mga buang-buang
kay wala kay maayong makat-onan gikan kanila.
Ang kaalam sa tawong kahibalo
motimbang-timbang kon unsay maayo
o dili maoy naghatag kaniyag kahibalo
kon unsay angay niyang buhaton,
apan ang kabuang sa tawong buang-buang maoy
magpahisalaag kaniya.Psa 139:24
Daw sa wala lang sa mga buang-buang kon makasala sila,
apan niadtong mga matarong nga nagkinabuhi sa ensakto,
gusto nila nga dawaton sila sa Dios.
Ikaw ray nasayod kon unsa ka kamalipayon
o kon unsa ka kamasulob-on.
Laglagon ang panimalay
niadtong mga daotan,
apan pauswagon ang panimalay
niadtong nagkinabuhi sa ensakto.Pro 12:7
Tingali naghuna-huna ka
nga nagsubay ka sa ensaktong dalan,
apan padulong diay kini sa kalaglagan.Pro 16:25
Matago ang imong kasubo pinaagi sa pagkatawa,
apan human sa katawa anaa ra gihapon ang kasubo.
Anaa gayoy balos sa binuhatan sa tawo,
maayo man o daotan.Isa 3:10
Bisag unsa ray tuohan sa tawong walay alamag;
apan ang tawong kahibalo motimbang-timbang
kon unsay husto o dili ba kaha nagmatngon
sa iyang mga lakang.Rom 16:18; 1Jn 4:1
Ang tawong maalamon nag-amping sa iyang kaugalingon
ug naglikay sa kasamok;
apan ang buang-buang danghag
ug walay pagpugong sa kaugalingon.Psa 111:10
Ang tawong dali rang masuko makabuhat ug kabuang.
Ang tawong naglaraw ug daotan kapungtan.14:17 kapungtan: o kapungtan sa uban.Pro 12:16
Makita ang kabuang sa tawong walay alamag,
apan makita gayod nga adunay kaalam
ang tawong mahibalo motimbang-timbang
kon unsay husto o dili.Eph 5:15
Ang mga daotan moluhod
ug magpakiluoy sa mga matarong.Isa 60:14
Wala kaayoy makighigala sa mga kabos,
bisan gani ang ilang mga isigka-ingon,
apan ang mga adunahan daghag higala.Pro 19:7
Makasala ang tawo nga nagtamay
sa iyang isigka-tawo nga kabos,
apan bulahan ang tawo nga maayo sa mga kabos.Psa 41:1; Mat 5:7
Makasala ka kon magplano kag daotan
sa imong isigka-tawo,
apan kon magplano kag maayo,
adunay mga tawo nga maghigugma ug mounong kanimo.
Ang pagtrabaho ug maayo anaay pulos,
apan kon pulos ra istorya mapobre ang tawo.Pro 12:11
Ang balos nga madawat sa mga maalamon mao
ang ilang bahandi,
apan ang kabuang sa mga buang-buang
moanig dugang pang kabuang.Pro 10:16; Pro 27:22
Ang saksi nga nagsugilon sa tinuod makaluwas
sa kinabuhi sa tawo,
apan ang magsaksig bakak usa ka maluibon.Pro 12:17
Ang pagtahod sa Ginoo maghatag ug siguridad
ug kalig-on ngadto sa tawo ug sa ilang mga anak.Pro 18:10
Ang pagtahod sa Ginoo makaayo
ug mopalugway sa imong kinabuhi,14:27 makaayo…kinabuhi: sa literal, tuboran nga naghatag sa kinabuhi.
ug makapalikay kanimo sa kamatayon.Pro 10:17; Pro 10:27; 2Sa 22:6
Ang pagkagamhanan sa hari
nagdepende sa kadaghan sa iyang katawhan;
kon wala ang iyang katawhan mapukan ang hari.
Ang tawong mapailubon maalamon gayod,
apan ang tawo nga daling masuko nagpakita
sa iyang pagkabuang-buang.Pro 19:11
Ang malinawong huna-huna makaayo sa lawas,
apan ang kasina sama sa sakit
nga mokutkot sa kabukogan.
Ang nagpaantos sa mga kabos
nagtamay sa Dios nga naghimo kanila,
apan ang maluloy-on sa mga kabos
nagpasidungog sa Dios.Pro 17:5; Mat 25:36
Laglagon ang mga daotan
tungod sa ilang daotang mga binuhatan,
apan panalipdan niya ang mga matarong
tungod sa ilang pagkadiosnon.14:32 tungod sa ilang pagkadiosnon: mao kini sa Septuagint ug sa Syriac; apan sa Hebreo, bisan sa ilang kamatayon.Job 21:17; Psa 73:18; Psa 112:8
Ang kaalam anaa sa huna-huna sa tawong
adunay pagsabot,
apan ang mga buang-buang
walay14:33 walay: wala kini sa Hebreo, apan anaa sa Septuagint ug sa Syriac. nahibaloan bahin sa kaalam.
Mouswag ang usa ka nasod
kon ang mga lumulupyo niini magkinabuhi nga matarong;
apan kon magpakasala sila, maulawan ang ilang nasod.Pro 11:11
Makapalipay sa hari ang maalamon nga sulugoon,
apan kapungtan niya ang sulugoon