Мф Матфея, глава От Матфея святое благовествование, глава 18
Другое письмо: церковнославянский
В той час приступи́ша ученицы́ ко иису́су, глаго́люще: кто у́бо бо́лий есть в ца́рствии небе́снем?
И призва́в иису́с отроча́, поста́ви е посреде́ их,Мк 9:36
И рече́: ами́нь глаго́лю вам, а́ще не обратите́ся, и бу́дете я́ко де́ти, не вни́дете в ца́рство небе́сное.
И́же бо смири́тся я́ко отроча́ сие́, той есть бо́лий во ца́рствии небе́снем.Мк 10:14; 1Кор 14:20
И и́же а́ще прии́мет отроча́ таково́ во и́мя мое́, мене́ прие́млет.
А и́же а́ще соблазни́т еди́наго ма́лых сих ве́рующих в мя, у́не есть ему́, да обе́сится же́рнов осе́льский на вы́и его́, и пото́нет в пучи́не морсте́й.Мк 9:42; Лк 17:1
Го́ре ми́ру от собла́зн: ну́жда бо есть приити́ собла́зном. оба́че го́ре челове́ку тому́, и́мже собла́зн прихо́дит.1Кор 11:19
А́ще ли рука́ твоя́, или́ нога́ твоя́ соблажня́ет тя, отсецы́ ю, и ве́рзи от себе́: добре́йше ти есть вни́ти в живо́т хро́му или́ бе́днубез руки́, не́жели две ру́це, и две но́зе иму́щу, вве́ржену бы́ти во огнь ве́чный.Мк 9:43
И а́ще о́ко твое́ соблажня́ет тя, изми́ е, и ве́рзи от себе́: добре́йше ти есть со еди́нем о́ком в живо́т вни́ти, не́же две о́це иму́щу, вве́ржену бы́ти в гее́нну о́гненную.Втор 13:6; Мф 5:29
Блюди́те, да не пре́зрите еди́наго (от) ма́лых сих: глаго́лю бо вам, я́ко а́нгели их на небесе́х вы́ну ви́дят лице́ отца́ моего́ небе́снаго.Быт 19:16; Пс 33:8; Евр 1:14
Прии́де бо сын челове́ческий взыска́ти и спасти́ поги́бшаго.Мф 10:6; Лк 9:56
Что вам мни́тся: а́ще бу́дет не́коему челове́ку сто ове́ц, и заблу́дит еди́на от них: не оста́вит ли де́вятьдесят и де́вять в гора́х, и шед и́щет заблу́ждшия?Лк 15:4
И а́ще бу́детприключи́тся обрести́ ю, ами́нь глаго́лю вам, я́ко ра́дуется о ней па́че, не́же о девяти́десятих и девяти́ незаблу́ждших.
Та́ко несть во́ля пред отце́м ва́шим небе́сным, да поги́бнет еди́н от ма́лых сих.
А́ще же согреши́т к тебе́ брат твой, иди́ и обличи́ его́ между́ тобо́ю и тем еди́нем. а́ще тебе́ послу́шает, приобре́л еси́ бра́та твоего́.Лев 19:17; Лк 17:3; Иак 5:19
А́ще ли тебе́ не послу́шает, пойми́ с собо́ю па́ки еди́наго или́ два, да при усте́х двою́ или́ трие́х свиде́телей ста́нет всяк глаго́л.Втор 17:6; Втор 19:15; Ин 8:17; 2Кор 13:1; Евр 10:28
А́ще же не послу́шает их, пове́ждь це́ркви: а́ще же и це́рковь преслу́шает, бу́ди тебе́ я́коже язы́чник и мыта́рь.
Ами́нь бо глаго́лю вам: ели́ка а́ще свя́жете на земли́, бу́дут свя́зана на небеси́: и ели́ка а́ще разрешите́ на земли́, бу́дут разреше́на на небесе́х.Мф 16:19; Ин 20:23
Па́ки ами́нь глаго́лю вам: я́ко а́ще два от вас совеща́ета на земли́ о вся́кой ве́щи, е́же а́ще про́сита, бу́дет и́ма от отца́ моего́ и́же на небесе́х.
Иде́же бо еста́ два или́ трие́ со́брани во и́мя мое́, ту есмь посреде́ их.
Тогда́ присту́пль к нему́ петр рече́: го́споди, коль кра́ты а́ще согреши́т в мя брат мой, и отпущу́ ли ему́ до седмь крат?Лк 17:4
Глаго́ла ему́ иису́с: не глаго́лю тебе́ до седмь крат, но до се́дмьдесят крат седмери́цею.
Сего́ ра́ди уподо́бися ца́рствие небе́сное челове́ку царю́, и́же восхоте́ стяза́тися о словеси́ с рабы́ свои́ми.
Наче́ншу же ему́ стяза́тися, приведо́ша ему́ еди́наго должника́ тмо́ю тала́нт.
Не иму́щу же ему́ возда́ти, повеле́ и госпо́дь его́ прода́ти, и жену́ его́, и ча́да, и вся ели́ка име́яше, и отда́ти.
Пад у́бо раб (той) кла́няшеся ему́, глаго́ля: го́споди, потерпи́ на мне, и вся ти возда́м.
Милосердовав же госпо́дь раба́ того́, прости́ его́, и долг отпусти́ ему́.
Изше́д же раб той, обре́те еди́наго клевре́т свои́х, и́же (бе) до́лжен ему́ стом пе́нязь, и ем его́ давля́ше, глаго́ля: отда́ждь ми, и́мже (ми) еси́ до́лжен.
Пад у́бо клевре́т его́ на но́зе его́, моля́ше его́, глаго́ля: потерпи́ на мне, и вся возда́м ти.
Он же не хотя́ше: но вед всади́ его́ в темни́цу, до́ндеже возда́ст до́лжное.
Ви́девше же клевре́ти его́ бы́вшая, сжа́лиша си зело́ и прише́дше сказа́ша господи́ну своему́ вся бы́вшая.
Тогда́ призва́в его́ господи́н его́, глаго́ла ему́: ра́бе лука́вый, весь долг он отпусти́х тебе́, поне́же умоли́ мя:
Не подоба́ше ли и тебе́ поми́ловати клевре́та твоего́, я́коже и аз тя поми́ловах?
И прогне́вався госпо́дь его́, предаде́ его́ мучи́телем, до́ндеже возда́ст весь долг свой.
Та́ко и оте́ц мой небе́сный сотвори́т вам, а́ще не отпустите́ ко́ждо бра́ту своему́ от серде́ц ва́ших прегреше́ния их.