Мф Матфея, глава От Матфея святое благовествование, глава 11
Другое письмо: церковнославянский
И бысть, егда́ соверши́ иису́с, запове́дая обемана́десяте ученико́ма свои́ма, пре́йде отту́ду учи́ти, и пропове́дати во гра́дех их.
Иоа́нн же слы́шав во узи́лищи дела́ христо́ва, посла́ два от учени́к свои́х,Лк 7:18
Рече́ ему́: ты ли еси́ гряды́й, или́ ино́го ча́ем?Втор 18:15
И отвеща́в иису́с рече́ им: ше́дша возвести́та иоа́ннови, я́же слы́шита и ви́дита.
Слепи́и прозира́ют, и хро́мии хо́дят: прокаже́ннии очища́ются, и глуси́и слы́шат: ме́ртвии востаю́т, и ни́щии благовеству́ют.Ис 29:18; Ис 35:5
И блаже́н есть, и́же а́ще не соблазни́тся о мне.
Те́ма же исходя́щема, нача́т иису́с наро́дом глаго́лати о иоа́нне: чесо́ изыдо́сте в пусты́ню ви́дети? трость ли ве́тром коле́блему?
Но чесо́ изыдо́сте ви́дети? челове́ка ли в мя́кки ри́зы облече́нна? се и́же мя́ккая нося́щии, в доме́х царских суть.
Но чесо́ изыдо́сте ви́дети? проро́ка ли? ей глаго́лю вам, и ли́шше проро́ка.
Сей бо есть, о не́мже есть пи́сано: се аз посыла́ю а́нгела моего́ пред лице́м твои́м, и́же угото́вит путь твой пред тобо́ю.Мал 3:1; Мк 1:2; Лк 7:27
Ами́нь глаго́лю вам, не воста́ в рожде́нных жена́ми бо́лий иоа́нна крести́теля: мний же во ца́рствии небе́снем, бо́лий его́ есть.
От дней же иоа́нна крести́теля досе́ле, ца́рствие небе́сное ну́дитсяс ну́ждею восприе́млется, и ну́ждницы восхища́ют е.Лк 16:16
Вси бо проро́цы и зако́н до иоа́нна прореко́ша.
И а́ще хо́щете прия́ти, той есть илиа́ хотя́й приити́.Мал 4:5
Име́яй у́ши слы́шати, да слы́шит.
Кому́ же уподо́блю род сей? подо́бен есть де́тем, седя́щым на то́ржищах, и возглаша́ющым друго́м свои́м,Лк 7:31
И глаго́лющым: писка́хом вам, и не пляса́сте: пла́кахом вам, и не рыда́сте.
Прии́де бо иоа́нн, ни яды́й, ни пия́, и глаго́лют: бе́са и́мать.
Прии́де сын челове́ческий, яды́й и пия́й, и глаго́лют: се челове́к я́дца и винопи́йца, мытаре́м друг и гре́шником. и оправди́ся прему́дрость от чад свои́х.Лк 7:34
Тогда́ нача́т иису́с поноша́ти градово́м, в ни́хже бы́ша мно́жайшыя си́лы его́, зане́ не пока́яшася.
Го́ре тебе́ хорази́не, го́ре тебе́ вифсаи́до: я́ко а́ще в ти́ре и сидо́не бы́ша си́лы бы́ли бы́вшыя в вас, дре́вле у́бо во вре́тищи и пе́пеле пока́ялися бы́ша.Лк 10:13
Оба́че глаго́лю вам: ти́ру и сидо́ну отра́днее бу́дет в день су́дный, не́же вам.
И ты капернау́ме, и́же до небес вознесы́йся, до а́да сни́деши: зане́ а́ще в содо́мех бы́ша си́лы бы́ли бы́вшыя в тебе́, пребы́ли у́бо бы́ша до дне́шняго дне.
Оба́че глаго́лю вам, я́ко земли́ содо́мстей отра́днее бу́дет в день су́дный, не́же тебе́.
В то вре́мя отвеща́в иису́с, рече́: испове́даю ти ся о́тче, го́споди небесе́ и земли́, я́ко утаи́л еси́ сия́ от прему́дрых и разу́мных, и откры́л еси́ та младе́нцем.Пс 8:3; Лк 10:21; 1Кор 1:27; 1Кор 11:3
Ей, о́тче, я́ко та́ко бысть благоволе́ние пред тобо́ю.
Вся мне предана́ суть отце́м мои́м, и никто́же зна́ет сы́на, то́кмо оте́ц: ни отца́ кто зна́ет, то́кмо сын, и ему́же а́ще во́лит сын откры́ти.Мф 16:17; Ин 3:35; Ин 6:46
Прииди́те ко мне вси тружда́ющиися и обремене́ннии, и аз упоко́ю вы.
Возми́те и́го мое́ на себе́, и научи́теся от мене́, я́ко кро́ток есмь и смире́н се́рдцем, и обря́щете поко́й душа́м ва́шым.Иер 6:16
И́го бо мое́ бла́го, и бре́мя мое́ легко́ есть.1Ин 5:3