Luk Luke, chapter The Gospel According to Luke, chapter 22
Other script: церковнославянский
Приближа́шеся же пра́здник опресно́к, глаго́лемый па́сха:Mat 26:2; Mrk 14:1
и иска́ху архиере́е и кни́жницы, ка́ко бы уби́ли его́: боя́хуся бо люде́й.
Вни́де же сатана́ во иу́ду нарица́емаго искарио́т, су́ща от числа́ обоюна́десяте.Mat 26:14
И шед глаго́ла архиере́ом и воево́дам, ка́ко его́ преда́ст им.
И возра́довашася, и совеща́ша ему́ сре́бреники да́ти:
и испове́даобеща́ся, и иска́ше удо́бна вре́мене, да преда́ст его́ им без наро́да.
Прии́де же день опресно́ков, во́ньже подоба́ше жре́ти па́сху:Deu 16:1; Mat 26:17; Mrk 14:12
и посла́ петра́ и иоа́нна, рек: ше́дша угото́вайта нам па́сху, да я́мы.
О́на же реко́ста ему́: где хо́щеши угото́ваем?
Он же рече́ и́ма: се восходя́щема ва́ма во град, сря́щет вы челове́к в скуде́льнице во́ду нося́: по нем иде́та в дом, во́ньже вхо́дит,
и рце́та до́му влады́це: глаго́лет тебе́ учи́тель: где есть оби́тель, иде́же па́сху со учени́ки мои́ми снем?
И той ва́ма пока́жет го́рницу ве́лию по́стлану: ту угото́вайта.
Ше́дша же обрето́ста, я́коже рече́ и́ма: и угото́васта па́сху.
И егда́ бысть час, возлеже́, и обана́десяте апо́стола с ним.Mat 26:20; Mrk 14:18; Jhn 13:12
И рече́ к ним: жела́нием возжеле́х сию́ па́сху я́сти с ва́ми, пре́жде да́же не прииму́ мук:
глаго́лю бо вам, я́ко отсе́ле не и́мам я́сти от нея́, до́ндеже сконча́ются во ца́рствии бо́жии.Act 10:41
И прии́м ча́шу, хвалу́ возда́в, рече́: приими́те сию́, и раздели́те себе́:
глаго́лю бо вам, я́ко не и́мам пи́ти от плода́ ло́знаго, до́ндеже ца́рствие бо́жие прии́дет.
И прии́м хлеб, хвалу́ возда́в преломи́, и даде́ им, глаго́ля: сие́ есть те́ло мое́, е́же за вы дае́мо: сие́ твори́те в мое́ воспомина́ние.Mat 26:26; Mrk 14:22; 1Co 11:24
Та́кожде же и ча́шу по ве́чери, глаго́ля: сия́ ча́ша но́вый заве́т мое́ю кро́вию, я́же за вы пролива́ется:
оба́че се, рука́ предаю́щаго мя со мно́ю (есть) на трапе́зе,Psa 40:10; Mat 26:22
и сын у́бо челове́ческий и́дет по рече́нномупо предуста́вленному сове́ту: оба́че го́ре челове́ку тому́, и́мже предае́тся.Act 2:23; Act 4:28
И ти́и нача́ша иска́ти в себе́, кото́рый у́бо от них хо́щет сие́ сотвори́ти.
Бысть же и пря в них, кий мни́тся их бы́ти бо́лий.
Он же рече́ им: ца́рие язы́к госпо́дствуют и́ми, и облада́ющии и́ми благода́теле нарица́ются.
Вы же не та́ко: но бо́лий в вас, да бу́дет я́ко мний: и ста́рей, я́ко служа́й.
Кто бо бо́лий, возлежа́й ли, или́ служа́й? не возлежа́й ли? Аз же посреде́ вас есмь я́ко служа́й.Php 2:7
Вы же есте́ пребы́вше со мно́ю в напа́стех мои́х:
и аз завещава́ю вам, я́коже завеща́ мне оте́ц мой, ца́рство,
да я́сте и пие́те на трапе́зе мое́й во ца́рствии мое́м: и ся́дете на престо́лех, судя́ще обемана́десяте коле́нома изра́илевома.Mat 19:28; 1Co 6:2; Rev 3:21; Rev 20:4
Рече́ же госпо́дь: си́моне, си́моне, се сатана́ про́сит вас, да бы се́ял, я́ко пшени́цу:1Pe 5:8
аз же моли́хся о тебе́, да не оскуде́ет ве́ра твоя́: и ты не́когда обра́щься утверди́ бра́тию твою́.Mat 16:18; Jhn 17:15
Он же рече́ ему́: го́споди, с тобо́ю гото́в есмь и в темни́цу и на смерть ити́.
Он же рече́: глаго́лю ти, пе́тре, не возгласи́т пе́тель днесь, до́ндеже трикра́ты отве́ржешися мене́ не ве́дети.Mat 26:34; Mrk 14:30; Jhn 13:38
И рече́ им: егда́ посла́х вы без влага́лища и без ме́ха и без сапо́г, еда́ чесого́ лише́ни бы́сте? Они́ же ре́ша: ничесо́же.Mat 10:9; Mrk 6:8; Luk 9:3; Luk 10:4
Рече́ же им: но ны́не и́же и́мать влага́лище, да во́змет, та́кожде и мех: а и́же не и́мать, да прода́ст ри́зу свою́, и ку́пит нож.
Глаго́лю бо вам, я́ко еще́ пи́саное се, подоба́ет, да сконча́ется о мне, е́же: и со беззако́нными вмени́ся. И́бо е́же о мне, кончи́ну и́мать.Isa 53:12; Mrk 15:28
Они́ же ре́ша: го́споди, се ножа́ зде два. Он же рече́ им: дово́лно есть.
И изше́д и́де по обы́чаю в го́ру елео́нскую: по нем же идо́ша ученицы́ его́.Mat 26:36; Mrk 14:32; Jhn 18:1
Быв же на ме́сте, рече́ им: моли́теся, да не вни́дете в напа́сть.Mat 26:41; Mrk 14:38
И сам отступи́ от них я́ко верже́нием ка́мене, и покло́нь коле́на моля́шеся,
глаго́ля: о́тче, а́ще во́лиши мимонести́ ча́шу сию́ от мене́: оба́че не моя́ во́ля, но твоя́ да бу́дет.
Яви́ся же ему́ а́нгел с небесе́, укрепля́я его́.
И быв в по́двизе, приле́жнее моля́шеся: бысть же пот его́ я́ко ка́пли кро́ве ка́плющыя на зе́млю.
И воста́в от моли́твы (и) прише́д ко ученико́м, обре́те их спя́щих от печа́ли
и рече́ им: что спите́? воста́вше моли́теся, да не вни́дете в напа́сть.
Еще́ же ему́ глаго́лющу, се наро́д, и нарица́емый иу́да, еди́н от обоюна́десяте, идя́ше пред ни́ми, и приступи́ ко иису́сови целова́ти его́. Сие́ бо бе зна́мение дал им: его́же а́ще лобжу́, той есть.Mat 26:47; Mrk 14:43; Jhn 18:3
Иису́с же рече́ ему́: иу́до, лобза́нием ли сы́на челове́ческаго предае́ши?
Ви́девше же, и́же бе́ху с ним, быва́емое, ре́ша ему́: го́споди, а́ще уда́рим ноже́м?
И уда́ри еди́н не́кий от них архиере́ова раба́, и уре́за ему́ у́хо десно́е.
Отвеща́в же иису́с рече́: оста́вите до сего́. И косну́вся у́ха его́, исцели́ его́.
Рече́ же иису́с ко прише́дшым нань архиере́ом и воево́дам церко́вным и ста́рцем: я́ко на разбо́йника ли изыдо́сте со ору́жием и дреко́льми я́ти мя?
по вся дни су́щу ми с ва́ми в це́ркви, не простро́сте руки́ на мя: но се есть ва́ша годи́на и о́бласть те́мная.
Е́мше же его́ ведо́ша, и введо́ша его́ во двор архиере́ов. Петр же восле́д идя́ше издале́ча.Mat 26:57; Mrk 14:53; Jhn 18:24
Возгне́щшым же огнь посреде́ двора́ и вку́пе седя́щым им, седя́ше петр посреде́ их.
Узре́вши же его́ рабы́ня не́кая седя́ща при све́теогни́, и воззре́вши нань, рече́: и сей с ним бе.
Он же отве́ржеся его́, глаго́ля: же́но, не зна́ю его́.
И пома́ле други́й ви́дев его́, рече́: и ты от них еси́. Петр же рече́: челове́че, несмь.
И мимоше́дшу я́ко часу́ еди́ному, ин не́кий крепля́шеся глаго́ля: вои́стинну и сей с ним бе: и́бо галиле́анин есть.
Рече́ же петр: челове́че, не вем, е́же глаго́леши. И а́бие, еще́ глаго́лющу ему́, возгласи́ пе́тель.
И обра́щься госпо́дь воззре́ на петра́: и помяну́ петр сло́во го́сподне, я́коже рече́ ему́, я́ко пре́жде да́же пе́тель не возгласи́т, отве́ржешися мене́ трикра́ты.Mat 26:34; Mrk 14:30; Mrk 14:72; Jhn 13:38
И изше́д вон, пла́кася го́рько.
И му́жие держа́щии иису́са руга́хуся ему́, бию́ще:Mat 26:67; Mrk 14:65
и закры́вше его́, бия́ху его́ по лицу́, и вопроша́ху его́, глаго́люще: прорцы́, кто есть ударе́й тя?
И и́на мно́га ху́ляще глаго́лаху нань.
И я́ко бысть день, собра́шася ста́рцы людсти́и и архиере́е и кни́жницы, и ведо́ша его́ на сонм свой,Psa 2:2; Mat 27:2; Mrk 15:1; Jhn 18:28
глаго́люще: а́ще ты еси́ христо́с? рцы нам. Рече́ же им: а́ще вам реку́, не и́мете ве́ры:
а́ще же и вопрошу́ (вы), не отвеща́ете ми, ни отпустите́:
отсе́ле бу́дет сын челове́ческий седя́й одесну́ю си́лы бо́жия.Psa 109:1; Dan 7:13; Mat 26:64; Mrk 14:62; Jhn 6:62
Ре́ша же вси: ты ли у́бо еси́ сын бо́жий? Он же к ним рече́: вы глаго́лете, я́ко аз есмь.
Они́ же ре́ша: что еще́ тре́буем свиде́телства? са́ми бо слы́шахом от уст его́.