Mrk Mark, chapter The Gospel According to Mark, chapter 2
Other script: церковнославянский
И вни́де па́ки в капернау́м по днех: и слы́шано бысть, я́ко в дому́ есть.Mat 9:1
И а́бие собра́шася мно́зи, я́коже ктому́ не вмеща́тися ни при две́рех: и глаго́лаше им сло́во.
И приидо́ша к нему́ нося́ще разсла́бленна (жи́лами), носи́ма четы́рьми:Mat 9:2; Luk 5:18
и не могу́щым прибли́житися к нему́ наро́да ра́ди, откры́ша покро́в, иде́же бе, и прокопа́вше све́сиша одр, на не́мже разсла́бленный лежа́ше.
Ви́дев же иису́с ве́ру их, глаго́ла разсла́бленному: ча́до, отпуща́ются тебе́ греси́ твои́.Isa 43:25
Бя́ху же не́цыи от кни́жник ту седя́ще и помышля́юще в сердца́х свои́х:
что сей та́ко глаго́лет хулы́? кто мо́жет оставля́ти грехи́, то́кмо еди́н бог?
И а́бие разуме́в иису́с ду́хом свои́м, я́ко та́ко ти́и помышля́ют в себе́, рече́ им: что сия́ помышля́ете в сердца́х ва́ших?Jhn 2:24; Jhn 6:64
что есть удо́бее? рещи́ разсла́бленному: отпуща́ются тебе́ греси́? или́ рещи́: воста́ни, и возми́ одр твой, и ходи́?Mat 9:5; Luk 5:23
но да уве́сте, я́ко власть и́мать сын челове́ческий на земли́ отпуща́ти грехи́: глаго́ла разсла́бленному:
тебе́ глаго́лю: воста́ни, и возми́ одр твой, и иди́ в дом твой.
И воста́ а́бие, и взем одр, изы́де пред все́ми: я́ко диви́тися всем и сла́вити бо́га, глаго́лющым, я́ко николи́же та́ко ви́дехом.
И изы́де па́ки к мо́рю: и весь наро́д идя́ше к нему́, и уча́ше их.
И мимогря́дый ви́де леви́ю алфе́ова, седя́ща на мы́тнице, и глаго́ла ему́: по мне гряди́. И воста́в вслед его́ и́де.Mat 9:9; Luk 5:27
И бысть возлежа́щу ему́ в дому́ его́, и мно́зи мытари́ и гре́шницы возлежа́ху со иису́сом и со учени́ки его́: бя́ху бо мно́зи, и по нем идо́ша.
И кни́жницы и фарисе́е, ви́девше его́ яду́ща с мытари́ и гре́шники, глаго́лаху ученико́м его́: что я́ко с мытари́ и гре́шники яст и пие́т?
И слы́шав иису́с глаго́ла им: не тре́буют здра́вии врача́, но боля́щии: не приидо́х призва́ти пра́ведники, но гре́шники на покая́ние.Mat 9:13; Luk 5:32; 1Ti 1:15
И бя́ху ученицы́ иоа́нновы и фарисе́йстии постя́щеся. И приидо́ша и глаго́лаша ему́: почто́ ученицы́ иоа́нновы и фарисе́йстии постя́тся, а твои́ ученицы́ не постя́тся?Mat 9:14; Luk 5:33
И рече́ им иису́с: еда́ мо́гут сы́нове бра́чнии, до́ндеже жени́х с ни́ми есть, пости́тися? ели́ко вре́мя с собо́ю и́мут жениха́, не мо́гут пости́тися:
прии́дут же дни́е, егда́ оти́мется от них жени́х, и тогда́ постя́тся в ты́я дни:
и никто́же приложе́ния пла́та небе́лена пришива́ет к ри́зе ве́тсе: а́ще ли же ни, во́змет коне́ц его́ но́вое от ве́тхагоотто́ргнет приставле́ние его́ но́вое от ве́тхаго, и го́рша дира́ бу́дет:Mat 9:16; Luk 5:36
и никто́же влива́ет вина́ но́ва в ме́хи ве́тхи: а́ще ли же ни, просади́т вино́ но́вое ме́хи, и вино́ пролие́тся, и ме́си поги́бнут: но вино́ но́вое в ме́хи но́вы влия́ти (подоба́ет).
И бысть мимоходи́ти ему́ в суббо́ты сквозе́ се́яния, и нача́ша ученицы́ его́ путь твори́ти, востерза́юще кла́сы.Deu 23:25; Mat 12:1; Luk 6:1
И фарисе́е глаго́лаху ему́: виждь, что творя́т в суббо́ты, его́же не досто́ит?
И той глаго́лаше им: не́сте ли николи́же чли, что сотвори́ дави́д, егда́ тре́бование име́ и взалка́ сам и и́же с ним?
ка́ко вни́де в дом бо́жий при авиафа́ре архиере́и, и хле́бы предложе́ния снеде́, и́хже не достоя́ше я́сти то́кмо иере́ем, и даде́ и су́щым с ним?Exo 29:33; Lev 24:9; 1Sa 21:6; Mat 12:4; Luk 6:4
И глаго́лаше им: суббо́та челове́ка ра́ди бысть, а не челове́к суббо́ты ра́ди:
те́мже госпо́дь есть сын челове́ческий и суббо́те.