Mt. Mateo, capítulo Evangelio según Mateo, capítulo 19

Otra escritura: церковнославянский

Traducciones Comparar

И бысть егда́ сконча́ иису́с словеса́ сия́, пре́йде от галиле́и, и прии́де в преде́лы иуде́йския об он пол иорда́на.Mr. 10:1

И по нем идо́ша наро́ди мно́зи, и исцели́ их ту.

И приступи́ша к нему́ фарисе́е искуша́юще его́, и глаго́лаша ему́: а́ще досто́ит челове́ку пусти́ти жену́ свою́ по вся́кой вине́?

Он же отвеща́в, рече́ им: не́сте ли чли, я́ко сотвори́вый искони́, му́жеский пол и же́нский сотвори́л я (есть)?Gn. 1:27; Mr. 10:6

И рече́: сего́ ра́ди оста́вит челове́к отца́ (своего́) и ма́терь, и прилепи́тся (к) жене́ свое́й, и бу́дета о́ба в плоть еди́ну:Gn. 2:24; Mr. 10:7; 1 Co. 6:16; Ef. 5:31

Я́коже ктому́ не́ста два, но плоть еди́на. е́же у́бо бог сочета́, челове́к да не разлуча́ет.

Глаго́лаша ему́: что у́бо моисе́й запове́да да́ти кни́гу распу́стную, и отпусти́ти ю?Dt. 24:1; Mt. 5:31

Глаго́ла им: я́ко моисе́й по жестосе́рдию ва́шему повеле́ вам пусти́ти жены́ ва́шя, из нача́ла же не бысть та́ко.

Глаго́лю же вам, я́ко и́же а́ще пу́стит жену́ свою́, ра́зве словесе́ прелюбоде́йна, и оже́нится ино́ю, прелюбы́ твори́т: и женя́йся пущени́цею, прелюбы́ де́ет.Mt. 5:32; Mr. 10:11; Lc. 16:18

Глаго́лаша ему́ ученицы́ его́: а́ще та́ко есть вина́ челове́ку с жено́ю, лу́чше (есть) не жени́тися.

Он же рече́ им: не вси вмеща́ют словесе́ сего́, но и́мже дано́ (есть).

Суть бо скопцы́, и́же из чре́ва ма́терня роди́шася та́ко: и суть скопцы́, и́же скопи́шася от челове́к: и суть скопцы́, и́же искази́ша са́ми себе́ ца́рствия ра́ди небе́снаго. моги́й вмести́ти, да вмести́т.Is. 56:3; 1 Co. 7:7

Тогда́ приведо́ша к нему́ де́ти, да ру́це возложи́т на них, и помо́лится: ученицы́ же запрети́ша им.Mr. 10:13; Lc. 18:15

Иису́с же рече́ (им): оста́вите дете́й, и не возбраня́йте им приити́ ко мне: таковы́х бо есть ца́рство небе́сное.Mt. 18:3

И возло́жь на них ру́це, оти́де отту́ду.

И се, еди́н (не́кий) присту́пль рече́ ему́: учи́телю благи́й, что бла́го сотворю́, да и́мам живо́т ве́чный?Mr. 10:17; Lc. 18:18

Он же рече́ ему́: что мя глаго́леши блага? никто́же благ, то́кмо еди́н бог. а́ще ли хо́щеши вни́ти в живо́т, соблюди́ за́поведи.Stg. 1:17

Глаго́ла ему́: ки́я? иису́с же рече́: е́же не убие́ши, не прелюбы́ сотвори́ши, не укра́деши, не лжесвиде́тельствуеши.

Чти отца́ и ма́терь, и возлю́биши и́скренняго твоего́ я́ко сам себе́.Ex. 20:12; Lv. 19:18; Dt. 5:16

Глаго́ла ему́ ю́ноша: вся сия́ сохрани́х от ю́ности моея́, что есмь еще́ не доконча́л?

Рече́ ему́ иису́с: а́ще хо́щеши соверше́н бы́ти, иди́, прода́ждь име́ние твое́ и даждь ни́щым, и име́ти и́маши сокро́вище на небеси́: и гряди́ в след мене́.

Слы́шав же ю́ноша сло́во, оти́де скорбя́: бе бо име́я стяжа́ния мно́га.

Иису́с же рече́ ученико́м свои́м: ами́нь глаго́лю вам, я́ко неудо́бь бога́тый вни́дет в ца́рствие небе́сное.

Па́ки же глаго́лю вам: я́ко удо́бее есть вельбу́ду сквозе́ иглины́ у́ши проити́, не́же бога́ту в ца́рствие бо́жие вни́ти.

Слы́шавше же ученицы́ его́, дивля́хуся зело́, глаго́люще: кто у́бо мо́жет спасе́н бы́ти?

Воззре́в же иису́с рече́ им: от челове́к сие́ не возмо́жно есть, от бо́га же вся возмо́жна.Job. 42:2

Тогда́ отвеща́в петр рече́ ему́: се мы оста́вихом вся, и в след тебе́ идо́хом, что у́бо бу́дет нам?Mr. 10:28; Lc. 18:28

Иису́с же рече́ им: ами́нь глаго́лю вам, я́ко вы ше́дшии по мне, в пакибытие́, егда́ ся́дет сын челове́ческий на престо́ле сла́вы своея́, ся́дете и вы на двоюна́десяте престо́лу, судя́ще обемана́десяте коле́нома изра́илевома.Lc. 22:30

И всяк и́же оста́вит дом, или́ бра́тию, или́ сестры́, или́ отца́, или́ ма́терь, или́ жену́, или́ ча́да, или́ се́ла, и́мене моего́ ра́ди, стори́цею прии́мет, и живо́т ве́чный насле́дит.

Мно́зи же бу́дут пе́рви, после́днии: и после́дни, пе́рвии.Mr. 10:31; Lc. 13:30