Mrk Mark, chapter The Gospel According to Mark, chapter 1

Other script: церковнославянский

Translations Compare

Зача́ло ева́нгелиа иису́са христа́, сы́на бо́жия,

я́коже есть пи́сано во проро́цех: се, аз посыла́ю а́нгела моего́ пред лице́м твои́м, и́же угото́вит путь твой пред тобо́ю.Mal 3:1; Mat 11:10; Luk 7:27

Глас вопию́щаго в пусты́ни: угото́вайте путь го́сподень, пра́вы твори́те стези́ его́.Isa 40:3; Mat 3:3; Luk 3:4; Jhn 1:23

Бысть иоа́нн крестя́й в пусты́ни и пропове́дая креще́ние покая́ния во отпуще́ние грехо́в.Mat 3:1; Luk 3:3; Jhn 1:31; Act 13:24

И исхожда́ше к нему́ вся иуде́йская страна́ и иерусали́мляне: и креща́хуся вси во иорда́не реце́ от него́, испове́дающе грехи́ своя́.

Бе же иоа́нн оболче́н власы́ велблу́жди, и по́яс усме́н о чресле́х его́, и яды́й акри́ды и мед ди́вий.Lev 11:22; Mat 3:4

И пропове́даше, глаго́ля: гряде́т кре́плий мене́ вслед мене́, ему́же несмь досто́ин прекло́нься разреши́ти реме́нь сапо́г его́:Luk 3:16; Jhn 1:27

аз у́бо крести́х вы водо́ю: той же крести́т вы ду́хом святы́м.Act 1:5; Act 2:4; 1Co 12:13

И бысть во о́нех днех, прии́де иису́с от назаре́та галиле́йскаго и крести́ся от иоа́нна во иорда́не.Mat 3:13; Luk 3:21

И а́бие восходя́ от воды́, ви́де разводя́щася небеса́ и ду́ха я́ко го́лубя, сходя́ща нань.Mat 3:16; Luk 3:21; Jhn 1:32

И глас бысть с небесе́: ты еси́ сын мой возлю́бленный, о не́мже благоволи́х.

И а́бие дух изведе́ его́ в пусты́ню.Mat 4:1; Luk 4:1

И бе ту в пусты́ни дний четы́редесять, искуша́емь сатано́ю, и бе со зверьми́: и а́нгели служа́ху ему́.

По преда́нии же иоа́ннове, прии́де иису́с в галиле́ю, пропове́дая ева́нгелие ца́рствия бо́жияMat 4:12; Luk 4:14; Jhn 4:43

и глаго́ля, я́ко испо́лнися вре́мя и прибли́жися ца́рствие бо́жие: пока́йтеся и ве́руйте во ева́нгелие.Mat 4:17

Ходя́ же при мо́ри галиле́йстем, ви́де си́мона и андре́а бра́та (того́) си́мона, вмета́юща мре́жи в мо́ре: бе́ста бо ры́баря.Mat 4:18

И рече́ и́ма иису́с: прииди́та вслед мене́, и сотворю́ вас бы́ти ловца́ челове́ком.

И а́бие оста́вльша мре́жи своя́, по нем идо́ста.

И преше́д ма́ло отту́ду, узре́ иа́кова зеведе́ова и иоа́нна бра́та его́, и та в корабли́ стро́яща мре́жа:

и а́бие воззва́ я. И оста́вльша отца́ своего́ зеведе́а в корабли́ с нае́мники, по нем идо́ста.

И внидо́ша в капернау́м: и а́бие в суббо́ты вшед в со́нмище, уча́ше.Mat 4:13; Luk 4:31

И дивля́хуся о учении его́: бе бо учя́ их я́ко власть имы́й, и не я́ко кни́жницы.Mat 7:28; Luk 4:32

И бе в со́нмищи их челове́к в ду́се нечи́сте, и воззва́,Luk 4:33

глаго́ля: оста́ви, что нам и тебе́, иису́се назаряни́не? прише́л еси́ погуби́ти нас: вем тя, кто еси́, святы́й бо́жий.Dan 9:24; Mat 8:29; Jas 2:19

И запрети́ ему́ иису́с, глаго́ля: умолчи́ и изы́ди из него́.

И стрясе́ его́ дух нечи́стый, и возопи́ гла́сом вели́ким, и изы́де из него́.

И ужасо́шася вси, я́коже стяза́тися им к себе́, глаго́лющым: что есть сие́? (и) что учение но́вое сие́, я́ко по о́бласти и духово́м нечи́стым вели́т, и послу́шают его́?

Изы́де же слух его́ а́бие во всю страну́ галиле́йску.

И а́бие из со́нмища изше́дше, приидо́ша в дом си́монов и андре́ов, со иа́ковом и иоа́нном.Mat 8:14; Luk 4:38

Те́ща же си́монова лежа́ше огне́м жего́ма: и а́бие глаго́лаша ему́ о ней.

И присту́пль воздви́же ю, емь за ру́ку ея́: и оста́ви ю огнь а́бие, и служа́ше им.

По́зде же бы́вшу, егда́ захожда́ше со́лнце, приноша́ху к нему́ вся неду́жныя и бесны́я.Mat 8:16; Luk 4:40

И бе весь град собра́лся к две́рем.

И исцели́ мно́ги зле стра́ждущыя разли́чными неду́ги: и бе́сы мно́ги изгна́, и не оставля́ше глаго́лати бе́сы, я́ко ве́дяху его́ христа́ су́ща.Mrk 3:12; Luk 4:41; Act 16:17; Act 19:15

И у́тро, но́щи су́щей зело́, воста́в изы́де, и и́де в пу́сто ме́сто, и ту моли́тву де́яше.

И гна́ша его́ си́мон и и́же с ним:

и обре́тше его́, глаго́лаша ему́, я́ко вси тебе́ и́щут.

И глаго́ла им: и́дем в бли́жния ве́си и гра́ды, да и та́мо пропове́м: на сие́ бо изыдо́х.Luk 4:43

И бе пропове́дая на со́нмищих их, во всей галиле́и, и бе́сы изгоня́.

И прии́де к нему́ прокаже́н, моля́ его́ и на коле́ну припада́я пред ним, и глаго́ля ему́, я́ко, а́ще хо́щеши, мо́жеши мя очистити.Mat 8:2; Luk 5:12

Иису́с же милосердовав, просте́р ру́ку, косну́ся его́, и глаго́ла ему́: хощу́, очи́стися.

И ре́кшу ему́, а́бие оти́де от него́ прокаже́ние, и чист бысть.

И запре́щь ему́, а́бие изгна́ его́:

и глаго́ла ему́: блюди́, никому́же ничесо́же рцы: но шед покажи́ся иере́еви и принеси́ за очище́ние твое́, я́же повеле́ моисе́й, во свиде́телство им.Lev 13:2; Mat 8:4; Luk 5:14

Он же изше́д нача́т пропове́дати мно́го и проноси́ти сло́во, я́коже ктому́ не мощи́ ему́ я́ве во град вни́ти: но вне в пусты́х ме́стех бе. И прихожда́ху к нему́ отвсю́ду.