Пс Псалми, псалом Книга Псалмів, псалом 111

А҆ллилꙋ́їа, ѱало́мъ

Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀.Пс 1:1

Си́льно на землѝ бꙋ́детъ сѣ́мѧ є҆гѡ̀, ро́дъ пра́выхъ бл҃гослови́тсѧ:Пр 20:7

Сла́ва и҆ бога́тство въ домꙋ̀ є҆гѡ̀, и҆ пра́вда є҆гѡ̀ пребыва́етъ въ вѣ́къ вѣ́ка.Пс 33:10

Возсїѧ̀ во тмѣ̀ свѣ́тъ пра̑вымъ: млⷭ҇тивъ и҆ ще́дръ и҆ првⷣнъ.Вих 10:23; Ест 8:16

Бл҃гъ мꙋ́жъ ще́дрѧ и҆ даѧ̀: ѹ҆стро́итъ словеса̀ своѧ̑ на сꙋдѣ̀, ꙗ҆́кѡ въ вѣ́къ не подви́житсѧ.Пс 36:26

Въ па́мѧть вѣ́чнꙋю бꙋ́детъ првⷣникъ.Пр 10:7

Ѿ слꙋ́ха ѕла̀ не ѹ҆бои́тсѧ:Сир 34:16

Гото́во се́рдце є҆гѡ̀ ѹ҆пова́ти на гдⷭ҇а: ѹ҆тверди́сѧ се́рдце є҆гѡ̀, не ѹ҆бои́тсѧ, до́ндеже воззри́тъ на врагѝ своѧ̑.Пр 4:23

Расточѝ, дадѐ ѹ҆бѡ́гимъ: пра́вда є҆гѡ̀ пребыва́етъ во вѣ́къ вѣ́ка: ро́гъ є҆гѡ̀ вознесе́тсѧ въ сла́вѣ.Пс 36:26; 2Кор 9:9

Грѣ́шникъ ѹ҆́зритъ и҆ прогнѣ́ваетсѧ зꙋбы̀ свои́ми поскреже́щетъ и҆ раста́етъ: жела́нїе грѣ́шника поги́бнетъ.Пс 34:16; Пс 36:12