Jhn Ioan, capitolul Evanghelia după Ioan, capitolul 1
Altă scriere: церковнославянский
В нача́ле бе сло́во, и сло́во бе к бо́гуу бо́га, и бог бе сло́во.Pro 8:22; 1Jn 1:1
Сей бе искони́ к бо́гуу бо́га:
вся тем бы́ша, и без него́ ничто́же бысть, е́же бысть.Gen 1:3; Psa 32:6
В том живо́т бе, и живо́т бе свет челове́ком:
и свет во тме све́тится, и тма его́ не объя́т.Jhn 3:19
Бысть челове́к по́слан от бо́га, и́мя ему́ иоа́нн:Mat 3:1
сей прии́де во свиде́телство, да свиде́телствует о све́те, да вси ве́ру и́мут ему́да вси уве́руют чрез него́.
Не бе той свет, но да свиде́телствует о све́те:
бе свет и́стинный, и́же просвеща́ет вся́каго челове́ка гряду́щаго в мир:Isa 60:1
в ми́ре бе, и мир тем бысть, и мир его́ не позна́:
во своя́ прии́де, и свои́ его́ не прия́ша.Mat 15:24
Ели́цы же прия́ша его́, даде́ им о́бласть ча́дом бо́жиим бы́ти, ве́рующым во и́мя его́,Rom 8:15; Gal 3:26
и́же не от кро́ве, ни от по́хоти плотски́я, ни от по́хоти му́жеския, но от бо́га роди́шася.Jhn 3:5
И сло́во плоть бысть и всели́ся в ны, и ви́дехом сла́ву его́, сла́ву я́ко единоро́днаго от отца́, испо́лнь благода́ти и и́стины.Mat 1:16; Mat 17:2; Jhn 17:24; 2Co 3:9; Heb 2:11
Иоа́нн свиде́телствует о нем и воззва́ глаго́ла: сей бе, его́же рех, и́же по мне гряды́й, предо мно́ю бысть, я́ко пе́рвее мене́ бе.Mat 3:11
И от исполне́ния его́ мы вси прия́хом и благода́ть воз благода́ть:Eph 1:6; Col 1:19
я́ко зако́н моисе́ом дан бысть, благода́ть (же) и и́стина иису́с христо́м бысть.Exo 20:1; Rom 3:24
Бо́га никто́же ви́де нигде́же: единоро́дный сын, сый в ло́не о́тчи, той испове́да.Exo 33:20; 1Jn 4:12; 1Ti 6:16
И сие́ есть свиде́телство иоа́нново, егда́ посла́ша жи́дове от иерусали́ма иере́ев и леви́тов, да вопро́сят его́: ты кто еси́?Jhn 5:33
И испове́да и не отве́ржеся: и испове́да, я́ко несмь аз христо́с.Jhn 3:28; Act 13:25
И вопроси́ша его́: что у́бо? илиа́ ли еси́ ты? И глаго́ла: несмь. Проро́к ли еси́? И отвеща́: ни.
Ре́ша же ему́: кто еси́? да отве́т да́мы посла́вшым ны: что глаго́леши о тебе́ саме́м?
Рече́: аз глас вопию́щаго в пусты́ни: испра́вите путь го́сподень, я́коже рече́ иса́иа проро́к.Isa 40:3; Mat 3:3; Mrk 1:3; Luk 3:4
И по́сланнии бе́ху от фарисе́й:
и вопроси́ша его́ и ре́ша ему́: что у́бо креща́еши, а́ще ты не́си христо́с, ни илиа́, ни проро́к?
Отвеща́ им иоа́нн, глаго́ля: аз креща́ю водо́ю: посреде́ же вас стои́т, его́же вы не ве́сте:
той есть гряды́й по мне, и́же предо мно́ю бысть, ему́же несмь аз досто́ин, да отрешу́ реме́нь сапогу́ его́.
Сия́ в вифава́ре бы́ша об он пол иорда́на, иде́же бе иоа́нн крестя́.
Во у́трий (же) ви́де иоа́нн иису́са гряду́ща к себе́ и глаго́ла: се, а́гнец бо́жий, взе́мляй грехи́ ми́ра:Exo 12:3; Isa 53:7
сей есть, о не́мже аз рех: по мне гряде́т муж, и́же предо мно́ю бысть, я́ко пе́рвее мене́ бе:
и аз не ве́дех его́: но да яви́тся изра́илеви, сего́ ра́ди приидо́х аз водо́ю крестя́.Mrk 1:4
И свиде́телствова иоа́нн, глаго́ля, я́ко ви́дех ду́ха сходя́ща я́ко го́лубя с небесе́, и пребы́сть на нем:Mat 3:16; Mrk 1:10; Luk 3:22; Jhn 6:27
и аз не ве́дех его́: но посла́вый мя крести́ти водо́ю, той мне рече́: над него́же у́зриши ду́ха сходя́ща и пребыва́юща на нем, той есть крестя́й ду́хом святы́м:
и аз ви́дех и свиде́телствовах, я́ко сей есть сын бо́жий.
Во у́трий (же) па́ки стоя́ше иоа́нн, и от учени́к его́ два.
И узре́в иису́са гряду́ща, глаго́ла: се, а́гнец бо́жий.
И слы́шаста его́ о́ба ученика́ глаго́лющаго, и по иису́се идо́ста.
Обра́щься же иису́с и ви́дев я по себе́ иду́ща, глаго́ла и́ма: чесо́ и́щета? О́на же ре́ста ему́: равви́, е́же глаго́лется сказа́емо учи́телю, где живе́ши?
(И) глаго́ла и́ма: прииди́та и ви́дита. Приидо́ста и ви́деста, где живя́ше, и у него́ пребы́ста день той. Бе же час деся́тый.
Бе (же) андре́й, брат си́мона петра́, еди́н от обою́ слы́шавшею от иоа́нна и по нем ше́дшею.
Обре́те сей пре́жде бра́та своего́ си́мона и глаго́ла ему́: обрето́хом месси́ю, е́же есть сказа́емо христо́с.
И приведе́ его́ ко иису́сови. Воззре́в же нань иису́с рече́: ты еси́ си́мон сын ио́нин: ты нарече́шися ки́фа, е́же сказа́ется петр.Mat 16:18
Во у́трий (же) восхоте́ изы́ти в галиле́ю: и обре́те фили́ппа и глаго́ла ему́: гряди́ по мне.
Бе (же) фили́пп от вифсаи́ды, от гра́да андре́ова и петро́ва.
Обре́те фили́пп нафана́ила и глаго́ла ему́: его́же писа́ моисе́й в зако́не и проро́цы, обрето́хом иису́са сы́на ио́сифова, и́же от назаре́та.Gen 49:10; Deu 18:15; Psa 39:8; Isa 4:2; Isa 7:14; Isa 9:6; Isa 40:11; Isa 45:8; Isa 53:1; Jer 23:5; Jer 33:14; Ezk 34:23; Ezk 37:24; Dan 9:24; Mic 5:2; Zec 9:9
И глаго́ла ему́ нафана́ил: от назаре́та мо́жет ли что добро́ бы́ти? Глаго́ла ему́ фили́пп: прииди́ и виждь.
Ви́де (же) иису́с нафана́ила гряду́ща к себе́ и глаго́ла о нем: се, вои́стинну израилтянин, в не́мже льсти несть.
Глаго́ла ему́ нафана́ил: ка́ко мя зна́еши? Отвеща́ иису́с и рече́ ему́: пре́жде да́же не возгласи́ тебе́ фили́пп, су́ща тя под смоко́вницею ви́дех тя.
Отвеща́ нафана́ил и глаго́ла ему́: равви́, ты еси́ сын бо́жий, ты еси́ царь изра́илев.
Отвеща́ иису́с и рече́ ему́: зане́ рех ти, я́ко ви́дех тя под смоко́вницею, ве́руеши: бо́лша сих у́зриши.
И глаго́ла ему́: ами́нь, ами́нь глаго́лю вам, отсе́ле у́зрите не́бо отве́рсто и а́нгелы бо́жия восходя́щыя и низходя́щыя над сы́на челове́ческаго.Gen 28:12