1Кар 1 Карынфянам, раздзел Першае пасланне да Карынфян, раздзел 16
А зьбіраючы для сьвятых, рабеце так, як я ўстанавіў у цэрквах Галятыйскіх;Рым 12:13
у першы дзень тыдня кожны з вас хай адкладвае ў сябе і ашчаджае, колькі дазваляе яму дастатак, каб не рабіць збораў, калі я прыйду.
А як прыйду, дык, каго вы выбераце, тых пашлю зь пісьмамі, каб даставілі ваш дар у Ерусалім.2Кар 8:19
А калі і мне прыстойна будзе выправіцца, дык яны са мною пойдуць.
Я прыйду да вас, калі прайду Македонію; бо я іду цераз Македонію.
А ў вас, можа стацца, пажыву, або і перазімую, каб вы мяне правялі, куды пайду.
Бо я не хачу бачыцца з вамі цяпер мімаходзь, а спадзяюся прабыць у вас колькі часу, калі Гасподзь дазволіць.Як 4:15; 1Кар 4:19
А ў Эфэсе я прабуду да Пяцідзясятніцы,
бо мне адчынены вялікія і шырокія дзьверы, і праціўнікаў многа.
Калі ж прыйдзе да вас Цімафей, глядзеце, каб ён быў у вас убясьпечаны; бо ён чыніць справу Гасподнюю, як і я.
Таму хай ніхто ім не пагардзіць, а праводзьце яго зь мірам, каб ён прыйшоў да мяне; бо я чакаю яго з братамі.
А што да брата Апалоса, я вельмі прасіў яго, каб ён з братамі пайшоў да вас; але ён ніяк не хацеў ісьці сёньня, а прыйдзе, калі яму будзе спорна.
Чувайце, стойце ў веры, будзьце мужныя, цьвёрдыя;Мц 24:42; 1Пётр 5:8; Адкр 3:11; Адкр 3:20
усё ў вас няхай будзе зь любоўю.
Прашу вас, браты, вы ведаеце, сямейства Сьцяпанавае, што яно ёсьць пачатак Ахаіі, і што яны прысьвяцілі сябе служэньню сьвятым;1Кар 1:16
будзьце ж і вы пачцівыя да такіх і да кожнага, хто пасабляе і працуе.
Я рады прыходу Сьцяпана, Фартуната і Ахаіка: яны бо адшкадавалі мне вашу адсутнасьць,
бо яны мой і ваш дух супакоілі. Шануйце такіх.
Вітаюць вас цэрквы Асійскія; вітаюць вас рупліва ў Госпадзе Акіла і Прыскіла з хатняю іхняю царквою.2Цім 4:19
Вітаюць вас, усе браты. Вітайце адзін аднаго сьвятым цалаваньнем.1Пётр 5:14; Рым 16:16; 2Кар 13:12
Маё Паўлава вітаньне сваёю рукою.
Хто ня любіць Госпада Ісуса Хрыста, анафэма; маранафа.
Мілата Госпада нашага Ісуса Хрыста з вамі,
і любоў мая з усімі вамі ў Хрысьце Ісусе. Амін.