Мф Матфея, глава От Матфея святое благовествование, глава 3

Другое письмо: церковнославянский

Переводы Сравнить

Во дни же о́ны прии́де иоа́нн крести́тель, пропове́дая в пусты́ни иуде́йстейМк 1:4; Лк 3:3; Ин 1:28; Деян 13:24

и глаго́ля: пока́йтеся, прибли́жибося ца́рствие небе́сное.

Сей бо есть рече́нный иса́ием проро́ком, глаго́лющим: глас вопию́щаго в пусты́ни: угото́вайте путь го́сподень, пра́вы твори́те стези́ его́.Ис 40:3; Мк 1:3; Лк 3:4; Ин 1:23

Сам же иоа́нн имя́ше ри́зу свою́ от влас велблу́ждь, и по́яс усме́н о чресле́х свои́х: снедь же его́ бе пру́жие и мед ди́вий.Мк 1:6

Тогда́ исхожда́ше к нему́ иерусали́ма, и вся иуде́а, и вся страна́ иорда́нская,

и креща́хуся во иорда́не от него́, испове́дающе грехи́ своя́.

Ви́дев же (иоа́нн) мно́ги фарисе́и и саддуке́и гряду́щыя на креще́ние его́, рече́ им: рожде́ния ехи́днова, кто сказа́ вам бежа́ти от бу́дущаго гне́ва?Мф 23:33; Лк 3:7

сотвори́те у́бо плод досто́ин покая́ния,

и не начина́йте глаго́лати в себе́: отца́ и́мамы авраа́ма: глаго́лю бо вам, я́ко мо́жет бог от ка́мения сего́ воздви́гнути ча́да авраа́му:Ин 8:39; Деян 13:26

уже́ бо и секи́ра при ко́рени дре́ва лежи́т: вся́ко у́бо дре́во, е́же не твори́т плода́ добра́, посека́емо быва́ет и во огнь вмета́емо:Мф 7:19

аз у́бо креща́ю вы водо́ю в покая́ние: гряды́й же по мне кре́плий мене́ есть, ему́же несмь досто́ин сапоги́ понести́: той вы крести́т ду́хом святы́м и огне́м:Мк 1:8; Лк 3:16; Ин 1:26; Деян 1:5; Деян 2:2

ему́же лопа́та в руце́ его́, и отреби́т гумно́ свое́, и собере́т пшени́цу свою́ в жи́тницу, пле́вы же сожже́т огне́м негаса́ющим.Лк 3:17

Тогда́ прихо́дит иису́с от галиле́и на иорда́н ко иоа́нну крести́тися от него́.Мк 1:9; Лк 3:21

Иоа́нн же возбраня́ше ему́, глаго́ля: аз тре́бую тобо́ю крести́тися, и ты ли гряде́ши ко мне?

Отвеща́в же иису́с рече́ к нему́: оста́ви ны́не: та́ко бо подоба́ет нам испо́лнити вся́ку пра́вду. Тогда́ оста́ви его́.

И крести́вся иису́с взы́де а́бие от воды́: и се, отверзо́шася ему́ небеса́, и ви́де ду́ха бо́жия сходя́ща я́ко го́лубя и гряду́ща на него́.Мк 1:10; Лк 3:21; Ин 1:32

И се, глас с небесе́ глаго́ля: сей есть сын мой возлю́бленный, о не́мже благоволи́х.Мк 1:11; Лк 3:22; Ин 5:37; 2Петр 1:17; Кол 1:13